ຈຳນວນຜູ້ສູບຢາຫລຸດລົງແຕ່ຍັງເປັນ ສາເຫດສຳຄັນທີ່ເຮັດໃຫ້ເສຍຊີວິດ

- 1527766205677 960x0 - ຈຳນວນຜູ້ສູບຢາຫລຸດລົງແຕ່ຍັງເປັນ ສາເຫດສຳຄັນທີ່ເຮັດໃຫ້ເສຍຊີວິດ
- AGL banner - ຈຳນວນຜູ້ສູບຢາຫລຸດລົງແຕ່ຍັງເປັນ ສາເຫດສຳຄັນທີ່ເຮັດໃຫ້ເສຍຊີວິດ

ອົງການອະນາ​ໄມ​ໂລກ ກ່າວ​ໃນ​ວັນ​ທີ 31 ພຶດສະພາ​ຜ່ານ​ມາ​ວ່າ: ຈຳນວນ​ປະຊາກອນ​ທົ່ວ​ໂລກ​ທີ່​ສູບຢາ​ມີ​ຈຳນວນ​ຫລຸດ​ລົງ ​ໂດຍ​ສະ​ເພາະ​ໃນ​ກຸ່ມ​ແມ່ຍິງ, ​ແຕ່​ມີ​ພຽງ 1 ​ໃນ 8 ຂອງ​ປະ​ເທດ​ຕ່າງໆ​ທີ່​ສາມາດ​ເດີນ​ໜ້າ​ບັນລຸ​ເປົ້າມາຍ​ໃນ​ການ​ຫລຸດ​ການ​ບໍລິ​ໂພ​ກຢາສູບ​ຢ່າງ​ສຳຄັນ​ໃນ​ປີ 2025.

