5 ອາຫານເຊົ້າຍິ່ງກິນຍິ່ງທຳລາຍສຸຂະພາບ

- 010406 2018 - 5 ອາຫານເຊົ້າຍິ່ງກິນຍິ່ງທຳລາຍສຸຂະພາບ
- AGL banner - 5 ອາຫານເຊົ້າຍິ່ງກິນຍິ່ງທຳລາຍສຸຂະພາບ
  1. ນົມ : ບາງຄົນອາດຈະເຄີຍໄດ້ຍິນວ່າບໍ່ຄວນກິນນົມໃນຕອນທີ່ທ້ອງວ່າງເປັນເລື່ອງທີ່ເຂົ້າໃຈຖືກຕ້ອງແລ້ວ ເພາະຫາກເຮົາດື່ມນົມຕອນທ້ອງວ່າງອາດເຮັດໃຫ້ຍື່ງທ້ອງໄດ້ ຫລື ໃນບາງຄົນຍັງອາດເຮັດໃຫ້ມີອາການເຈັບທ້ອງ, ຖ່າຍແຫລວ, ຖອກທ້ອງໄດ້. ວິທີແກ້ໄຂງ່າຍໆກໍຄື ຫ້າມດື່ມແຕ່ນົມຢ່າງດຽວ ໃຫ້ກິນຄູ່ກັບອາຫານອື່ນນຳ ໂດຍກິນອາຫານກ່ອນ ຈຶ່ງຄ່ອຍດື່ມນົມຕາມຫລັງ ເທົ່ານີ້ກໍຊ່ວຍໄດ້ຫລາຍແລ້ວ ແຕ່ຫາກໃຜທີ່ມີບັນຫາກັບການດື່ມນົມແທ້ໆ ອາດໝາຍເຖິງນຳ້ຍ່ອຍໃນກະເພາະອາຫານຂອງທ່ານບໍ່ສາມາດຍ່ອຍນົມໄດ້ ອາດຈະລອງປຶກສາແພດເພື່ອບົ່ງມະຕິຢ່າງລະອຽດຕື່ມອີກ.
  2. ໄສ້ກອກ, ແຮມ, ເບຄັອນ : ເຮົາມັກເຫັນອາຫານເຫລົ່ານີ້ໃນຮ້ານອາຫານແບບອາເມລິກັນເບຣກເຟີສ ຫລື ອາຫານເຊົ້າແບບອາເມລິກາ ເຊິ່ງຄວາມຈິງແລ້ວອາຫານເຫລົ່ານີ້ບໍ່ໄດ້ມີສານອາຫານທີ່ດີຕໍ່ຮ່າງກາຍປານໃດ ຫາກດົນໆກິນເທື່ອໜຶ່ງກໍບໍ່ເປັນຫຍັງ ແຕ່ຫາກກິນແບບເກົ່າຕະຫລອດ ແລ້ວບໍ່ມີອາຫານຊະນິດອື່ນຄຽງຄູ່ໄປນຳ ນັ້ນໝາຍຄວາມວ່າຮ່າງກາຍເຮົາຈະໄດ້ຮັບສານອາຫານໃນຕອນເຊົ້າເປັນແປ້ງ, ໂປຣຕິນທີ່ບໍ່ໄດ້ຄຸນນະພາບ ແລະ ໄຂມັນເທົ່ານັ້ນ ດັ່ງນັ້ນຈຶ່ງບໍ່ຄວນກິນແບບນີ້ຕະຫລອດ ຫລື ເມື່ອໃດທີ່ກິນໄສ້ກອກ, ແຮມ, ເບຄັອນ ຄວນກິນຄູ່ກັບຄາໂບໄຮເດຣດ, ໂປຣຕິນ ແລະ ເກືອແຮ່ຈາກຜັກສົດໆນຳ.
