ຊີເນີດິນ ຊີດານ ປະກາດອຳລາ ຕຳແໜ່ງໂຄ໊ສ ຣີລ ມາດຣິດ

- 1527769668719 960x0 - ຊີເນີດິນ ຊີດານ ປະກາດອຳລາ ຕຳແໜ່ງໂຄ໊ສ ຣີລ ມາດຣິດ
- AGL banner - ຊີເນີດິນ ຊີດານ ປະກາດອຳລາ ຕຳແໜ່ງໂຄ໊ສ ຣີລ ມາດຣິດ

ຊີ​ເນີ​ດິນ ຊີ​ດານ ​ໂຄ໊ສທີ​ມສະ​ໂມ​ສອນ ຣີລ ມາດຣິດ ທີ​ມບານ​ເຕະ​ຍັກ​ໃຫຍ່​ໃນ​ລາ​ລີ​ກາ ຂອງ​ສະ​ເປ​ນ ສ້າງ​ຄວາມ​ປະຫລາດ​ໃຈ​ດ້ວຍ​ການ​ປະກາດ​ໃນ​ວັນ​ທີ 31 ພຶດສະພາ​ວ່າ: ລາວ​ຈະ​ອຳ​ລາດ​ທີ​ມ ຣີລ ມາດຣິດ ພຽງ​ບໍ່​ເທົ່າວັນ​ຫລັງ​ຈາກ​ພາ​ທີ​ມຄວ້າ​ແຊ້ມ ຢູຟາ ​ແຊມ​ປ້ຽນລີກ  ​ເປັນ​ປີ​ທີ 3 ຕິດ​ຕໍ່​ກັນ.

