ດ່ານສາກົນຂົວມິດຕະພາບນໍ້າເຫືອງ ທໍາລາຍສິນຄ້າທີ່ນໍາເຂົ້າບໍ່ຖືກຕ້ອງ

- buring - ດ່ານສາກົນຂົວມິດຕະພາບນໍ້າເຫືອງ ທໍາລາຍສິນຄ້າທີ່ນໍາເຂົ້າບໍ່ຖືກຕ້ອງ
- Untitled design - ດ່ານສາກົນຂົວມິດຕະພາບນໍ້າເຫືອງ ທໍາລາຍສິນຄ້າທີ່ນໍາເຂົ້າບໍ່ຖືກຕ້ອງ

ຂປລ. ເຈົ້າໜ້າທີ່ສັດຕະວະແພດ ແລະ ເຈົ້າໜ້າທີ່ປະຈໍາດ່ານສາກົນຂົວມິດຕະພາບ ນໍ້າເຫືອງ ເມືອງແກ່ນທ້າວ ແຂວງໄຊຍະບູລີ ຈັດ​ພິທີ​ຈູດ​ທຳລາຍສິນຄ້າ ທີ່ນຳເຂົ້າບໍ່ຖືກຕ້ອງຕາມລະບຽບ ​ໃນ​ນັ້ນ​ປະກອບ​ມີ: ປີກໄກ່ , ຕີນໄກ່, ໄກ່ປອກ, ຊີ້ນໝູ ແລະ ເຄື່ອງໃນງົວ ລວມທັງໝົດ 1.050 ກິໂລ.

ສິນຄ້າ​​ດັ່ງກ່າວ​ນັ້ນ, ເຈົ້າໜ້າທີ່ສັດຕະວະແພດ ແລະ ເຈົ້າໜ້າທີ່ປະຈໍາດ່ານສາກົນຂົວມິດຕະ ພາບນໍ້າເຫືອງ ກວດ​ຢຶດ​ໄດ້​ໃນ​ທ້າຍ​ເດືອນພຶດສະພາ ຜ່ານ​ມາ ທີ່ນຳເຂົ້າບໍ່ຖືກຕ້ອງຕາມລະບຽບ, ລັກນຳເຂົ້າດ້ວຍວິທີເຊື່ອງຊ້ອນມາກັບສິນຄ້າຊະນິດອື່ນ ທີ່ມີເອກະສານນຳເຂົ້າຖືກຕ້ອງ ໂດຍລົດໄຮລັກ (ວີໂກ) ສີປອນເງິນ ທະບຽນ ຜສ 9155 ຂອນແກ່ນ (ລົດຄົນໄທ) ໄດ້ຕ່າງສິນຄ້າຫ້າມນໍ້າເຂົ້າເຊັ່ນ: ປີກໄກ່ , ຕີນໄກ່, ໄກ່ປອກ, ຊີ້ນໝູ ແລະ ເຄື່ອງໃນງົວ ເພື່ອສົ່ງໄປເມືອງໄຊຍະບູລີ. ພ້ອມ​ທັງ​ໄດ້ເຮັດບົດບັນທຶກການກະທຳຜິດໄວ້ເປັນຫລັກຖານ. ຖ້າຫາກຕ້ອງການນຳເຂົ້າຄັ້ງຕໍ່ໄປ ຜູ້ກ່ຽວຕ້ອງປະກອບເອກະສານຕາມຂັ້ນຕອນ, ພ້ອມທັງເຮັດໜັງສືສະເໜີຫາພາກສ່ວນທີ່ກ່ຽວຂ້ອງ ເພື່ອຂໍອະນຸຍາດນຳເຂົ້າ. ​ແຕ່ຖ້າຫາກບໍ່ປະຕິບັດຕາມ ທາງເຈົ້າໜ້າທີ່ສັດຕະວະແພດປະຈຳດ່ານ ຈະບໍ່ອະນຸຍາດໃຫ້ນຳເຂົ້າຢ່າງເດັດຂາດ ຖ້າຝ່າຝືນຈະປັບໄໝ 2 ເທົ່າ.

​ເຂົ້າ​ຮ່ວມ​ໃນ​ພິທີ​ຄັ້ງ​ນີ້, ມີທ່ານ ອໍາຄາ ລັດສະໝີ ຫົວໜ້າດ່ານສາກົນຂົວມິດຕະພາບນໍ້າເຫືອງ, ມີພາສີປະຈໍາດ່ານ, ຕມ ດ່ານ, ໜ່ວຍງານກ່ຽວຂ້ອງ ແລະ ພະນັກງານຫ້ອງການກະສິກໍາ ແລະ ປ່າໄມ້ເມືອງແກ່ນທ້າວ ເຂົ້າຮ່ວມ.

- Wave100S AD to Website 2020 0 - ດ່ານສາກົນຂົວມິດຕະພາບນໍ້າເຫືອງ ທໍາລາຍສິນຄ້າທີ່ນໍາເຂົ້າບໍ່ຖືກຕ້ອງ
- WhatsApp Image 2020 05 27 at 5 - ດ່ານສາກົນຂົວມິດຕະພາບນໍ້າເຫືອງ ທໍາລາຍສິນຄ້າທີ່ນໍາເຂົ້າບໍ່ຖືກຕ້ອງ
- WhatsApp Image 2020 05 27 at 5 - ດ່ານສາກົນຂົວມິດຕະພາບນໍ້າເຫືອງ ທໍາລາຍສິນຄ້າທີ່ນໍາເຂົ້າບໍ່ຖືກຕ້ອງ
error: Alert: ເນື້ອຫາຂ່າວມີລິຂະສິດ !!