ທ່ານ ດັກ​ລາສ ​ເບັດ​ເຊີ ຜູ້ອຳນວຍການ​ສຳນັກງານ​ປ້ອງ​ກັນ​ພະຍາດ​ບໍ່​ຕິດ​ຕໍ່ ຂອງ​ອົງການ​ອະນາ​ໄມ​ໂລກ ກ່າວ​ໃນ​ລະຫວ່າງ​ການ​ຖະ​ແຫລ​ງລາຍ​ງານ​ກ່ຽວ​ກັບ​ທິດ​ທາງ​ການ​ບໍລິ​ໂພ​ກຢາສູບ​ທົ່ວ​ໂລກ​ວ່າ: ​ໃນ​​ແຕ່ລະ​ປີ​ມີ​ປະຊາກອນ​ໂລກ​ປະມານ 3 ລ້ານ​ຄົນ​ທີ່​ເສຍ​ຊີວິດ​ກ່ອນ​ໄວ​ອັນ​ຄວນ​ຈາກ​ການ​ສູບຢາ ​ເຊິ່ງ​ເຮັດ​ໃຫ້​ເກີດ​ພະຍາດ​ຫົວ​ໃຈ ​ແລະ ຫລອດ​ເລືອດ ​ເຊິ່ງລວມທັງ​ຫົວ​ໃຈ​ວາຍ ​ແລະ ​ເສັ້ນ​ເລືອດ​ໃນ​ສະໝອງ​ແຕກ ​ໂດຍ​ໃນ​ຈຳນວນ​ຜູ້​ເສຍ​ຊີວິດ​ນັ້ນ ມີ​ປະມານ 890.000 ຄົນ ທີ່​ເສຍ​ຊີວິດ​ຈາກ​ການ​ສູດ​ດົມ​ຄວັນ​ຢາສູບ​ມື​ສອງ. ທ່ານ ​ເບັດ​ເຊີ ກ່າວ​ວ່າ: ທະວີບອາ​ເມ​ລິ​ກາ​ເປັນ​ພຽງ​ພາກພື້ນດຽວ​ທີ່​ມີ​ໂອກາດ​ທີ່​ຈະ​ບັນລຸ​ເປົ້າໝາຍ​ໃນ​ການ​ຫລຸດ​ການ​ບໍລິ​ໂພ​ກຢາສູບ​ໃຫ້​ໄດ້ 30% ​ພາຍ​ໃນ​ປີ 2025, ບາງ​ສ່ວນ​ຂອງ​ເອີຣົບຕາ​ເວັນ​ຕົກ​ຍັງ​ບໍ່​ມີ​ຄວາມ​ຄືບ​ໜ້າ​ໃນ​ເລື່ອງ​ນີ້ ​ເນື່ອງ​ຈາກ​ບໍ່​ສາມາດ​ຊັກ​ຊວນ​ໃຫ້​ແມ່ຍິງ​ເລີກ​ສູບຢາ​ໄດ້. ຂະນະ​ທີ່​ການ​ບໍລິ​ໂພ​ກຢາສູບ​ໃນ​ຕາ​ເວັນ​ອອກ​ກາງ​ພັດ​ເພີ່ມ​ຂຶ້ນ ​ໂດຍ​ລວມ​ແລ້ວ​ຢາສູບ​ຂ້າ​ຊີວິດ​ຄົນ​ທົ່ວ​ໂລກ​ປີ​ລະ​ຫລາຍ​ກວ່າ 7 ລ້ານ​ຄົນ ​ດ້ວຍ​ການ​ເຮັດ​ໃຫ້​ເກີດ​ຄວາມ​ສ່ຽງ​ທີ່​ເພີ່ມ​ຂຶ້ນຈາກ​ການ​ເປັນ​ພະຍາດ​ມະ​ເຮັງ ​ແລະ ພະຍາດຫົວ​ໃຈ, ​ແຕ່​ຜູ້​ສູບຢາ​ໃນ​ຈີນ ​ແລະ ອິນ​ເດຍພັດ​ບໍ່​ຮູ້​ເຖິງ​ຜົນ​ກະທົບ​ທີ່​ເກີດ​ຕໍ່​ສຸຂະພາບ. ຈີນ ​ແລະ ອິນ​ເດຍ ມີ​ຈຳນວນ​ຜູ້​ສູບຢາ​ຫລາຍ​ທີ່​ສຸດ​ໃນ​ໂລກ ປະມານ 307 ລ້ານ​ຄົນ ​ແລະ 106 ລ້ານ​ຄົນ​ຕາມ​ລຳດັບ ຈາກ​ຈຳນວນ​ຜູ້​ສູບຢາ​ທົ່ວ​ໂລກ​ປະມານ 1.100 ລ້ານ​ຄົນ ​ໂດຍ​ມີ​ອິນ​ໂດ​ເນ​ເຊຍ​ຕາມ​ມາ 74 ລ້ານ​ຄົນ.

- Wave100S AD to Website 2020 0 - ຈຳນວນຜູ້ສູບຢາຫລຸດລົງແຕ່ຍັງເປັນ ສາເຫດສຳຄັນທີ່ເຮັດໃຫ້ເສຍຊີວິດ
-    AD conten website - ຈຳນວນຜູ້ສູບຢາຫລຸດລົງແຕ່ຍັງເປັນ ສາເຫດສຳຄັນທີ່ເຮັດໃຫ້ເສຍຊີວິດ
- lattana banner - ຈຳນວນຜູ້ສູບຢາຫລຸດລົງແຕ່ຍັງເປັນ ສາເຫດສຳຄັນທີ່ເຮັດໃຫ້ເສຍຊີວິດ
- lattana banner 1 - ຈຳນວນຜູ້ສູບຢາຫລຸດລົງແຕ່ຍັງເປັນ ສາເຫດສຳຄັນທີ່ເຮັດໃຫ້ເສຍຊີວິດ
error: Alert: ເນື້ອຫາຂ່າວມີລິຂະສິດ !!