ການສ້າງຄົນແມ່ນພາລະກິດອັນຍິ່ງໃຫຍ່ຂອງຊາດ

- AGL banner - ການສ້າງຄົນແມ່ນພາລະກິດອັນຍິ່ງໃຫຍ່ຂອງຊາດ

 ໂດຍ: ທິດກ່ຳ   

ໜຶ່ງໃນ 4 ບຸກທະລຸທີ່ພັກ ແລະ ລັດຖະບານເຮົາໄດ້ວາງ ອອກນັ້ນ ແມ່ນການພັດທະນາ ຊັບພະຍາກອນມະນຸດ, ແມ່ນ ການສ້າງຄົນໃຫ້ເປັນຊັບສິນ ໃນດ້ານສະຕິປັນຍາ ແລະ ກຳລັງແຮງໄວ້ເພື່ອເປັນທຶນ ຮອນອັນປະເສີດຂອງຊາດ.

 

4 ປະເທດສະມາຊິກອາຊຽນຫາລື ການສ້າງຕັ້ງສະຫະພັນມວຍ ສຸວັນນະພູມ

ຜົ້ງສາລີເລັ່ງສຶກສາຄວາມເປັນໄປໄດ້ ໃນການສ້າງບໍ່ແກັສຊີວະພາບ

ປັດຈຸບັນ, ໃນເງື່ອນໄຂ ທີ່ປະເທດຊາດພວກເຮົາພວມເລັ່ງລັດພັດທະນາໃຫ້ກ້າວ ໄປທັນກັບການຂະຫຍາຍຕົວ ຂອງໂລກຖືວ່າການພັດທະ ນາຄົນຍິ່ງມີຄວາມສຳ ຄັນນ້ຳ ເບີໜຶ່ງ ທັງມີຄວາມຕ້ອງການ ແລະ ຈຳເປັນທີ່ສຸດ ເຊິ່ງເປົ້າ ໝາຍໃນການສ້າງກໍຕ້ອງໃຫ້ມີສຸຂະພາບແຂງແຮງ, ໃຫຍ່ ສູງ, ມີທັກສະຄວາມຮູ້, ຄວາມ ສາມາດ ແລະ ເຕັມໄປດ້ວຍ ຄຸນສົມບັດຢ່າງຮອບດ້ານ ເພື່ອ ໃຫ້ໄດ້ມາດຕະຖານອີ່ຫລີ. ຕໍ່ ບັນຫານີ້, ເຮົາຈະເຫັນ ໄດ້ວ່າ ໃນບັນດາປະເທດທີ່ເພີ່ນກ້າວສູ່ການພັດທະນາ ຫລື ມີຄວາມ ຈະເລີນໄປແລ້ວ ຄົນໃນປະ ເທດ ເພິ່ນຈະເປັນຄົນໃຫຍ່ ສູງ, ມີລະດັບວັດທະນະທຳ, ມີ ຄວາມຮູ້ຄວາມສາມາດທີ່ມາດ ຕະຖານ ຈຶ່ງສາມາດຮັບມືກັບ ພາລະກິດສ້າງສາ ແລະ ພັດ ທະນາປະເທດຊາດບ້ານ ເມືອງໄດ້.

- Wave100S AD to Website 2020 0 - ການສ້າງຄົນແມ່ນພາລະກິດອັນຍິ່ງໃຫຍ່ຂອງຊາດ

ສຳລັບປະເທດລາວ ເຮົາ ເຫັນໄດ້ວ່າ, ນັບແຕ່ພັກ ແລະ ລັດຖະບານໄດ້ມີການປັບປຸງ ແລະ ປ່ຽນແປງລະບົບການ ສຶກສາຈາກປະລິມານກ້າວສູ່ຄຸນນະພາບ ເຫັນວ່າການສ້າງ ຄົນໄດ້ມີການພັດທະນາ ແລະ ຂະຫຍາຍຕົວດີຂຶ້ນເລື່ອຍໆ ສາມາດໄປທຽບຖານກັບບັນດາປະເທດໃນອາຊີຕາເວັນ ອອກສ່ຽງໃຕ້ ຫລື ອາຊຽນ ດ້ວຍກັນ, ສິ່ງທີ່ສະແດງອອກ ຢ່າງຈະແຈ້ງນັ້ນ, ນອກຈາກ ລະບົບການສຶກສາ, ໄດ້ຄ່ອຍໆ ກ້າວສູ່ຄວາມເປັນມາດຕະ ຖານແລ້ວ ພວກເຮົາຍັງສາ ມາດ ສ້າງຄູ-ອາຈານ ເປັນຄົນ ເກັ່ງໃນການສິດສອນ ກ້າວ ໄປເຖິງສ້າງໄດ້ນັກຮຽນ ເກັ່ງໃນແຕ່ລະປີຢ່າງຫລວງ ຫລາຍ.

