ພົບເຊື້ອພະຍາດດື້ຢາແຜ່ຈາກສັດສູ່ຄົນໄດ້ໄວເກີນຄາດ

- 060406 2018 - ພົບເຊື້ອພະຍາດດື້ຢາແຜ່ຈາກສັດສູ່ຄົນໄດ້ໄວເກີນຄາດ
- Untitled design - ພົບເຊື້ອພະຍາດດື້ຢາແຜ່ຈາກສັດສູ່ຄົນໄດ້ໄວເກີນຄາດ

ຢາປິ່ນປົວໂຄລິສຕິນ  (Colistin) ຖືວ່າເປັນຢາປິ່ນປົວສຸດທ້າຍທີ່ໃຊ້ປິ່ນປົວຜູ້ປ່ວຍໃນກໍລະນີທີ່ຢາຊະນິດອື່ນໆລົ້ມເຫລວໃນການປິ່ນປົວໄປໝົດ.

ສາດສະດາຈານ ຟຣານຊັວ ບັນລູ (Francois Balloux) ຫົວໜ້າການວິໄຈ ແລະ ຜູ້ອຳນວຍການຂອງສະຖາບັນພັນທຸກຳສາດ ມະຫາວິທະຍາໄລ ຢູນິເວີຊິຕີ ຄໍເລຈ ລອນດອນ ກ່າວວ່າ : ຢາປິ່ນປົວຊະນິດນີ້ໄດ້ກາຍເປັນຢາປິ່ນປົວຊະນິດສຸດທ້າຍທີ່ມີຄວາມສຳຄັນທີ່ສຸດໃນການຊ່ວຍຮັກສາຊີວິດຜູ້ປ່ວຍ ເມື່ອຢາປິ່ນປົວຊະນິດອື່ນມີປະສິດທິພາບຫລຸດລົງ.

ສາດສະດາຈານບັນລູ ກ່າວວ່າ : ໃນອະດີດ ຢາໂຄລິສຕິນ ເຄີຍໃຊ້ໃນການປິ່ນປົວພະຍາດ ແຕ່ກັງວົນກັນເລື່ອງຄວາມເປັນພິດແລະ ຜົນຂ້າງຄຽງຕໍ່ຮ່າງກາຍ, ແຕ່ນິຍົມໃຊ້ກັນໃນການລ້ຽງສັດໃນຟາມໝູ ແລະ ໄກ່.

ແຕ່ມາໃນປະຈຸບັນ ເຮົາຂາດແຄນຢາປິ່ນປົວທີ່ມີປະສິດທິພາບ ວົງການແພດຈຶ່ງຫັນມາໃຊ້ຢາໂຄລິສຕິນປິ່ນປົວພະຍາດກັນຫລາຍຂຶ້ນຢ່າງແຜ່ຫລາຍໃນໄລຍະ 5 – 10 ປີທີ່ຜ່ານມາ ແລະ ມາເຖິງຕອນນີ້ ແມ່ນແຕ່ຢາປິ່ນປົວໂຄລິສຕິນເອງກໍເລີ່ມມີປະສິດທິພາບໜ້ອຍລົງໃນການປິ່ນປົວເຊື້ອພະຍາດດື້ຢາ ຫລື ຊູເປີບັ໊ກ.

- Wave100S AD to Website 2020 0 - ພົບເຊື້ອພະຍາດດື້ຢາແຜ່ຈາກສັດສູ່ຄົນໄດ້ໄວເກີນຄາດ

ສາດສະດາຈານບັນລູ ກ່າວວ່າ : ພົບພັນທຸກຳເຊື້ອພະຍາດດື້ຕໍ່ຢາໂຕໜຶ່ງທີ່ແຜ່ມາຈາກໝູໃນຟາມລ້ຽງໃນປະເທດຈີນ ແລ້ວລະບາດຢ່າງໄວວາລາມໄປທົ່ວໂລກສູ່ສັດຊະນິດອື່ນໆ ແລະ ໃນຂະນະນີ້ ພົບພັນທຸກຳກາຍພັນຂອງເຊື້ອພະຍາດດື້ຢາສຳຄັນໆຫລາຍຊະນິດໃນໂຮງໝໍແລ້ວ ແລະ ອາດພົບໃນທຸກຫົນທຸກແຫ່ງທົ່ວໂລກ.

ໃນຂະນະນີ້ ທີມນັກວິທະຍາສາດກຳລັງຫາຫົນທາງເສີມປະສິດທິພາບຂອງຢາປິ່ນປົວທີ່ມີຢູ່ ລວມທັງຢາໂຄລິສຕິນໃຫ້ມີລິດຕໍ່ ຕ້ານເຊື້ອພະຍາດດື້ຢາໄດ້ດີຂຶ້ນ.

ໃນໄລຍະຍາວທີມນັກວິໄຈເຊື່ອວ່າຈຳເປັນຕ້ອງລົງທຶນອ່າວຫລາຍຂຶ້ນເພື່ອພັດທະນາຢາໃໝ່ໆຄຽງຄູ່ໄປກັບການທົບທວນວິທີໃຊ້ຢາປິ່ນປົວໃນການລ້ຽງສັດ ແລະ ໃນການປິ່ນປົວພະຍາດໃນຄົນ.

- WhatsApp Image 2020 05 27 at 5 - ພົບເຊື້ອພະຍາດດື້ຢາແຜ່ຈາກສັດສູ່ຄົນໄດ້ໄວເກີນຄາດ
- WhatsApp Image 2020 05 27 at 5 - ພົບເຊື້ອພະຍາດດື້ຢາແຜ່ຈາກສັດສູ່ຄົນໄດ້ໄວເກີນຄາດ
error: Alert: ເນື້ອຫາຂ່າວມີລິຂະສິດ !!