ເຍົາວະຊົນເປັນຊັບພະຍາກອນອັນປະເສີດຂອງຊາດ

- 33540498 1359285717506776 9167031836981854208 o - ເຍົາວະຊົນເປັນຊັບພະຍາກອນອັນປະເສີດຂອງຊາດ
- Untitled design - ເຍົາວະຊົນເປັນຊັບພະຍາກອນອັນປະເສີດຂອງຊາດ

   ໂດຍ: ກ້ອງສ່ອງ ອິດສະຫລະ

ເວົ້າເຖິງບັນຍາກາດໃນການສະເຫລີມສະຫລອງວັນ ເດັກນ້ອຍສາກົນ ວັນທີ 1 ມິ ຖຸນານີ້, ເຫັນໄດ້ວ່າມີຫລາຍ ສະຖາບັນການສຶກສາ ໂດຍ ສະເພາະຕາມສູນລ້ຽງເດັກ, ໂຮງຮຽນອະນຸບານ ແລະ ໂຮງຮຽນປະຖົມສຶກສາ ໄດ້ ພາກັນຈັດກິດຈະກຳໃຫ້ລູກ ຫລານ-ເຍົາວະຊົນ ໄດ້ມ່ວນ ຊື່ນ ແລະ ໄດ້ສຳພັດກັບສິ່ງ ຕ່າງໆ ດ້ວຍຫລາຍຮູບແບບ ເຊັ່ນ: ການໃຫ້ໂພຊະນາການ, ແຈກຢາຍຂອງຂວັນ, ອາ ຫານການກິນ, ຈັດກິດຈະກຳ ຖາມ-ຕອບເອົາລາງວັນ, ສະແດງສິລະປະວັນນະຄະດີ, ພາເດັກນ້ອຍເຍົາວະຊົນໄປ ທ່ອງທ່ຽວຕາມສະຖານທີ່ສາ ທາລະນະ ຫລື ເຮັດກິດຈະກຳ ຕ່າງໆທີ່ຫລາກຫລາຍສີສັນ.

 

ສູນຝຶກປິ່ງປ໋ອງດາລາວອນເປີດໂອກາດໃຫ້ເຍົາວະຊົນເຂົ້າຝຶກຊ້ອມ

ເຜີຍແຜ່ປື້ມຄູ່ມືແຫ່ງຊາດ ການບໍລິການທີ່ເປັນມິດກັບເຍົາວະຊົນ ແລະ ໄວໜຸ່ມ

- Wave100S AD to Website 2020 0 - ເຍົາວະຊົນເປັນຊັບພະຍາກອນອັນປະເສີດຂອງຊາດ

ຂະບວນການເຫລົ່ານີ້, ສ່ວນຫລາຍກໍຢູ່ຕາມຕົວ ເມືອງໃຫຍ່ໆ ເຊັ່ນ: ຢູ່ເທສະ ບານແຂວງ, ເທສະບານ ເມືອງ, ນະຄອນ ແລະ ພິເສດ ສຸດໆແມ່ນຢູ່ນະຄອນຫລວງ ວຽງຈັນ. ນອກນັ້ນ, ຕາມສະ ຖາບັນຄອບຄົວທີ່ມີລູກຫລານເດັກນ້ອຍເຍົາວະຊົນ ກໍມີພໍ່ ແມ່ເປັນຜູ້ໃກ້ຊິດ, ເບິ່ງແຍງ ໃຫ້ຄວາມອົບອຸ່ນ, ສ່ວນຜູ້ມີ ເງື່ອນໄຂກໍໄດ້ນຳພາລູກ ຫລານໄປທ່ອງທ່ຽວ ເພື່ອສຳ ພັດກັບບັນຍາກາດຕາມສະ ຖານທີ່ສຳຄັນທາງປະຫວັດ ສາດ, ສູນການຄ້າ ແລະ ຕາມ ແຫລ່ງທ່ອງທ່ຽວຕ່າງໆ ທີ່ໄດ້ ຈັດຂຶ້ນເຊັ່ນຢູ່ນະຄອນຫລວງວຽງຈັນກໍແມ່ນສູນການຄ້າ ລາວ-ໄອເຕັກ, ວຽງຈັນເຊັນ ເຕີ ແລະ ບ່ອນອື່ນໆອີກຫລາຍ ແຫ່ງ.

