ບໍ່ແກ້ວຖືສຳຄັນ​ແກ້​​ໄຂບັນຫາ​ຂາດ​ສານ​ອາຫານໃນເດັກ

- 2201 - ບໍ່ແກ້ວຖືສຳຄັນ​ແກ້​​ໄຂບັນຫາ​ຂາດ​ສານ​ອາຫານໃນເດັກ
- Untitled design - ບໍ່ແກ້ວຖືສຳຄັນ​ແກ້​​ໄຂບັນຫາ​ຂາດ​ສານ​ອາຫານໃນເດັກ

ຕາມ​ການ​ລາຍ​ງານ​ໃນ​ກອງ​ປະຊຸມວຽກງານໂພສະນາການປະຈຳປີ 2018 ຂອງຂະແໜງສາທາລະນະສຸກເມືອງຜາອຸດົມ​ແຂວງ​ບໍ່​ແກ້ວ ​ເມື່ອ​ບໍ່​ດົນ​ນີ້​ວ່າ: ແຂວງບໍ່ແກ້ວ ເປັນແຂວງໜຶ່ງທີ່ເຫັນວ່າຍັງມີເດັກນ້ອຍຕໍ່າກ່ວາເກນອາຍຸ 5 ປີຂາດສານອາຫານສູງ, ​ໃນປີ 2017 ເດັກນ້ອຍຂາດສານອາຫານ (ຈ່ອຍ) ກວມເຖິງ 28%, ຂາດອາຫານ (ເຕັ້ຍ) 37%, ນໍ້າໜັກຫລຸດມາດຖານ 30%.

ຕໍ່​ບັນຫາ​ດັ່ງກ່າວ, ສູນໂພຊະນາການກະຊວງສາທາລະນະສຸກ ກໍຄືພະແນກສາທາລະນະສຸກແຂວງບໍ່ແກ້ວ ໄດ້ຮ່ວມກັບໂຄງການອຸຍນີເຊບ (Unicef) ໃຫ້ການຊ່ວຍເຫລືອເດັກທີ່ຂາດສານອາຫານໃນທົ່ວແຂວງບໍ່ແກ້ວ ໂດຍການປະຕິບັດຕາມ ຫລັກການ 8 ປ, 2 ພ ຄື: ປັບປຸງການບໍລິໂພກອາຫານ, ປ້ອງກັນການເກີດພະຍາດຈາກນ້ຳ, ອາຫານປົນເປື້ອນ ແລະ ພະຍາດຊຶມເຊື້ອ, ປັບປຸງການເຂົ້າການເຂົ້າເຖິງອາຫານທີ່ມີຄຸນຄ່າທາງໂພສະນາການ, ປ່ຽນແປງພຶດຕິກຳໃນການຮັກສາສຸຂະພາບແມ່ ແລະ ເດັກ, ປັບປຸງນໍ້າສະອາດສຸຂະອະນາໄມ ແລະ ສິ່ງແວດລ້ອມ, ປັບປຸງການເຂົ້າເຖິງການບໍລິການສຸຂະພາບ ແລະ ໂພສະນາການ, ປັບປຸງອົງກອນ ແລະ ການປະສານງານ, ປັບປຸງຂໍ້ມູນທາງດ້ານປະລິມານ ແລະ ຄຸນນະພາບ, ສ່ວນ 2 ພ ​ແມ່ນພັດທະນາຊັບພະຍາກອນມະນຸດ ແລະ ເພີ່ມການລົງທຶນໃສ່ວຽກງານໂພສະນາການ.

- Wave100S AD to Website 2020 0 - ບໍ່ແກ້ວຖືສຳຄັນ​ແກ້​​ໄຂບັນຫາ​ຂາດ​ສານ​ອາຫານໃນເດັກ

ສຳລັບ​ສາ​ເຫດທີ່​ພາ​ໃຫ້ເດັກນ້ອຍຕໍ່າກວ່າເກນອາຍຸ 5 ປີຂາດສານອາຫານ ເນື່ອງຈາກວ່າໃນເວລາແມ່ຍິງຖືພາຍັງຂາດການສຶກສາອົບຮົມ, ຂາດການແນະນໍາຈາກແພດໝໍ ແລະ ຂາດການເອົາໃຈໃສ່, ດູແລເບິ່ງແຍງສຸຂະພາບໄດ້ດີເທົ່າທີ່ຄວນຈາກຄອບຄົວ, ອີກປັດ​ໄຈຫລັກ​ແມ່ນແມ່ຫລັງເກີດທີ່ລ້ຽງລູກດ້ວຍນົມຕົນເອງສ່ວນຫລາຍແລ້ວເຊື່ອຖືຮີດຄອງປະເພນີແບບດັ່ງເດີ່ມເວລາເກີດລູກ, ຫລັງເກີດຍັງຕ້ອງຄະລໍາອາຫານເຊິ່ງເປັນສາເຫດໜຶ່ງທີ່ພາໃຫ້ເດັກຂາດສານອາຫານ.

- WhatsApp Image 2020 05 27 at 5 - ບໍ່ແກ້ວຖືສຳຄັນ​ແກ້​​ໄຂບັນຫາ​ຂາດ​ສານ​ອາຫານໃນເດັກ
- WhatsApp Image 2020 05 27 at 5 - ບໍ່ແກ້ວຖືສຳຄັນ​ແກ້​​ໄຂບັນຫາ​ຂາດ​ສານ​ອາຫານໃນເດັກ
error: Alert: ເນື້ອຫາຂ່າວມີລິຂະສິດ !!