ກະຊວງວິທະຍາສາດ ​ແລະ ​ເຕັກ​ໂນ​ໂລ​ຊີ​ຮັບ​ຟັງ​ການ​ເຜີຍ​ແຜ່​ສະພາບ​ຊາຍ​ແດນ​ລາວ-ກຳປູ​ເຈຍ

- mo science - ກະຊວງວິທະຍາສາດ ​ແລະ ​ເຕັກ​ໂນ​ໂລ​ຊີ​ຮັບ​ຟັງ​ການ​ເຜີຍ​ແຜ່​ສະພາບ​ຊາຍ​ແດນ​ລາວ-ກຳປູ​ເຈຍ
- AGL banner - ກະຊວງວິທະຍາສາດ ​ແລະ ​ເຕັກ​ໂນ​ໂລ​ຊີ​ຮັບ​ຟັງ​ການ​ເຜີຍ​ແຜ່​ສະພາບ​ຊາຍ​ແດນ​ລາວ-ກຳປູ​ເຈຍ

ກະຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ຈັດກອງປະຊຸມຮັບຟັງເຜີຍແຜ່ສະພາບການລາວ-ກຳປູເຈຍ, ໂດຍທ່ານ ບໍ່ວຽງຄຳ ວົງດາລາ ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ​ໃຫ້ກຽດ​ເຜີຍ​ແຜ່​ເນື້ອ​ໃນ​ເອກະສານ​ດັ່ງກ່າວ, ເພື່ອໃຫ້ພະນັກງານ-ລັດຖະກອນກະຊວງດັ່ງກ່າວ ໄດ້ຮັບຮູ້ສະພາບການ ແລະ ບັນຫາທີ່ພົວພັນເຖິງຊາຍແດນລະຫວ່າງລາວ-ກຳປູເຈຍຢ່າງຖືກຕ້ອງ, ເລິກເຊິ່ງ ແລະ ກວ້າງຂວາງທົ່ວເຖິງທຸກເປົ້າໝາຍ, ໄດ້ຮັບຮູ້, ເຂົ້າໃຈແຈ້ງ ແລະ ເປັນເອກະພາບສູງກັບທັດສະນະທິດທາງຂອງສູນກາງພັກກ່ຽວກັບການແກ້ໄຂບັນຫາທີ່ເກີດຂຶ້ນ, ເພື່ອໂຄສະນາປຸກລະດົມໃຫ້ປະຊາຊົນບັນດາເຜົ່າ, ໂດຍສະເພາະແມ່ນທ້ອງຖິ່ນທີ່ມີຊາຍແດນຕິດຈອດກັບກໍາປູເຈຍ ແລະ ພາກສ່ວນທີ່ກ່ຽວຂ້ອງເປັນເຈົ້າການສືບຕໍ່ຮັກສາການພົວພັນຮ່ວມມືກັນແບບບ້ານໃກ້ເຮືອນຄຽງທີ່ດີ ຕາມແນວທາງນະໂຍບາຍຂອງພັກ-ລັດ, ເພີ່ມສະຕິລະວັງຕົວຕໍ່ການໂຄສະນາແບ່ງແຍກຄວາມສາມັກຄີ, ເດັດດ່ຽວປົກປັກຮັກສາເຂດນ້ຳແດນດິນຂອງພວກເຮົາໄວ້ໃຫ້ໝັ້ນຄົງ.

