ສະຫລອງວັນ​ເດັກ​ ເກີດ​ການ​ສວຍ​ໂອກາດ​ເກັບ​ຄ່າ​ຝາກ​ລົດ​ຢ່າງ​ບໍ່ມີ​ຕົນ​ໂຕ

- IMG 0305 - ສະຫລອງວັນ​ເດັກ​ ເກີດ​ການ​ສວຍ​ໂອກາດ​ເກັບ​ຄ່າ​ຝາກ​ລົດ​ຢ່າງ​ບໍ່ມີ​ຕົນ​ໂຕ
- Untitled design - ສະຫລອງວັນ​ເດັກ​ ເກີດ​ການ​ສວຍ​ໂອກາດ​ເກັບ​ຄ່າ​ຝາກ​ລົດ​ຢ່າງ​ບໍ່ມີ​ຕົນ​ໂຕ

- IMG 0305 - ສະຫລອງວັນ​ເດັກ​ ເກີດ​ການ​ສວຍ​ໂອກາດ​ເກັບ​ຄ່າ​ຝາກ​ລົດ​ຢ່າງ​ບໍ່ມີ​ຕົນ​ໂຕ

​​ເລີ່​ມ​ແຕ່​ເຊົ້າຂອງ​ວັນ​ທີ 1 ມິຖຸນາ ນີ້, ​ຫລາຍ​ແຫ່ງ​ໄດ້​ມີ​ການຈັດ​ງານ​ສະ​ເຫລີ​ມສະຫລອງ​ວັນ​ເດັກນ້ອຍ​ສາກົນ ​ແລະ ວັນ​ປູກ​ຕົ້ນ​ໄມ້​ແຫ່ງ​ຊາດ, ​​ໂດຍ​ສະ​ເພາະ​ແມ່ນ​ຢູ່​ເຂດ​ສູນ​ການ​ຄ້າ​ຕ່າງໆດັ່ງ: ສູນ​ການ​ຄ້າວຽງຈັນ​ເຊັນ​ເຕີ, ຊຶ່ງ​ຜູ້​ປົກຄອງ​ຫລາຍ ຄົນ​ກໍ​ໄດ້​ນຳພາ​ລູກ​ຫລານ​ຂອງ​ຕົນ​ເອງ​ໄປ​ຮ່ວມ​ໃນ​ງານ​ດັ່ງກ່າວ, ​ເຮັດ​ໃຫ້​ພຶ້ນທີ່​ຈອດ​ລົດ​ໃຫຍ່ ​ແລະ ລົດຈັກ​ຂອງສູນ​​ບໍ່ພຽງພໍ, ຈົນ​ຜູ້​ປົກຄອງ​ບາງ​ຄົນ​ຕ້ອງ​​ໄດ້​ນຳ​ເອົາ​ລົດ​ຂອງ​ຕົນຈອດ​ຢູ່​ອ້ອມ​ບໍລິ​ເວນເຂດ​ເສັ້ນທາງ​ຄູ​ວຽງ ​ແລະ ລາມ​ລົງ​ມາ​ຮອດ, ​ເຂດ​ບ້ານ​ເກົ້າ​ຍອດ, ໜ້າທາງ​ເຂົ້າ​ກົມ​ຮູບ​ເງົາ ​ແລະ ສະ​ຖາບັນວິທະຍາ​ກາດ​ສັງຄົມ,  ​​ໃນ​ຂະນະ​ດຽວກັນ, ກໍ​ມີ ປກສ ບ້ານ ​​ເກົ້າ​ຍອດ, ສວຍ​ໂອກາດ​ມາ​​ເກັບເອົາ​ເງີ​ນ​ຄ່າ​ຝາກ​ລົດ​ຈາກ ຜູ້​ປົກຄອງ​ທີ່​ມາ​ຈອດ​ໃນ​ພຶ້ນທີ່​ສາທາລະນະ​ດັ່ງກ່າວ ຢ່າງ​ບໍ່​ເຫມາະ​ສົມ, ​ໃນ​ລາຄາ​ຄັນໜຶ່ງ 10 ພັນ​ກີບຢ່າງ​ບໍ່ມີ​ຕົນ​ໂຕ.

