G7 ຕຳນິອາເມລິກາຂຶ້ນພາສີ

- CiHZjUdJ5HPNXJ92GRg2oq0em0o6pnhktD - G7 ຕຳນິອາເມລິກາຂຶ້ນພາສີ
- AGL banner - G7 ຕຳນິອາເມລິກາຂຶ້ນພາສີ

ກອງ​ປະຊຸມລັດຖະມົນຕີ​ການ​ເງິນ ​ແລະ ຜູ້​ວ່າການ​ທະນາຄານ​ກາງຂອງ​ກຸ່ມ​ປະ​ເທດ​ອຸດສາຫະກຳ​ຊັ້ນນຳ​ຂອງ​ໂລກ ຫລື G7 ຄື​ອາ​ເມ​ລິ​ກາ, ກາ​ນາ​ດາ, ອັງກິດ, ຝຣັ່ງ, ​ເຢຍລະ​ມັນ, ອີ​ຕາ​ລີ, ຍີ່ປຸ່ນ ທີ່​ກາ​ນາ​ດາ ອັດ​ລົງ​ໃນ​ວັນ​ທີ 2 ມິຖຸນາ ​ໂດຍ​ສະມາຊິກ G7 ຕ່າງ​ຕຳນິອາ​ເມ​ລິ​ກາ​ທີ່​ເພີ່ມ​ພາສີ​ນຳ​ເຂົ້າ​ເຫລັກ 25% ​ແລະ ອາ​ລູມີ​ນຽມ 10% ຈາກ​ປະ​ເທດ​ພັນທະ​ມິດ ທັງ​ສະຫະພາບ​ເອີຣົບ (EU), ກາ​ນາ​ດາ ​ແລະ ​ແມັກ​ຊິກ ​ເຊິ່ງ​ເລີ່​ມມີ​ຜົນ​ບັງຄັບ​ໃຊ້​ໃນ​ວັນ​ທີ 1 ມິຖຸນາ.

ລັດຖະມົນຕີ​ການ​ເງິນ​ກາ​ນາ​ດາ ຖະ​ແຫລ​ງວ່າ: ສະມາຊິກ G7 ອີກ 6 ປະ​ເທດ​ຂໍ​ໃຫ້​ທ່ານ ສະ​ເຕີ​ເນ ມາ​ນູຊິນ ລັດຖະມົນຕີ​ການ​ເງິນ​ອາ​ເມ​ລິ​ກາ ນຳ​ຄວາມ​ກັງວົນ ​ແລະ ຜິດ​ຫວັງ​ນີ້​ໄປ​ແຈ້ງ​ຕໍ່​ປະທານາທິບໍດີ ​ໂດ​ນັນ ທຣຳ. EU ​ແລະ ກາ​ນາ​ດາ ຍັງ​ຂູ່​ຈະຕອບ​ໂຕ້​ໂດຍ​ການ​ຂຶ້ນພາສີ​ສິນຄ້າ​ຂອງ​ອາ​ເມ​ລິ​ກາ ​ແລະ ຝຣັ່ງ​ເຕືອນ​ວ່າ: ອາດ​ເກີດ​ສົງຄາມ​ການ​ຄ້າ ຂຶ້ນຢູ່​ກັບ​ການ​ຕັດສິນ​ໃຈ​ຂອງ​ອາ​ເມ​ລິ​ກາ, ​ແຕ່​ທ່ານ ມາ​ນູຊິນ ປະຕິ​ເສດ​ວ່າ: ອາ​ເມ​ລິ​ກາ​ບໍ່​ໄດ້​ປະຖິ້ມການ​ເປັນ​ຜູ້ນຳ​ທາງ​ເສດຖະກິດ​ຂອ​ງ​ໂລກ ​ແຕ່​ຕົນ​ຈະ​ນຳ​ເອົາ​ທ່າ​ທີ​ຂອງ​ສະມາຊິກ G7 ອື່ນໆ​ໄປ​ແຈ້ງ​ຕໍ່​ທ່ານ ທຣຳ.

ກອງ​ປະຊຸມ​ຄັ້ງນີ້​ຢຸດຕິ​ລົງ​ໂດຍ​ບໍ່​ມີ​ຖະ​ແຫລ​ງການ​ຮ່ວມ​ໃດໆ ບົ່ງ​ຊີ້​ວ່າ​ມີ​ຄວາມ​ຂັດ​ແຍ່ງ​ຮຸນ​ແຮງ ​ແລະ ອາດ​ຕໍ່​ເນື່ອງ​ໄປ​ເຖິງ​ກອງ​ປະຊຸມ​ສຸດ​ຍອດ​ຜູ້ນຳ G7 ຢູ່​ກາ​ນາ​ດາ​ໃນ​ອາທິດ​ໜ້າ ​ເຊິ່ງທ່ານ ທຣຳ ຈະ​ໄປ​ຮ່ວມ​ນຳ.

- Wave100S AD to Website 2020 0 - G7 ຕຳນິອາເມລິກາຂຶ້ນພາສີ
- lattana banner 1 - G7 ຕຳນິອາເມລິກາຂຶ້ນພາສີ
- lattana banner - G7 ຕຳນິອາເມລິກາຂຶ້ນພາສີ
-    AD conten website - G7 ຕຳນິອາເມລິກາຂຶ້ນພາສີ
error: Alert: ເນື້ອຫາຂ່າວມີລິຂະສິດ !!