ຕ້ອງຍອມຮັບວ່າ: ໃນຍຸກ ສະໄໝນີ້, ເດັກນ້ອຍລາວເຮົາ ມີຄວາມກ້າວໜ້າ ແລະ ພັດທະ ນາໄປຫລາຍ ບໍ່ວ່າຢູ່ຕົວເມືອງ ແລະ ຊົນນະບົດ, ສິ່ງທີ່ສະ ແດງອອກຢ່າງໂດດເດັ່ນກໍ ແມ່ນ ໃນດ້ານທັກສະຄວາມຮູ້, ຄວາມສາມາດ, ອັນສາເຫດ ຕົ້ນຕໍກໍເນື່ອງມາຈາກຄວາມຈະເລີນສີວິໄລ, ວິວັດທະນາ ການຂອງສັງຄົມ ແລະ ຂອງ ໂລກ, ທຽບໃສ່ແຕ່ກ່ອນຢູ່ ບ້ານເຮົາການລ້ຽງດູລູກເຕົ້າ ແມ່ນເຕີບໃຫຍ່ຂຶ້ນມາຕາມ ທົ່ງໄຮ່ທົ່ງນາ, ເວົ້າເລື່ອງອາ ຫານການກິນກໍແມ່ນປົ່ນແມ່ນ ແຈ່ວ ຫລື ບາງມື້ມີໂຊກພໍ່ແມ່ ຫາມາໄດ້ກໍກິນປິ້ງກິນຈີ່ ຫລື ໄດ້ກິນລາບກ້ອຍຊອຍຫ່າງ, ເວົ້າເຖິງການຮ່ຳຮຽນ ກໍແມ່ນ ມີຄວາມຫຍຸ້ງຍາກຫລາຍ ດ້ານ, ຍ້ອນພໍ່ແມ່ຂາດເຂີນ ຫລື ບາງທ້ອງຖິ່ນບ້ານ ໄກຈາກ ໂຮງຮຽນ, ບາງບ່ອນໄດ້ ຍ່າງເປັນເກົ້າຫລັກສິບຫລັກ, ຍິ່ງໄປກວ່ານັ້ນ ໃນສະໄໝສົງ ຄາມເດັກນ້ອຍບໍ່ໄດ້ຮ່ຳຮຽນ ເປັນປົກກະຕິ, ຍ້ອນບາງມື້ ພໍ່ແມ່ໄດ້ອຸ້ມເຈ່ຍແລ່ນປົບໜີ ຜ່າຍຫ່າລະເບີດ ແລະ ຖ້າໄປບໍ່ ລອດກໍຕາຍທັງແມ່ທັງລູກ, ການຮຽນໃນສະໄໝສົງຄາມກໍລີ້ຮຽນຢູ່ປ່າ, ຢູ່ຖ້ຳຮູພູເຂົາ ເວົ້າເລື່ອງການກິນການຢູ່ກໍ ແມ່ນອຶດໆຢາກໆ ຍ້ອນວ່າ ພໍ່ ແມ່ມົວເມົານຳແຕ່ປົບເສິກ.
ພໍຕົກມາສະໄໝນີ້, ເກີນ ວ່າທຸກຢ່າງມັນພຽບພ້ອມ ຕ່າງແຕ່ວ່າເຮົາມີຄວາມຕັ້ງໃຈ ຫລື ບໍ່? ອີກປະການໜຶ່ງພໍ່ ແມ່ຫລາຍຄົນກໍມີເງື່ອນໄຂ ຫລາຍຢ່າງໃນການສ້າງລູກ ເຕົ້າໃຫ້ເປັນຄົນດີຂອງຄອບ ຄົວ ແລະ ຂອງຊາດ. ກ່າວ ເຖິງສະຖາບັນການສຶກສາກໍມີທຸກລະດັບຕັ້ງແຕ່ຕົວເມືອງ ຈົນຮອດຊົນນະບົດ ແລະ ຈຳ ນວນພົນລະເມືອງເພີ່ມຂຶ້ນ ເດັກເຍົາວະຊົນກໍເພີ່ມຂຶ້ນ, ສະ ຖາບັນການສຶກສາທຸກລະດັບກໍຂະຫຍາຍຕົວໄປຕິກໆ, ເວົ້າ ເຖິງທັກສະຄວາມສາມາດ ຂອງການຮ່ຳຮຽນເດັກເຍົາ ວະຊົນສະໄໝນີ້ມັນກໍພັດທະ ນາຂຶ້ນຫລາຍ, ເມື່ອເວລາ ຄູຕັ້ງຄຳຖາມກໍຍາດຊິງກັນ ຕອບ, ນັກຮຽນບາງຄົນຊີ້ມື ຈົນຈຳເອີກຂອງສາວຄູເມື່ອ ທຽບໃສ່ສະໄໝພໍ່ແມເຮົາ ພັດຢ້ານແຕ່ຄູຖາມບົດຮຽນ ໃຜກໍຢາກໄປນັ່ງລີ້ຢູ່ທາງ ຫລັງປານໄກ່ຢ້ານໄມ້ຄ້ອນ.

