ພຽງຢາງສະເໜີຈັດງານລະນຶກ ປະຊຸມຜູ້ນຳສອງເກົາຫລີເທື່ອທຳອິດ

- ipanews c01fc9de 2ce6 488c 8b56 0d418b831512 1 - ພຽງຢາງສະເໜີຈັດງານລະນຶກ ປະຊຸມຜູ້ນຳສອງເກົາຫລີເທື່ອທຳອິດ
- AGL banner - ພຽງຢາງສະເໜີຈັດງານລະນຶກ ປະຊຸມຜູ້ນຳສອງເກົາຫລີເທື່ອທຳອິດ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ທ່ານ ​ໂຊ ຢອງຢອນ ລັດຖະມົນຕີ​ກະຊວງ​ລວມຊາດ​ຂອງ ສ ​ເກົາຫລີ ​ແລະ ທ່ານ ຣີ ຊອນ​ວອນ ຜູ້ອຳນວຍການ​ສຳນັກງານ​ກິດຈະການ​ພາຍ​ໃນ​ລະຫວ່າງ​ເກົາຫລີ​ຂອງ​ລັດຖະບານ​ພຽງ​ຢາງ ພົບ​ປະ​ຫາລື​ກັນ​ທີ່​ອາຄານ​ສັນຕິພາບ ​ເຂດ​ປອດ​ທະຫານປານ​ມູນ​ຈອມ ​ໃນ​ວັນ​ທີ 1 ມິຖຸນາ​ນີ້ ​ໂດຍການ​ຫາລື​ຄັ້ງນີ້​ຕ້ອງ​ເກີດ​ຂຶ້ນ​ໃນ​ວັນ​ທີ 16 ພຶດສະພາ​ຜ່ານ​ມາ, ​ແຕ່​ລັດຖະບານ​ພຽງ​ຢາງ​ເປັນ​ຝ່າຍ​ຂໍ​ຍົກ​ເລີກ ​ເນື່ອງ​ຈາກ​ບໍ່ພໍ​ໃຈ​ທີ່​ກອງທັບ​ອາກາດ​ຂອງ​ອາ​ເມ​ລິ​ກາ ​ແລະ ສ ​ເກົາຫລີ ຊ້ອມ​ຮົບ​ຄັ້ງ​ໃຫຍ່​ຮ່ວມ​ກັນ​ໃນ​ເວລາ​ນັ້ນພໍດີ.

- 1x09cjer copy - ພຽງຢາງສະເໜີຈັດງານລະນຶກ ປະຊຸມຜູ້ນຳສອງເກົາຫລີເທື່ອທຳອິດ

- Wave100S AD to Website 2020 0 - ພຽງຢາງສະເໜີຈັດງານລະນຶກ ປະຊຸມຜູ້ນຳສອງເກົາຫລີເທື່ອທຳອິດ

ທັງ​ນີ້, ​ໃນ​ເບື້ອງຕົ້ນມີ​ການ​ເປີດ​ເຜີຍ​ວ່າ: ຄະນະ​ຜູ້​ແທນ​ຂອງ​ສອງ​ເກົາຫລີ​ແລກປ່ຽນ​ຄວາມ​ຄິດ​ເຫັນ​ກ່ຽວ​ກັບ​ການຈັດຕັ້ງສຳນັກງານ​ຜູ້​ແທນ​ຂອງ​ລັດ ​ໃນ​ເຂດ​ນິຄົມ​ອຸດສາຫະກຳ​ແກ​ຊອງ ​ເຊິ່ງຕັ້ງຢູ່​ເບື້ອງ ສປປ ​ເກົາຫລີ ​ແລະ ການຈັດ​ພິທີ​ສະ​ເຫລີ​ມສະຫລອງ​ຮ່ວມ​ກັນ​ໃນ​ວັນ​ທີ 15 ມິຖຸນາ​ນີ້ ຢູ່ ສ​ ​ເກົາຫລີ ​ເພື່ອ​ເປັນ​ລະນຶກ​ເຖິງ “ປະລິນຍາ 15 ມິຖຸນາ” ​ເຊິ່ງ​ເປັນ​ເອກະສານ​ແນວທາງ​ສ້າງສັນ​ຕິ​ພາບ​ສະບັບ​ທຳ​ອິດ​ທີ່​ຜູ້ນຳ​ສອງ​ເກົາຫລີ​ລົງ​ນາມ​ຮ່ວມ​ກັນ ຄື​ທ່ານ ກິມ ຈ໋ອງອຸນ ຜູ້ນຳ​ສູງ​ສຸດ​ຂອງ ສປປ ​ເກົາຫລີ ​ແລະ ປະທານາທິບໍດີ ກິມ ​ແດ​ຈຸ​ງ ຜູ້ນຳ ສ ​ເກົາຫລີ ​ໃນ​ວັນ​ສຸດ​ທ້າຍຂອງ​ກອງ​ປະຊຸມ​ສຸດ​ຍອດ​ຜູ້ນຳ​ສອງ​ເກົາຫລີ​ເທື່ອ​ທຳ​ອິດ ​ໃນ​ວັນ​ທີ 15 ມິຖຸນາ 2000.

- lattana banner - ພຽງຢາງສະເໜີຈັດງານລະນຶກ ປະຊຸມຜູ້ນຳສອງເກົາຫລີເທື່ອທຳອິດ
- lattana banner 1 - ພຽງຢາງສະເໜີຈັດງານລະນຶກ ປະຊຸມຜູ້ນຳສອງເກົາຫລີເທື່ອທຳອິດ
-    AD conten website - ພຽງຢາງສະເໜີຈັດງານລະນຶກ ປະຊຸມຜູ້ນຳສອງເກົາຫລີເທື່ອທຳອິດ
error: Alert: ເນື້ອຫາຂ່າວມີລິຂະສິດ !!