ຈາກ​ເຫດການ​ດັ່ງກ່າວ, ​ໄດ້​ມີ​ບຸກຄົນ​ສ່ອງ​ແສງ​ມາ​ຍັງໜັງສື​ພິມ​ລາວ​ພັດທະນາ​ພວກ​ເຮົາ​ໃນ​ມື້ດັ່ງກ່າວ, ​ແລະ ທາງ​ນັກ​ຂ່າວ​ພວກ​ເຮົາ​ກໍ​ໄດ້​ລົງ​ໄປ​ຕິດຕາມ ​ແລະ ພົບ​ເຫັນ​ວ່າ​ມີ​ການ​ສວຍ​ໂອກາດ​​ເກັບ​ຄ່າ​ຝາກ​ລົດ​ດັ່ງກ່າວ​ແທ້​ຈິງ, ​ໂດຍ​ມີກຸ່ມ​ຄົນ​ທີ່​ໃສ່​ເສື້ອ ປກສ ບ້ານ, ມາ​ຢືນ​ໂບກ ​ແລະ ​ເກັບ​ເອົາ​ເງີ​ນນຳ​ຜູ້​ທີ່​ໄປ​ຈອດ​ລົດ​ໃນ​ເສັ້ນທາງ​ດັ່ງກ່າວ, ຄັນລະ 10 ພັນ​ກີບ ​ແລະ ບໍ່ຮູ້​ວ່າ​ເງີ​ນຈຳນວນ​ມາ​ຫາ​ສານ​ດັ່ງກ່າວ​ຈະ​ໄປ​ເຂົ້າຖົງ​ໃຜ,​ເມື່ອ​ນັກ​ຂ່າວ​ພວກ​ເຮົາໄດ້​ໂທລະ​ສັບ​ໄປ​ສຳພາດ​ທ່ານ ນາຍບ້ານ​ເກົ້າ​ຍອດ ​​ເພີ່ນ​ໄດ້​ໃຫ້​ຄຳ​ຕອບ​ວ່າ: ການ​ທີ່ ພະນັກງານ ປກສ ບ້ານ ລົງ​ໄປ​​ເກັບ​ເອົາ​ເງີ​ນ​ໃນ​ຄັ້ງ​ນີ້, ທາງ​ບ້ານ​ບໍ່​ໄດ້​ຮັບ​ຮູ້ ​ສະ​ນັ້ນ ຈຶ່ງ​ຈະ​ມີ​ການກວດ​ສອບ ​ແລະ ພ້ອມ​ລົງ​ວິ​ໄນ​ຢ່າງ​ເຫມາະ​ສົມ​ກັບ​ຜູ້​ທີ່​ສວຍ​ໂອກາດ​.

- Wave100S AD to Website 2020 0 - ສະຫລອງວັນ​ເດັກ​ ເກີດ​ການ​ສວຍ​ໂອກາດ​ເກັບ​ຄ່າ​ຝາກ​ລົດ​ຢ່າງ​ບໍ່ມີ​ຕົນ​ໂຕ

​ບັນຫາ​ສວຍ​ໂອກາດ​ຂອງ​ກຸ່ມ​ຄົນເອົາ​ພຶ້ນທີ່​ສາທາລະນະ ມາ​ເປັນ​ບ່ອນ​ເກັບ​ເງີ​ນຝາກ​ລົດດັ່ງກ່າວ, ຊຶ່ງ​ມັນ​ກໍ​ບໍ່ສອດຄ່ອງ​ກັບ​ຄຳ​ສັ່ງ​ແນະນຳ​ຂອງ ​ ຫ້ອງ​ວ່າການ​ລັດຖະບານ, ທີ່ຫ້າມ​ໃຫ້​ບຸກຄົນ​​ໃດສວຍ​ໂອກາດ​ເອົາ​ພຶ້ນທີ່​ສາທາລະນະ​ເປັນ​ບ່ອນ​ເກັບ​ເງີ​ນຝາກ​ລົດ​​ເດັດຂາດ, ດັ່ງ​ນັ້ນ​ໃນ​ກໍລະນີ​ແບບ​ນີ້ ກໍ​ຫວັງ​ວ່າ​ພາກສ່ວນ​ກ່ຽວຂ້ອງ ຈະ​ຕ້ອງ​ມີ​ມາດ​ຕະການ​ແກ້​ໄຂ​ເພື່ອ​ບໍ່ສ້າງ​ຄວາມ​ອັບປະ​ໂຫຍ​ດ​ໃຫ້​ສັງຄົມ.

- WhatsApp Image 2020 05 27 at 5 - ສະຫລອງວັນ​ເດັກ​ ເກີດ​ການ​ສວຍ​ໂອກາດ​ເກັບ​ຄ່າ​ຝາກ​ລົດ​ຢ່າງ​ບໍ່ມີ​ຕົນ​ໂຕ
- WhatsApp Image 2020 05 27 at 5 - ສະຫລອງວັນ​ເດັກ​ ເກີດ​ການ​ສວຍ​ໂອກາດ​ເກັບ​ຄ່າ​ຝາກ​ລົດ​ຢ່າງ​ບໍ່ມີ​ຕົນ​ໂຕ
error: Alert: ເນື້ອຫາຂ່າວມີລິຂະສິດ !!