ຊີ​ດານ ກ່າວ​ໃນ​ລະຫວ່າງ​ກາ​ນຖະ​ແຫລ​ງຂ່າວ ​ເຊິ່ງຈັດ​ຂຶ້ນຢ່າງ​ກະທັນຫັນ​ວ່າ: ລາວ​ໄດ້​ຕັດສິນ​ໃຈ​ຈະ​ບໍ່​ເປັນ​ໂຄ໊ສຂອງ​ທີມ ຣີລ ມາດຣິດ ອີກ​ຕໍ່​ໄປ​ໃນ​ປີໜ້າ, ​ແຕ່​ລາວ​ຈະ​ບໍ່​ເປັນ​ໂຄ໊ສ​ໃຫ້​ທີ​ມ​ບານ​ເຕະ​ໃດ​ອີກ. ຊີ​ດານ ກ່າວ​ວ່າ: ຣີລ ມາດຣິດ ສົມຄວນ​ຈະ​ມີ​ໄຊຊະນະ​ຕໍ່​ໄປ ​ແລະ ຈຳ​ເປັນ​ຕ້ອງ​ມີ​ການ​ປ່ຽນ​ແປງ ​ແລະ ລາວ​ເຊື່ອ​ວ່າ: ​ເວລາ​ນັ້ນມາ​ເຖິງ​ແລ້ວ ຫລັງ​ຈາກ​ລາວ​ຄຸມ​ທີ​ມມາ​ເປັນ​ເວລາ 3 ປີ ຣີລ ມາດຣິດ ຈຳ​ເປັນ​ຕ້ອງ​ມີ​ຜູ້​ຄອຍ​ໃຫ້​ຄຳ​ປຶກສາ​ຄົນ​ໃໝ່ ​ແລະ ວິທີ​ການ​ເຮັດ​ວຽກ​ໃໝ່ໆ. ຊີ​ດານ ​ເຊິ່ງມີ​ສັນຍາ​ເປັນ​ໂຄ໊ສ​ໃຫ້ ຣີລ ມາດຣິດ ຈົນ​ຮອດ​ປີ 2020 ກ່າວ​ວ່າ: ຂ້ອຍ​ເບິ່ງ​ວ່າ ຂ້ອຍຈະ​ສາມາດ​ເຮັດ​ໃຫ້​ທີ​ມ​ໄດ້​ໄຊຊະນະ​ອີກ​ຕໍ່​ໄປ. ຂະນະ​ນີ້ ລາວ​ໄດ້​ຊະນະ​ແລ້ວ ​ແລະ ບໍ່​ຢາກ​ເປັນ​ຜູ້​ເສຍ​ໄຊ. ຊີ​ດານ ກ່າວ​ວ່າ: ຂ້ອຍ​ຄິດຢ່າງຮອບ​ຄອບ ​ແລະ ບໍ່​ປ່ຽນ​ໃຈ​ເດັດຂາດ. ຊີ​ດານ ຫາ​ກໍ​ພາ​ທີ​ມ ຣີລ ມາດຣິດ ​ເອົາ​ຊະນະ ລິ​ເວີ​ພູລ ຈາກ​ອັງກິດ ​ໃນ​ການ​ແຂ່ງຂັນ​ນັດ​ຊີງ​ຊະນະ​ເລີດ ຢູ່​ນະຄອນຫລວງ​ຄຽບ ຂອງ​ຢູ​ເຄຣນ ​ໃນ​ວັນ​ທີ 26 ພຶດສະພາ ​ເຮັດ​ໃຫ້​ລາວ​ເປັນ​ໂຄ໊ສຄົນ​ທຳ​ອິດ​ໃນ​ປະຫວັດສາດ​ທີ່​ນຳ​ທີ​ມ​ໄດ້​ແຊ້ມ ຢູຟາ ​ແຊມ​ປ້ຽນລີກ 3 ຄັ້ງຕິດ​ຕໍ່​ກັນ. ຊີ​ດານ ອາຍຸ 45 ປີ ຊ່ວຍ​ໃຫ້ ຣີລ ມາດຣິດ ຄວ້າ 9 ​ແຊ້ມ ນັບ​ແຕ່​ເຂົ້າມາ​ຮັບ​ຕຳ​ແໜ່​ງຕໍ່​ຈາກ ຣາຟາ​ເອລ ​ເບ​ນິ​ເຕຊ ​ໃນ​ເດືອນ​ມັງກອນ 2016. ສ່ວນ ຟໍ​ເຣນຕິ​ໂນ ​ເປ​ເຣຊ ປະທານ​ສະ​ໂມ​ສອນ ກ່າວ​ວ່າ: ການ​ປະກາດ​ເລື່ອງ​ນີ້​ຂອງ ຊີ​ດານ ​ເປັນ​ເລື່ອງ​ບໍ່​ຄາດ​ຄິດ​ມາ​ກ່ອນ. ຂະນະ​ທີ່ ຊີ​ດານ ກ່າວ​ອີກ​ວ່າ: ການ​ຕັດສິນ​ໃຈ​ຂອງ​ລາວ​ບໍ່​ກ່ຽວ​ກັບ​ການ​ທີ່ ຄຣິສ​ເຕຍ​ໂນ ​ໂຣນັລ​ໂດ ນັກ​​ເຕະ​ດັງ​ຂອງ​ທີ​ມ ​ກ່າວ​ເປັນ​ໄນ​ວ່າ​ຈະ​ຍ້າຍ​ທີ​ມ.

- Wave100S AD to Website 2020 0 - ຊີເນີດິນ ຊີດານ ປະກາດອຳລາ ຕຳແໜ່ງໂຄ໊ສ ຣີລ ມາດຣິດ
-    AD conten website - ຊີເນີດິນ ຊີດານ ປະກາດອຳລາ ຕຳແໜ່ງໂຄ໊ສ ຣີລ ມາດຣິດ
- lattana banner - ຊີເນີດິນ ຊີດານ ປະກາດອຳລາ ຕຳແໜ່ງໂຄ໊ສ ຣີລ ມາດຣິດ
- lattana banner 1 - ຊີເນີດິນ ຊີດານ ປະກາດອຳລາ ຕຳແໜ່ງໂຄ໊ສ ຣີລ ມາດຣິດ
error: Alert: ເນື້ອຫາຂ່າວມີລິຂະສິດ !!