ໃນຍຸກພັດທະນາ ຄືປັດ ຈຸບັນນີ້, ພັກ ແລະ ລັດຖະ ບານເຮົາໄດ້ຖືເອົາການສ້າງ ຊັບພະຍາກອນມະນຸດເປັນ ໜຶ່ງໃນ 4 ບຸກທະລຸ, ຍ້ອນ ແນວນັ້ນເດັກນ້ອຍເຍົາວະຊົນເຮົາຈຶ່ງໄດ້ຮັບການກໍ່ສ້າງ ແລະ ຖະນຸບຳລຸງມາແຕ່ ທ້ອງ ແມ່, ເມື່ອເກີດອອກມາແລ້ວ ກໍມີການບົວລະບັດຮັກສາ ສັກຢາກັນພະຍາດ, ໄດ້ຮັບ ການລ້ຽງດູປູຈີ່ຢ່າງຈິງຈັງ ແລະ ໃກ້ຊິດຈາກພໍ່ແມ່ ຫລື ຜູ້ ປົກຄອງ, ເມື່ອເຕີບໂຕເຖິງ ອາຍຸກະສຽນແລ້ວກໍເຂົ້າສຶກ ສາຮ່ຳຮຽນນັບແຕ່ນ້ອຍຈົນ ໃຫຍ່. ນີ້ລະຄືການສ້າງຄົນ ໃຫ້ເປັນຄົນດີຂອງສັງຄົມສົມ ກັບວ່າ ເດັກເຍົາວະຊົນແມ່ນ ຊັບພະຍາກອນອັນປະເສີດ ຂອງຊາດ.

- 33540498 1359285717506776 9167031836981854208 o - ເຍົາວະຊົນເປັນຊັບພະຍາກອນອັນປະເສີດຂອງຊາດ
(ພາບປະກອບ)
- WhatsApp Image 2020 05 27 at 5 - ເຍົາວະຊົນເປັນຊັບພະຍາກອນອັນປະເສີດຂອງຊາດ
- WhatsApp Image 2020 05 27 at 5 - ເຍົາວະຊົນເປັນຊັບພະຍາກອນອັນປະເສີດຂອງຊາດ
error: Alert: ເນື້ອຫາຂ່າວມີລິຂະສິດ !!