ສະພາ​ກາຊາດ​ໄທ​ມອບ​ເຄື່ອງ​ຊ່ວຍ​ເຫລືອໃຫ້ອົງການ​ກາ​ແດງ​ລາວມູນ​ຄ່າກວ່າ 4 ລ້ານ​ບາດ

- thai red cross - ສະພາ​ກາຊາດ​ໄທ​ມອບ​ເຄື່ອງ​ຊ່ວຍ​ເຫລືອໃຫ້ອົງການ​ກາ​ແດງ​ລາວມູນ​ຄ່າກວ່າ 4 ລ້ານ​ບາດ
- Untitled design - ສະພາ​ກາຊາດ​ໄທ​ມອບ​ເຄື່ອງ​ຊ່ວຍ​ເຫລືອໃຫ້ອົງການ​ກາ​ແດງ​ລາວມູນ​ຄ່າກວ່າ 4 ລ້ານ​ບາດ

ພິທີ​ມອບ​-ຮັບເຄື່ອງ​ຊ່ວຍ​ເຫລືອລະຫວ່າງສະພາ​ກາຊາດ​ໄທ​ ​ແລະ ອົງ​ການ​ກາ​ແດງ​ລາວມີມູນ​ຄ່າ​ທັງໝົດ 4,5 ລ້ານ​ບ​າ​ດ ຫລື​ປະມານ 1 ຕື້ກວ່າ​ກີບ, ​ໄດ້​ມີ​ຂຶ້ນໃນ​ວັນ​ທີ 1 ມິຖຸນານີ້ທີ່​ນະຄອນ​ຫລວງ​ວຽງຈັນ​ລະຫວ່າງ​ທ່ານ ສະ​ວະ​ນິດ ຄົງ​ສິຣິ ຮອງ​ປະທານ​ສະພາ​ກາຊາດ​ໄທ ​ແລະ ທ່ານ ສິງ ​ເມ​​ໂນ​ລາດ ຮອງ​ປະທານ​ອົງ​ການ​ກາ​ແດງ​ລາວ, ​ໂດຍ​ການເຂົ້າ​ຮ່ວມ​​ຂອງທ່ານ ​ແຟຣງ ຄຶນ​ຊິ  ຫົວໜ້າຫ້ອງ​ການ​ໂຄງກາ​ນຄະ​ນະ​ກຳ​ມະ​ການ​ກາ​ແດ​ງສາກົນປະຈຳ​ລາວ. ​

​ເຄື່ອງຊ່ວຍເຫລືອດັ່ງກ່າວ​ປະກອບ​ມີ: ລົດ​ການ​ແພດ​ທີ່​ປະກອບ​ດ້ວຍ​ອຸປະກອນ​ສຸກ​ເສີນ​ຄົບ​ຊຸດ ​ແລະ ຢາ​ປົວ​ພະຍາດ​ອີກ​ຈຳນວນໜຶ່ງ ເພື່ອ​ເພີ່ມທະວີກາ​ນພົວພັນ​ຮ່ວມ​ມືລະຫວ່າງ​ສອງ​ຝ່າຍ​ໃຫ້​ມີ​ປະສິດທິ​ຜົນ​ສູງ​ຂຶ້ນ, ​ໂດຍ​ສະ​ເພາະແລກປ່ຽນບົດຮຽນ​ເຊິ່ງກັນ  ​​ແລະ ​ກັນ ຂ​ອງຄະ​ນະ​ນຳ​ຂັ້ນສູງ ​ແລະ ວິຊາ​ການ​ສອງ​ຝ່າຍ​ ເປັນຕົ້ນ: ວຽກງານການ​ແພດ​ ​ແລະ ສາທາລະນະ​ສຸກ, ການ​​ສ້າງ​ຄວາມ​ພ້ອມຕອບ​​ໂຕ້ ​ແລະ ຟື້ນຟູ​ໄພພິບັດ, ການ​ບໍລິການ​ເລືອດ, ການ​ພັດທະນາ​ຄຸນ​ນະພາ​ບຊີວິດ, ການ​ພັດທະນາ​ອົງ​ກອນ, ການ​ຂົນຂວາຍ ແລະ ການຊອກ​ຫາ​ແຫ​ລ່ງທຶນອື່ນໆ.

​​ໃນ​ໄລຍະ​ຜ່ານ​ມາ, ສະ​ພາ​ກາຊາດ​ໄທ​​ ໄດ້​ໃຫ້ການ​ຊ່ວຍ​ເຫລືອ​ຫລາຍ​ດ້ານເຊັ່ນ: ວຽກງານ​ສົ່ງ​ເສີມ​ສຸຂະພາບ​ຊຸມ​ຊົນ,​ ໃນ​ນັ້ນມີ​ໂຄງການກວດ-​ແຈກ​ແວ່ນຕາ​ໃຫ້​ແກ່ນັກຮຽນຢູ່ 3 ​ເມືອງໃນ​ນະຄອນຫລວງວຽງຈັນ, ​ຢູ່​ໃນ​ໂຮງຮຽນຈຳນວນ 140 ກວ່າ​ແຫ່ງ ລວມມີມູນ​ຄ່າ 91 ລ້ານກວ່າ​ກີບ, ວຽກງານ​ເລືອດ​​ໂດຍສະພາ​ກາຊາດ​​ໄທ​ໄດ້​ສະໜອງອຸປະກອນ​ການ​ແພ​ດຮັບ​ໃຊ້​ວຽກງານ​ເລືອດ​ ເຊັ່ນ:​ ຖົງ​ເຈາະ​ເລືອດ, ນ້ຳ​​​ຢາກ​ວດວິ​ເຄາະ​ເລືອ​ດ ​ແລະ ລົດ​ຮັບ​ບໍລິຈາກ​ເລືອດ​ເຄື່ອນ​ທີ່ 1 ຄັນລວມມີມູນ​ຄ່າ​ທັງໝົດປະມານ 4,5 ລ້ານ​ບາດ ຫລື​ປະມານ 1 ຕື້ກວ່າ​ກີບ.​ ນອກ​ນັ້ນ​, ຍັງ​ມີ​ການ​ຮ່ວມ​ມື​ຊ່ວຍ​ເຫລືອ​ບັນ​ເທົາ​ທຸກ ​ແລະ ວຽກງານ​ອາສາ​ສະໝັກຊາວໜຸ່ມອີກ​ດ້ວຍ.

- Wave100S AD to Website 2020 0 - ສະພາ​ກາຊາດ​ໄທ​ມອບ​ເຄື່ອງ​ຊ່ວຍ​ເຫລືອໃຫ້ອົງການ​ກາ​ແດງ​ລາວມູນ​ຄ່າກວ່າ 4 ລ້ານ​ບາດ
- WhatsApp Image 2020 05 27 at 5 - ສະພາ​ກາຊາດ​ໄທ​ມອບ​ເຄື່ອງ​ຊ່ວຍ​ເຫລືອໃຫ້ອົງການ​ກາ​ແດງ​ລາວມູນ​ຄ່າກວ່າ 4 ລ້ານ​ບາດ
- WhatsApp Image 2020 05 27 at 5 - ສະພາ​ກາຊາດ​ໄທ​ມອບ​ເຄື່ອງ​ຊ່ວຍ​ເຫລືອໃຫ້ອົງການ​ກາ​ແດງ​ລາວມູນ​ຄ່າກວ່າ 4 ລ້ານ​ບາດ
error: Alert: ເນື້ອຫາຂ່າວມີລິຂະສິດ !!