ທ່ານລັດຖະມົນຕີ ໃຫ້ຮູ້ວ່າ: ການແກ້ໄຂບັນຫາຊາຍແດນລະຫວ່າງລາວ-ກຳປູເຈຍ ຖືເປັນບັນຫາລະອຽດອ່ອນ, ຫລໍ່ແຫລມ, ທ້າທາຍ, ທັງເປັນການທົດສອບຕໍ່ຄວາມອົດທົນພະຍາຍາມໃນການຮັກສາຜົນປະໂຫຍດຂອງຊາດ. ສະນັ້ນ ຄວນເອົາໃຈໃສ່ບາງບັນຫາດັ່ງນີ້: ພວກເຮົາໄດ້ພະຍາຍາມແກ້ໄຂບັນຫາໂດຍສັນຕິວິທີຕາມແນວທາງນະໂຍບາຍຂອງພັກ, ຫລີກລ້ຽງການປະທະກັນດ້ວຍອາວຸດ, ບໍ່ໃຊ້ຄວາມແຂງກະດ້າງ, ບໍ່ໃຊ້ຄວາມຮຸນແຮງ, ບໍ່ໃຊ້ກໍາລັງອາວຸດ, ເພາະມັນຈະເຮັດໃຫ້ເກີດຄວາມສູນເສຍທີ່ໃຫຍ່ຫລວງນັບທັງຊີວິດຂອງຄົນ, ຊັບສິນ, ງົບປະມານ, ບົດບາດຕໍ່ສາກົນ ແລະ ພາກພື້ນ, ພວກເຮົາຕ້ອງໄດ້ເຮັດວຽກໂຄສະນາ, ສຶກສາອົບຮົມເປົ້າໝາຍຕ່າງໆໃນຂອບເຂດທົ່ວປະເທດໃຫ້ຮັບຮູ້, ເຂົ້າໃຈເປັນເອກະພາບກັນ, ປຸກລະດົມຈິດໃຈຮັກຊາດ, ເຕົ້າໂຮມຄວາມສາມັກຄີເປັນປຶກແຜ່ນ, ມີສະຕິລະວັງຕົວກຽມພ້ອມຮັບມືແກ້ໄຂບັນຫາທີ່ຈະເກີດຂຶ້ນຕາມການຊີ້ນຳຂອງພັກ-ລັດ, ສືບຕໍ່ຄົ້ນຄວ້າ, ຊອກຫາວິທີທາງເພື່ອດຳເນີນການແກ້ໄຂຮ່ວມກັນຕາມຫລັກການທີ່ທັງສອງຝ່າຍໄດ້ເຫັນດີຕົກລົງກັນຈົນກວ່າເຂດຄົງຄ້າງມິດຕະພາບ ຈະໄດ້ຮັບການສຳຫລວດ ແລະ ປັກຫລັກໝາຍຢ່າງຖາວອນ.

ໃນໂອກາດນີ້, ທ່ານຍັງໄດ້ສືບຕໍ່ບັນຍາຍຄຳແນະກ່ຽວກັບການຈັດຕັ້ງປະຕິບັດ ຄຳສັ່ງຂອງກົມການເມືອງວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ເພຶ່ອຜັນຂະຫຍາຍ ແລະ ຈັດຕັ້ງປະຕິບັດເນື້ອໃນຄຳສັ່ງໃຫ້ມີຄວາມຖືກຕ້ອງ, ສອດຄ່ອງ ແລະ ເປັນເອກະພາບໃນທົ່ວພັກ, ເຮັດໃຫ້ບັນດາໜ່ວຍພັກຮູ້ສ້າງແຜນການ, ຮູ້ນໍາພາຈັດຕັ້ງປະຕິບັດແຜນການ, ຮູ້ສະຫລຸບຕີລາຄາການຈັດຕັ້ງປະຕິບັດແຜນການ, ຕີລາຄາຄຸນນະພາບ ແລະ ແບ່ງປະເພດສະມາຊິກພັກ ແລະ ໜ່ວຍພັກທີ່ຢູ່ໃນຄວາມຮັບຜິດຊອບຂອງຕົນໃຫ້ມີຄຸນນະພາບ.

- Wave100S AD to Website 2020 0 - ກະຊວງວິທະຍາສາດ ​ແລະ ​ເຕັກ​ໂນ​ໂລ​ຊີ​ຮັບ​ຟັງ​ການ​ເຜີຍ​ແຜ່​ສະພາບ​ຊາຍ​ແດນ​ລາວ-ກຳປູ​ເຈຍ
- lattana banner 1 - ກະຊວງວິທະຍາສາດ ​ແລະ ​ເຕັກ​ໂນ​ໂລ​ຊີ​ຮັບ​ຟັງ​ການ​ເຜີຍ​ແຜ່​ສະພາບ​ຊາຍ​ແດນ​ລາວ-ກຳປູ​ເຈຍ
-    AD conten website - ກະຊວງວິທະຍາສາດ ​ແລະ ​ເຕັກ​ໂນ​ໂລ​ຊີ​ຮັບ​ຟັງ​ການ​ເຜີຍ​ແຜ່​ສະພາບ​ຊາຍ​ແດນ​ລາວ-ກຳປູ​ເຈຍ
- lattana banner - ກະຊວງວິທະຍາສາດ ​ແລະ ​ເຕັກ​ໂນ​ໂລ​ຊີ​ຮັບ​ຟັງ​ການ​ເຜີຍ​ແຜ່​ສະພາບ​ຊາຍ​ແດນ​ລາວ-ກຳປູ​ເຈຍ
error: Alert: ເນື້ອຫາຂ່າວມີລິຂະສິດ !!