ໃນສົກສຶກສາ 2017-2018 ພວກເຮົາຫາກໍສຳ ເລັດ ບັ້ນສອບເສັງຄັດເລືອກເອົາ ນັກຮຽນເກັ່ງໃນທົ່ວປະເທດ ແລະ ໃນປີນີ້ ກໍຄືປີຜ່ານໆມາ, ພວກເຮົາກໍສາມາດສັນຫາ ເດັກເຍົາວະຊົນທີ່ເກັ່ງ, ມີ ຄວາມຮູ້ເພື່ອໄວ້ເປັນທຶນ ຮອນ ຂອງປະເທດຊາດໃນ ອະນາຄົດ.
ແນວໃດກໍຕາມ, ເວົ້າເຖິງ ການສ້າງຄົນໃນສະພາບ ຄວາມເປັນຈິງໃນຫລາຍປີ ຜ່ານມາ, ກໍຄືໃນປັດຈຸບັນເຫັນ ວ່າພວກເຮົາກໍຫາກເຮັດຖືກ ທາງສົມຄວນ, ແຕ່ສິ່ງທີ່ໜ້າ ເປັນຫວ່ງນັ້ນ ເມື່ອຮຽນຈົບ ໄປແລ້ວມີຄົນເກັ່ງຈຳນວນ ຫລວງຫລາຍເຂົາບໍ່ຄ່ອຍມີ ໂອກາດໄດ້ນຳໃຊ້ຄວາມຮູ້ ຄວາມສາມາດທີ່ຕົນໄດ້ຮຽນມາ, ອັນສາເຫດກໍ ຍ້ອນວ່າໃນ ເວລາສັນຫາເອົາຄົນເຂົ້າເຮັດວຽກໃນສຳນັກງານອົງການຂອງເອກະຊົນ ຫລື ລວມໝູ່ ນັ້ນມັນເປັນລັກສະນະສວານ ທາງກັນເຊັ່ນ: ຍັງມີການຫລິ້ນ ພັກຫລິ້ນພວກ, ມີຄົນເຈົ້າຄົນ ຂ້ອຍ, ລູນເຈົ້າຫລານຂ້ອຍ, ມີການຊື້ຈ້າງເຮັດວຽກຕົວ ຢ່າງໃນຂະແໜງເສດຖະກິດ ການເງິນບ່ອນມີລາຍ ໄດ້ດີໆ ແດ່ກໍຈ້າງແພງ, ບ່ອນພໍດ້າມ ພໍດີ ກໍຈ້າງກັນເປັນຊາວສາມ ສິບລ້ານເລີຍເກີດ ມີບັນຫາ ລວາດແຂ້ວເຕົ້າ! ບ່ອນຊິເອົາ ແທ້ໆກໍແມ່ນຄົນກູຄືເກົ່າ, ສຸດ ທ້າຍມາກໍເກີດຄວາມບໍ່ປອດ ໃສພາຍໃນ, ເກີດມີການສໍ້ ລາດບັງຫລວງຍ້ອນ ຄົນພາຍ ໃນເອງພາກັນເຮັດ.

ເມື່ອຕັ້ງໂຈດຖາມກັນ ວ່າ ຈະແກ້ໄຂແນວໃດ? ຄຳຕອບ ກໍຄືມັນຂຶ້ນກັບຫລາຍປັດໄຈ ເຊັ່ນ: ເງິນເດືອນກໍຕ້ອງໃຫ້ ພໍຢູ່ພໍກິນກຸ່ມປາກກຸ້ມ ທ້ອງ, ອັນຕັດສິນທີ່ສຸດແມ່ນ ໃນ ດ້ານຊີວິດການເປັນຢູ່ຕ້ອງ ທຽບຖານກັບລະດັບການ ຂະຫຍາຍຕົວຂອງສັງຄົມແຕ່ ລະໄລຍະ, ຍ້ອນຄວາມອຶດ ຄວາມຢາກພາໃຫ້ຄົນເຮັດ ໄດ້ທຸກຢ່າງ. ອັນສອງມາ ການຄຸ້ມ ຄອງລັດ-ຄຸ້ມຄອງ ສັງຄົມທາງດ້ານກົດໝາຍ ຕ້ອງເຂັ້ມແຂງເດັດຂາດ, ເວົ້າ ແລ້ວ ຕ້ອງເຮັດ, ເຮັດຫລາຍ ກວ່າ ເວົ້າ, ຜູ້ເປັນນາຍຕ້ອງ ເດັດຂາດ, ເປັນແບບຢ່າງ ແລະ ເພື່ອຊາດບ້ານເມືອງ ອີ່ຫລີ, ຜູ້ເຮັດໄດ້ຕ້ອງຍ້ອງ ຍໍສົ່ງເສີມ, ຜູ້ເຮັດບໍ່ໄດ້ກໍຄວນ ຫາວິທີທາງອອກບໍ່ປະປ່ອຍ ໃຫ້ເປັນຊຳເຮື້ອ ຫລື ປົດຕຳ ແໜ່ງໜ້າທີ່.

ຕາມທິດກ່ຳຄິດ, ຖ້າ ພວກເຮົາຫາກພ້ອມກັນສ້າງຄົນ ແລະ ຮູ້ນຳໃຊ້ຄົນຢ່າງ ຖືກຕ້ອງແລ້ວ, ເວົ້າຫຍັງ ເຮັດຫຍັງມັນກໍໄປເພືອບໆ ເສົາວ່າ!.

-    AD conten website - ການສ້າງຄົນແມ່ນພາລະກິດອັນຍິ່ງໃຫຍ່ຂອງຊາດ
- lattana banner 1 - ການສ້າງຄົນແມ່ນພາລະກິດອັນຍິ່ງໃຫຍ່ຂອງຊາດ
- lattana banner - ການສ້າງຄົນແມ່ນພາລະກິດອັນຍິ່ງໃຫຍ່ຂອງຊາດ
error: Alert: ເນື້ອຫາຂ່າວມີລິຂະສິດ !!