ທຸກປະຕູຂອງ ເມສຊີ-ເນມາ ປ່ຽນເປັນອາຫານໃຫ້ເດັກລາຕິນ

- 125d721375ec0eede5630fa88300bf07 - ທຸກປະຕູຂອງ ເມສຊີ-ເນມາ  ປ່ຽນເປັນອາຫານໃຫ້ເດັກລາຕິນ
- Untitled design - ທຸກປະຕູຂອງ ເມສຊີ-ເນມາ  ປ່ຽນເປັນອາຫານໃຫ້ເດັກລາຕິນ

ບໍລິສັດ​ທາງ​ການ​ເງິນຊື່​ດັງ​ໄດ້​ມີ​ການ​ຖະ​ແຫລ​ງວ່າ: ທຸກ​ປະຕູ​ທີ່ ລີ​ໂອ​ເນລ ​ເມສຊີ ​ແລະ ​ເນ​ມາ ຍິງ​ໄດ້​ຕໍ່​ຈາກ​ນີ້ ຈະ​ປ່ຽນ​ເປັນ​ອາຫານ 10.000 ວັນ ​ໃຫ້​ເດັກ​ໃນ​ເຂດ​ອາ​ເມ​ລິ​ກາ​ລາ​ຕິນ ​ແລະ ກາ​ຣິບຽນ.

ມີ​ການ​ເປີດ​ເຜີຍ​ວ່າ: ຄົນ​​ໃນ​ອາ​ເມ​ລິ​ກາ​ລາ​ຕິນປະ​ສົບ​ບັນຫາ​ເລື່ອງ​ຄວາມ​ອຶດຫິວ​ຫລາຍ​ກວ່າ 40 ລ້ານ​ຄົນ ​ແລະ ​ໃນ​ຈຳນວນ​ນັ້ນມີ​ເດັກນ້ອຍ​ຢູ່​ເປັນ​ຈຳນວນ​ຫລາຍ ​ເຊິ່ງທາງ ມາສ​ເຕີກາຣດ ​ໄດ້​ດຶງ​ດາວ​ເຕະ​ທັງ 2 ​ຄົນ​ເຂົ້າຮ່ວມ​ໂຄງການ​ດັ່ງກ່າວ ​ໂດຍ​ລະບຸ​ວ່າ​ທຸກ​ປະຕູ​ທີ່​ເກີດ​ຂຶ້ນຈາກ​ຜູ້​ຫລິ້ນທັງ 2 ຄົນ​ຕໍ່ຈາກ​ນີ້​ຮອດ​ເດືອນ​ມີນາ 2020 ຈະ​ຖືກ​ປ່ຽນ​ເປັນ​ອາຫານ​ສຳລັບ​ເດັກນ້ອຍ​ເຫລົ່ານັ້ນ ​ເຊິ່ງບໍລິສັດ​ຈະ​ບໍລິຈາກ​ເງິນ​ທຽບ​ເທົ່າ​ຈຳນວນ​ອາຫານ 10.000 ວັນ​ໃຫ້ World Food Program (WFP) ຂອງ​ສະຫະ​ປະຊາ​ຊາດ ​ເຊິ່ງ​ເປັນ​ຜູ້​ທີ່​ຈະ​ນຳ​ໄປ​ແຈກ​ຢາຍ​ໃຫ້​ເດັກນ້ອຍ​ຕໍ່​ໄປ.

- Wave100S AD to Website 2020 0 - ທຸກປະຕູຂອງ ເມສຊີ-ເນມາ  ປ່ຽນເປັນອາຫານໃຫ້ເດັກລາຕິນ

​ເມສຊີ ກ່າວ​ເຖິງ​​ໂຄງການ​ນີ້​ວ່າ: ຂ້ອຍ​ມີ​ຄວາມສຸກ​ຫລາຍ ​ແລະ ພູມ​ໃຈ​ທີ່​ໄດ້​ເປັນ​ສ່ວນ​ໜຶ່ງ​ໃນ​ໂຄງການ, ມັນ​ຈະ​ຊ່ວຍ​ປ່ຽນ​ຊີວິດ​ໃຫ້​ເດັກ​ຫລາຍ​ພັນ​ຄົນ ​ແລະ ຂ້ອຍ​ຫວັງ​ວ່າ​ມັນ​ຈະ​ຊ່ວຍ​ສ້າງ​ຮອຍ​ຍິ້ມ​​ໄດ້​ຫລວງຫລາຍ, ສ່ວນ ​ເນ​ມາ ກ່າວ​ວ່າ: ຂ້ອຍ​ມີ​ຄວາມສຸກ​ຫລາຍ​ທີ່​ມີ​ສ່ວນ​ຊ່ວຍ​ເຫລືອ​ພວກ​ເຂົາ, ຂ້ອຍ​ຕ້ອງການ​ທີ່​ຈະ​ເຮັດ​ໃຫ້​ເດັກ​ໃນ​ເຂດ​ນີ້​ມີ​ອາຫານ​ກິນ​ທີ່​ດີ ​ແລະ ​ໄດ້​ຮັບ​ການ​ຊ່ວຍ​ເຫລືອ​​ເພີ່ມ​ຂຶ້ນ.

- WhatsApp Image 2020 05 27 at 5 - ທຸກປະຕູຂອງ ເມສຊີ-ເນມາ  ປ່ຽນເປັນອາຫານໃຫ້ເດັກລາຕິນ
- WhatsApp Image 2020 05 27 at 5 - ທຸກປະຕູຂອງ ເມສຊີ-ເນມາ  ປ່ຽນເປັນອາຫານໃຫ້ເດັກລາຕິນ
error: Alert: ເນື້ອຫາຂ່າວມີລິຂະສິດ !!