ທ່ານ ດູເຕີເຕ ໄລ່ຕົວແທນ UN

- 55hdbc8h5ekaagjjcf9h9 - ທ່ານ ດູເຕີເຕ ໄລ່ຕົວແທນ UN
- Untitled design - ທ່ານ ດູເຕີເຕ ໄລ່ຕົວແທນ UN

ທ່ານ ດູ​ເຕີ​ເຕ ​ໄລ່​ຜູ້​ຊ່ຽວຊານ​ສິດທິ​ມະນຸດ UN “​ໄປ​ລົງ​ນາຮົກ” ຫລັງ​ວິຈານ​ການ​ຂົ່ມຂູ່​ຍ້າຍ​ຜູ້​ພິພາກສາ​ສານ​ສູງ​ສຸດ.

ປະທານາທິບໍດີ ​ໂຣດຣິ​ໂກ ດູ​ເຕີ​ເຕ ປະທານາທິບໍດີ​ຟີ​ລິບ​ປິນ ກ່າວ​ວາທະ​ເດືອດ​ຫລ້າ​ສຸດ​ກັບ​ນັກ​ຂ່າວ​ຢູ່​ນະຄອນຫລວງ​ມະນິລາ ​ໃນ​ວັນ​ທີ 3 ມິຖຸນາ ​ໃຫ້​ໄປ​ບອກ​ທ່ານ ດິ​ເອ​ໂກ ກາ​ເຊຍ ຊາຍາ​ນ ຜູ້​ສະ​ເໜີ​ລາຍ​ງານ​ກອງ​ປະຊຸມ​ສະຫະ​ປະຊາ​ຊາດ ວ່າ​ດ້ວຍ​ຄວາມ​ເປັນອິດສະຫລະ​ຂອງ​ທະນາຍຄວາມ ​ແລະ ຜູ້​ພິພາກສາ “ຢ່າ​​ແຊກ​ແຊງ​ກິດຈະການພາຍ​ໃນ​ຂອງ​ຟີ​ລິບ​ປິນ”.

ການ​ໂຈມ​ຕີ​ຢ່າງ​ຮຸນ​ແຮງ​ດັ່ງກ່າວ​ຂອງ​ປະທານາທິບໍດີ​ຟີ​ລິບ​ປິນມີ​ຂຶ້ນຫລັງ​ທ່ານ ດິ​ເອ​ໂກ ກາ​ເຊຍ ຊາ​ຍັນ ຜູ້​ຂຽນ​ລາຍ​ງານ​ດ້ານ​ເສລີພາບ​ຂອງ​ຜູ້​ພິພາກສາ ​ແລະ ທະນາຍຄວາມ​ຂອງ UN ລະບຸ​ເຖິງ​ການ​ຕັດສິນ​ປົດ​ປະທານ​ສານສູງ​ສຸດຟີ​ລິບ​ປິ​ນອອກ​ຈາກ​ຕຳ​ແໜ່​ງ​ໃນ​ເດ​ືອນກ່ອນ​ວ່າ: ​ເປັນ​ການ​ສົ່ງ​ສັນຍານ​ອັນ​ຢ້ານ​ກົວ​ໄປ​ຍັງ​ສະມາຊິກ​ໃນ​ຂະ​ບວນການ​ຍຸຕິ​ທຳ​ຄົນ​ອື່ນໆ ​ໂດຍສານ​ສູງ​ສຸດ​ຟີ​ລິບ​ປິນ​ໄດ້​ມີ​ຄຳ​ຕັດສິນ​ໃນ​ເດືອນ​ກ່ອນ​ໃຫ້​ປົດ​ທ່ານ ມາ​ເຣຍ ​ເລີ​ເດ​ສ ​ເຊ​ເຣ​ໂນ ປະທານ​ສານ​ສູງ​ສຸດ ຜູ້​ທີ່​ທ່ານ ດູ​ເຕີ​ເຕ ລະບຸ​ວ່າ​ ​ເປັນ​ສັດຕູ ຫລັງ​ລົງ​ຄະ​ແນນ​ສຽງ​ປະຕິ​ເສດ​ນະ​ໂຍບາຍ​ຂອງ​ລັດຖະບານ ອອກ​ຈາກ​ຕຳ​ແໜ່​ງ.

- Wave100S AD to Website 2020 0 - ທ່ານ ດູເຕີເຕ ໄລ່ຕົວແທນ UN

ທັງ​ນີ້, ປະທານາທິບໍດີ​ຟີ​ລິບ​ປິນຍັງ​ບໍ່​ສົນ​ໃຈ​ແຮງ​ກົດ​ດັນ​ຂອງ​ນາໆ​ຊາດ​ຕໍ່​ການ​ກວາດ​ລ້າງ​ຜູ້​ເຫັນ​ຕ່າງ. ນອກຈາກ​ນີ້ ຍັງ​ເປັນ​ຜູ້​ດຳ​ເນີນ​ນະ​ໂຍບາຍ ​ໂດຍ​ບໍ່​ສົນ​ໃຈ​ອາ​ເມ​ລິ​ກາ​ໃນ​ຍຸກ​ຂອງ​ທ່ານ ບາຣັກ ​ໂອ​ບາ​ມາ ລວມທັງ​ຕຳນິຜູ້​ຂຽນ​ລາຍ​ງານ​ຂອງ UN ​ໃນ​ບັນຫາ​ການ​ຄາດ​ຕະກຳ​ສານ​ເຕ້ຍ​ໃນ​ສົງຄາມ​ຕໍ່ສູ້​ຢາ​ເສບ​ຕິດ ນະ​ໂຍບາຍ​ສຳຄັນ​ຂອງ​ປະທານາທິບໍດີ ດູ​ເຕີ​ເຕ.

- WhatsApp Image 2020 05 27 at 5 - ທ່ານ ດູເຕີເຕ ໄລ່ຕົວແທນ UN
- WhatsApp Image 2020 05 27 at 5 - ທ່ານ ດູເຕີເຕ ໄລ່ຕົວແທນ UN
error: Alert: ເນື້ອຫາຂ່າວມີລິຂະສິດ !!