ກະຊວງກະສິກໍາ ແລະ ປ່າໄມ້ ຈັດກິດຈະກໍາປູກໄມ້ຫຼາຍກວ່າ 4 ພັນຕົ້ນ ທີ່ສູນຄົ້ນຄວ້າປ່າໄມ້ນໍ້າຊວງ

- Plant tree activity - ກະຊວງກະສິກໍາ ແລະ ປ່າໄມ້ ຈັດກິດຈະກໍາປູກໄມ້ຫຼາຍກວ່າ 4 ພັນຕົ້ນ ທີ່ສູນຄົ້ນຄວ້າປ່າໄມ້ນໍ້າຊວງ
- AGL banner - ກະຊວງກະສິກໍາ ແລະ ປ່າໄມ້ ຈັດກິດຈະກໍາປູກໄມ້ຫຼາຍກວ່າ 4 ພັນຕົ້ນ ທີ່ສູນຄົ້ນຄວ້າປ່າໄມ້ນໍ້າຊວງ

ກະຊວງກະສິກໍາ ແລະ ປ່າໄມ້, ໄດ້ຈັດກິດຈະກໍາປູກຕົ້ນໄມ້ ເນື່ອງໃນໂອກາດວັນປູກໄມ້ແຫ່ງຊາດ ແລະ ວັນເດັກນ້ອຍສາກົນ 1 ມິຖຸນາ, ຂຶ້ນຢ່າງຟົດຟື້ນ ໃນວັນທີ 31 ພຶດສະພານີ້, ທີ່ສູນຄົ້ນຄວ້າປ່າໄມ້ ນໍ້າຊວງ, ໂດຍການເຂົ້າຮ່ວມຂອງທ່ານ ບຸນປອນ ບຸດຕະນະວົງ ຮອງປະທານສະພາແຫ່ງຊາດ ແລະ ທ່ານ ລຽນ ທິແກ້ວ ລັດຖະມົນຕີ ກະຊວງດັ່ງກ່າວ ພ້ອມຄະນະ, ມີບັນດາພະນັກງານ, ຊາວໜຸ່ມ ແລະ ເຍົາວະຊົນ ເຂົ້າຮ່ວມຢ່າງຫຼວງຫຼາຍ.

ທ່ານຮອງລັດຖະມົນຕີ ກະຊວງກະສິກໍາ ແລະ ປ່າໄມ້  ໄດ້ຍົກໃຫ້ເຫັນເຖິງຄວາມສໍາຄັນຂອງປ່າໄມ້ ແລະ ຊັບພະຍາກອນປ່າໄມ້ ຕໍ່ກັບການພັດທະນາເສດຖະກິດ-ສັງຄົມແຫ່ງຊາດ ທັງໂດຍກົງ ແລະ ທາງອ້ອມ, ຕໍ່ກັບການປົກປັກຮັກສາສິ່ງແວດລ້ອມເປັນຕົ້ນແມ່ນ ດິນ, ແຫຼ່ງນໍ້າ ແລະ ຊີວະນາໆພັນ ໃຫ້ມີຄວາມອຸດົມສົມບູນ, ຕໍ່ການປ້ອງກັນການປ່ຽນແປງດິນຟ້າອາກາດ ກໍຄືການປັບປຸງຊີວິດການເປັນຢູ່ ແລະ ແກ້ໄຂຄວາມທຸກຍາກຂອງປະຊາຊົນບັນດາເຜົ່າ, ໃນປີ 1980 ສະພາລັດຖະມົນຕີ ໄດ້ອອກມະຕິຕົກລົງ ວ່າດ້ວຍການກໍານົດເອົາວັນທີ 1 ມິຖຸນາ ຊຶ່ງແມ່ນວັນເດັກນ້ອຍສາກົນ ເປັນວັນປູກຕົ້ນໄມ້ແຫ່ງຊາດຂອງລາວ ແລະ ການກໍານົດເອົາວັນດັ່ງກ່າວ ກໍເພື່ອປູກຈິດສໍານຶກ ໃຫ້ອານຸຊົນ,  ເຍົາວະຊົນຂອງຊາດ ກໍຄືລູກຫຼານຜູ້ເກີດໃໝ່ໃຫຍ່ລຸນ ໃຫ້ມີສະຕິຮັກ ແລະ ຫວງແຫນປ່າໄມ້ ແລະ ຊັບພະຍາກອນໄມ້, ທັງເປັນການປຸກລະດົມທົ່ວປວງຊົນເຂົ້າຮ່ວມໃນການຄຸ້ມຄອງ, ປົກປັກຮັກສາ ແລະ ພັດທະນາປ່າໄມ້ ແນ່ໃສ່ເຮັດໃຫ້ປ່າມີຄວາມອຸດົມສົມບູນ, ກາຍເປັນທ່າແຮງ ແລະ ປະກອບສ່ວນສໍາຄັນໃນການພັດທະນາເສດຖະກິດ-ສັງຄົມແຫ່ງຊາດ.

- Wave100S AD to Website 2020 0 - ກະຊວງກະສິກໍາ ແລະ ປ່າໄມ້ ຈັດກິດຈະກໍາປູກໄມ້ຫຼາຍກວ່າ 4 ພັນຕົ້ນ ທີ່ສູນຄົ້ນຄວ້າປ່າໄມ້ນໍ້າຊວງ

ກິດຈະກໍາປູກຕົ້ນໄມ້ໃນຄັ້ງນີ້, ມີຕົ້ນໄມ້ຫຼາຍກວ່າ 4 ພັນຕົ້ນ, ຊຶ່ງແມ່ນໄມ້ພື້ນເມືອງທີ່ມີຄ່າຂອງລາວເຊັ່ນ: ໄມ້ຂະຍຸງ, ໄມ້ດູ່, ໄມ້ແຕ້ຄ່າ, ໄມ້ແຄນ ແລະ ໄມ້ຍາງ, ໃນເນື້ອທີ່ ປະມານ 4 ເຮັກຕາ ໃນເຂດຄຸ້ມຄອງຂອງສູນຄົ້ນຄວ້າວິທະຍາສາດປ່າໄມ້ ໂດຍແນໃສ່ ປູກເພື່ອໃຫ້ກາຍເປັນປ່າ ແລະ ເປັນແຫຼ່ງຕົ້ນໄມ້ພໍ່ພັນ-ແມ່ພັນສະໝອງແກ່ນໄມ້ ໃຫ້ແກ່ການປູກໄມ້ໃນອະນາຄົດ.

- lattana banner - ກະຊວງກະສິກໍາ ແລະ ປ່າໄມ້ ຈັດກິດຈະກໍາປູກໄມ້ຫຼາຍກວ່າ 4 ພັນຕົ້ນ ທີ່ສູນຄົ້ນຄວ້າປ່າໄມ້ນໍ້າຊວງ
- lattana banner 1 - ກະຊວງກະສິກໍາ ແລະ ປ່າໄມ້ ຈັດກິດຈະກໍາປູກໄມ້ຫຼາຍກວ່າ 4 ພັນຕົ້ນ ທີ່ສູນຄົ້ນຄວ້າປ່າໄມ້ນໍ້າຊວງ
-    AD conten website - ກະຊວງກະສິກໍາ ແລະ ປ່າໄມ້ ຈັດກິດຈະກໍາປູກໄມ້ຫຼາຍກວ່າ 4 ພັນຕົ້ນ ທີ່ສູນຄົ້ນຄວ້າປ່າໄມ້ນໍ້າຊວງ
error: Alert: ເນື້ອຫາຂ່າວມີລິຂະສິດ !!