  3. ເຂົ້າໜົມປັງທາຊັອກໂກແລັດ : ເຮືອນໃດມີເດັກນ້ອຍ, ໄວໜຸ່ມ ຫລື ເປັນຄອບຄົວທີ່ມັກກິນຊັອກໂກແລັດ ຈະຕ້ອງມີຊັອກໂກ ແລັດກະປຸກໃຫຍ່ໃນເຮືອນເພື່ອໄວ້ທາໃສ່ເຂົ້າໜົມປັງກິນ ອີ່ມ ແລະ ແຊບຖືກໃຈທຸກຄົນ, ແຕ່ສານອາຫານທີ່ຈະໄດ້ມີພຽງແປ້ງ ແລະ ນຳ້ຕານເທົ່ານັ້ນ ດັ່ງນັ້ນແນະນຳໃຫ້ດົນໆກິນເທື່ອໜຶ່ງ ຫລື ກິນຄູ່ກັບສະເຕັກ, ໄຂ່ດາວ ຫລື ຍຳສະຫລັດດີກ່ວາ.
  4. ຊີຣຽວ : ອາຫານເຊົ້າງ່າຍໆຮູບແບບຕາເວັນຕົກທີ່ສາມາດກິນໄດ້ ອີ່ມໄວພາຍໃນບໍ່ເທົ່າໃດນາທີ ແຕ່ແພດຄົ້ນພົບວ່າໃນຊີ ຣຽວ ໂດຍສະເພາະຊີຣຽວຂອງເດັກ ມີແຕ່ແປ້ງ ແລະ ນຳ້ຕານສານອາຫານແບບໂຮເກຣນ ຫລື ທັນຍາພືດຕ່າງໆມີປະລິມານອ່າວໜ້ອຍ. ນອກຈາກນັ້ນຍັງບໍ່ຄົບ 5 ໝວດນຳອີກ ດັ່ງນັ້ນຂໍໃຫ້ຊີຣຽວເປັນພຽງໂຕເລືອກທ້າຍໆໃນມື້ທີ່ຟ້າວແທ້ໆເທົ່ານັ້ນ.
  5. ເຂົ້າໜົມຄູ່ຈຳ້ນົມຂຸ້ນ : ຜູ້ ໃຫຍ່ຫລາຍຄົນເລືອກກິນເຂົ້າໜົມຄູ່ກັບນຳ້ເຕົ້າຫູ້, ນຳ້ເຕົ້າຫູ້້ເປັນອາຫານເຊົ້າທີ່ດີ ແລະ ຄວນກິນຄູ່ກັບອາຫານອື່ນໆ ເຊັ່ນ : ແປ້ງ ແຕ່ເຂົ້າໜົມຄູ່ເປັນແປ້ງທີ່ຊຸ່ມນຳ້ມັນ (ທີ່ບໍ່ດີ ຫາກເປັນນຳ້ມັນໝູທີ່ຈືນດົນໆ ແລ້ວບໍ່ຄ່ອຍໄດ້ປ່ຽນ) ທັງຍັງທຳຮ້າຍໂຕເອງຕື່ມໂດຍການກິນເຂົ້າໜົມຄູ່ກັບນົມຂຸ້ນຫວານທີ່ບໍ່ໄດ້ມີຫຍັງເລີຍນອກຈາກນຳ້ຕານ ເຊິ່ງຈະເຮັດໃຫ້ເຮົາຫິວໄວຂຶ້ນ. ນອກຈາກນີ້ ສິ່ງທີ່ຂາດຫາຍໄປກໍຄື ເກືອແຮ່ ແລະ ວິຕາມິນຈາກຜັກ ແລະ ໝາກໄມ້ ດັ່ງນັ້ນ ດົນໆກິນເທື່ອໜຶ່ງຈະດີກ່ວາ.
- Wave100S AD to Website 2020 0 - 5 ອາຫານເຊົ້າຍິ່ງກິນຍິ່ງທຳລາຍສຸຂະພາບ
- lattana banner - 5 ອາຫານເຊົ້າຍິ່ງກິນຍິ່ງທຳລາຍສຸຂະພາບ
- lattana banner 1 - 5 ອາຫານເຊົ້າຍິ່ງກິນຍິ່ງທຳລາຍສຸຂະພາບ
-    AD conten website - 5 ອາຫານເຊົ້າຍິ່ງກິນຍິ່ງທຳລາຍສຸຂະພາບ
error: Alert: ເນື້ອຫາຂ່າວມີລິຂະສິດ !!