ມຽນມາເປີດທາງໃຫ້ UN ເດີນທາງໄປລັດຍະໄຂ່

- 1527818832884 960x0 - ມຽນມາເປີດທາງໃຫ້ UN ເດີນທາງໄປລັດຍະໄຂ່
- Untitled design - ມຽນມາເປີດທາງໃຫ້ UN ເດີນທາງໄປລັດຍະໄຂ່

ສະຫະ​ປະຊາ​ຊາດ (UN) ກ່າວ​ວ່າ: ລັດຖະບານ​ມຽນມາ​ຕັດສິນ​ໃຈ​ໃນ​ວັນ​ທີ 31 ພຶ​ດສະພາ​ຜ່ານ​ມາ ຈະ​ເປີດ​ທາງ​ໃຫ້​ສະຫະ​ປະຊາ​ຊາດ​ເດີນທາງ​ເຂົ້າ​ໄປ​ລັດ​ຍະ​ໄຂ່, ຫລັງ​ຈາກ​ຫາ​ຂໍ້​ສະຫລຸບ​ບໍ່​ໄດ້​ກ່ຽວ​ກັບ​ການ​ສົ່ງ​ຕົວ​ຜູ້​ອົບ​ພະຍົບຊາວ​ໂຣຮິງ​ຢາ​ຫລາຍ​ແສນ​ຄົນ​ກັບ​ໄປ​ຖິ່ນ​ຖານ​ໃນ​ລັດ​ດັ່ງກ່າວ.

ລັດຖະບານ​ມຽນມາ​ບໍ່​ເປີ​ດ​ໃຫ້​ບຸກຄົນ​ພາຍ​ນອກ​ເຂົ້າ​ໄປ​ພື້ນທີ່​ສ່ວນ​ໃຫຍ່​ລັດ​ຍະ​ໄຂ່ ​ເຊິ່ງຢູ່​ທາງ​ຕາ​ເວັນ​ຕົກ​ຂອງ​ມຽນມາ, ຫລັງ​ຈາກ​ລັດຖະບານ​ໃຊ້​ປະຕິບັດ​ການ​ທາງ​ທະຫານ​ກວາດ​ລ້າງ​ກຸ່ມ​ຕິດ​ອາວຸດ​ຊາວ​ໂຣຮິງ​ຢາ​ໃນ​ລັດ​ດັ່ງກ່າວ ​ເຮັດ​ໃຫ້​ຊາວ​ໂຣຮິງ​ຢາ​ປະມານ 700.000 ຄົນ ຕ້ອງ​ອົບ​ພະຍົບໜີ​ຄວາມ​ຮຸນ​ແຮງ​ໄປ​ບັງ​ກະລາ​ເທດ ​ແລະ ​ໃນ​ເດືອນ​ພະຈິກ​ປີຜ່ານມາ ມຽນມາ ​ແລະ ບັງ​ກະລາ​ເທດ ລົງ​ນາມ​ໃນ​ຂໍ້​ຕົກລົງ​ສົ່ງ​ຜູ້​ອົບ​ພະຍົບກັບປະ​ເທດ, ​ແຕ່​ມາ​ຮອດ​ປັດຈຸບັນ​ມີ​ຊາວ​ໂຣຮິງ​ຢາ​ເດີນທາງ​ກັບ​ໄປ​ພຽງ​ສ່ວນ​ໜຶ່ງ ​ເຊິ່ງສ່ວນ​ຫລາຍ​ກ່າວ​ວ່າ: ຈະ​ບໍ່​ຍອມ​ກັບ​ໄປ​ຈົນ​ກວ່າ​ຈະ​ມີ​ການ​ຮັບປະກັນ​ເລື່ອງ​ຄວາມ​ປອດ​ໄພ ​ແລະ ການ​ໃຫ້​ສິດ​ໃນ​ການ​ເປັນ​ພົນລະ​ເມືອງ​ຂອງ​ມຽນມາ. ດ້ານ​ສະຫະ​ປະຊາ​ຊາດ ກ່າວ​ວ່າ: ສະພາບ​ພື້ນທີ່​ໃນ​ລັດ​ຍະ​ໄຂ່​ຍັງ​ບໍ່​ພ້ອມ​ຈະ​ໃຫ້​ຜູ້​ອົບ​ພະຍົບກັບ​ໄປ​ຢ່າງ​ປອດ​ໄພ, ຢ່າງ​ສະໝັກ​ໃຈ ​ແລະ ມີ​ສັກ​ສີ ​ແລະ ​ໃນ​ວັນ​ທີ 31 ພຶດສະພາ, ສະຫະ​ປະຊາ​ຊາດ ​ແລະ ລັດຖະບານ​ມຽນມາ ບັນລຸ​ຮ່າງ​ຂໍ້​ຕົກລົງ​ທີ່​ຈະ​ເປີດ​ທາງ​ໃຫ້​ໜ່ວຍ​ງານ​ຕ່າງໆ​ຂອງ​ສະຫະ​ປະຊາ​ຊາດ​ເດີນທາງ​ເຂົ້າ​ໄປ​ລັດ​ຍະ​ໄຂ່ ​ເຊິ່ງລວມທັງ​ສະຖານ​ທີ່​ເກີດ​ຜູ້​ອົບ​ພະຍົບ ​ແລະ ພື້ນທີ່​ທີ່​ຈະ​ໃຊ້​ເປັນ​ສະຖານ​ທີ່​ຕັ້ງຖິ່ນ​ຖານ​ຂອງ​ຊາວ​ໂຣຮິງ​ຢາ​ທີ່​ເດີນທາງ​ກັບ​ບ້ານ ​ເຊິ່ງ​ເປັນ​ສະຖານ​ທີ່​ທີ່​ມຽນມາ​ບໍ່​ເປີ​ດ​ໃຫ້​ໄປ​ສຳ​ຫລວດ​ນັບ​ແຕ່​ເລີ່​ມປະຕິບັດ​ການ​ກວາດ​ລ້າງ​ຢ່າງ​ຮຸນ​ແຮງ ​ໃນ​ເດືອນ​ສິງຫາ​ປີຜ່ານມາ. ການ​ເປີດ​ທາງ​ແບບ​ນີ້​ຈະ​ເຮັດ​ໃຫ້​ສຳນັກງານ​ຂ້າ​ຫລວງ​ໃຫຍ່​ຜູ້​ລີ້​ໄພ​ຂອງ​ສະຫະ​ປະຊາ​ຊາດ​ເຂົ້າ​ໄປ​ຕີ​ລາຄາ​ພື້ນທີ່ ​ແລະ ດຳ​ເນີນ​ພາລະກິດ​ຕ່າງໆ ​ເພື່ອ​ປົກ​ປ້ອງ​ຊາວ​ໂຣຮິງ​ຢາ.

- Wave100S AD to Website 2020 0 - ມຽນມາເປີດທາງໃຫ້ UN ເດີນທາງໄປລັດຍະໄຂ່
- WhatsApp Image 2020 05 27 at 5 - ມຽນມາເປີດທາງໃຫ້ UN ເດີນທາງໄປລັດຍະໄຂ່
- WhatsApp Image 2020 05 27 at 5 - ມຽນມາເປີດທາງໃຫ້ UN ເດີນທາງໄປລັດຍະໄຂ່
error: Alert: ເນື້ອຫາຂ່າວມີລິຂະສິດ !!