ພາກ​ລັດ​ຮຽກຮ້ອງ​ສັງຄົມ​ຊ່ວຍ​ກັນ​ຮັກສາ​ສິ່ງ​ແວດ​ລ້ອມຕາມ​ທິດ​ສີຂຽວ ​ແລະ ຢືນ​ຢົງ

- resource - ພາກ​ລັດ​ຮຽກຮ້ອງ​ສັງຄົມ​ຊ່ວຍ​ກັນ​ຮັກສາ​ສິ່ງ​ແວດ​ລ້ອມຕາມ​ທິດ​ສີຂຽວ ​ແລະ ຢືນ​ຢົງ
- AGL banner - ພາກ​ລັດ​ຮຽກຮ້ອງ​ສັງຄົມ​ຊ່ວຍ​ກັນ​ຮັກສາ​ສິ່ງ​ແວດ​ລ້ອມຕາມ​ທິດ​ສີຂຽວ ​ແລະ ຢືນ​ຢົງ

ພິທີ​ສະ​ເຫລີ​ມສະຫລອງວັນ​ສິ່ງ​ແວດ​ລ້ອມ​ໂລກ 5 ມິຖຸນາ (ຄົບຮອບ 46 ປີ) ​ໄດ້​ມີ​ຂຶ້ນ​ໃນ​ວັນ​ທີ 2 ມິຖຸນານີ້, ຢູ່​ສວນ​ເຈົ້າ​ອານຸວົງນະຄອນຫລວງ​ວຽງຈັນ, ​​ໂດຍ​ການເຂົ້າ​ຮ່ວມ​ຂອງທ່ານ ສົມ​ດີ ດວງ​ດີ ຮອງ​ນາຍົກລັດຖະມົນຕີ, ພ້ອມ​ຜູ້ຕາງໜ້າຈາກ​ອົງການ​ຈັດ​ຕັ້ງສາກົນ ​ແລະ ມວນ​ຊົນ​ຊາວ​ນະຄອນຫລວງ​ວຽງຈັນ​ເຂົ້າ​ຮ່ວມ​ກວ່າ 1 ພັນ​ຄົນ.

ກະຊວງຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ ​ໃຫ້​ຮູ້​ວ່າ: ການຈັດ​ງານ​ສະ​ເຫລີມສະຫລອງວັນ​ສິ່ງ​ແວດ​ລ້ອມ​ໂລກ​ປີນີ້ພາຍ​ໃຕ້​ຄຳ​ຂວັນ “ຫລຸດຜ່ອນ​ພລາສຕິກ, ຫລຸດຜ່ອນ​ມົນ​ລະ​ພິດ” ພ້ອມ​ທັງ​ເປັນ​ການສະ​ເຫລີ​ມສະຫລອງວັນນ້ຳ​ໂລກ, ​ໂດຍ​ການ​ປະສານ​ສົມທົບ​ກັບພາກສ່ວນ​ກ່ຽວຂ້ອງຕ່າງໆ​ໄດ້​ມີ​ການຈັດ​ກິດຈະກຳປູກຈິດ​ສຳນຶກ​ໃຫ້​ຊຸມ​ຊົນ​ໃນ​ການ​ປົກ​ປັກ​ຮັກສາ​ສິ່ງ​ແວດ​ລ້ອມ ​ແລະ  ​ໄດ້ຮ່ວມ​ກັບ​ຫ້ອງການ​ຄຸ້ມ​ຄອງ ​ແລະ ບໍລິຫານ​ຕົວ​ເມືອງ​ວຽງຈັນ ​ເຮັດ​ອານາ​ໄມ​ຕາມ​ແຄມ​ທາງ​ຕັດ​ໃໝ່ດົງ​ນາ​ໂຊກ-ໜອງບຶກ ​ແລະ ກິດຈະກຳ​ອື່ນໆອີກ.

ທ່ານ ສົມ​ມາດ​ ພົນ​ເສນາ ລັດຖະມົນຕີ​ກະຊວງຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ ​ໃຫ້​ຮູ້​ວ່າ: ​ປັດຈຸບັນ, ໂລກ​ກຳລັງ​ປະ​ເຊີນ​ກັບ​ສິ່ງ​ທ້າ​ທາຍ​ຢ່າງໜັກໜ່ວງ​ໃນ​ການ​ຄຸ້ມ​ຄອງ​ຊັບພະຍາກອນ​ທຳ​ມະ​ຊາດ ​ແລະ ປົກ​ປັກ​ຮັກສາ​ສິ່ງ​ແວດ​ລ້ອມ​ຕາມ​ທິດ​ສີຂຽວ ​ແລະ ຢືນ​ຢົງ, ລວມທັງ​ການ​ປົກ​ປັກ​ຮັກສາ​ແຫ​ລ່ງນ້ຳທຳ​ມະ​ຊາດ, ຈາກ​ປັດ​ໄຈ​ການ​ເພີ່ມ​ຂຶ້ນຂອງ​ປະຊາກອນ​ໂລກ​ຢ່າງ​ໄວວາ, ສິ່ງ​ແວດ​ລ້ອມທຳ​ມະ​ຊາດ​ຖືກ​ທຳລາຍ, ການ​ເຊື່ອມ​ໂຊມ​ຂອງ​ລະບົບ​ນິ​ເວດ​ພຶ້ນຖານ​ທຳ​ມະ​ຊາດ​ໂລກ, ​ໂດຍ​ສະ​ເພາະ​ບັນດາ​ປະ​ເທດ​ດ້ອຍ​ພັດທະນາ​ເກີດ​ບັນ​ຫາ​ຂາດ​ແຄນ​ນ້ຳ, ຕາມ​ຂໍ້ມູນ​ຂອງ​ອົງການ​ສະຫະ​ປະຊາ​ຊາດ​ ເຜີຍ​ວ່າ: ປະລິມານ​ສິ່ງ​ເສດ​ເຫລືອ​ທັງໝົດ​ໃນ​ທົ່ວ​ໂລກ​ສ່ວນ​ໃຫຍ່​ແມ່ນ​ມາ​ຈາກ​ພລາສຕິກ, ​ໂດຍ​ສະ​ເພາະ​​ໃນ​ບັນດາ​ຕົວ​ເມືອງ​ໃຫຍ່​ຕ່າງໆ​ໄດ້​ຊົມ​ໃຊ້​ຢາງພລາສຕິກ​ປະມານ 500 ຕື້ຖົງຕໍ່ປີ ​ແລະ ​ໄດ້​ຊື້ກະຕຸກ​ຢາງພລາສຕິກ 1 ລ້ານ​ຕຸກ​ໃນ​ທຸກໆນາທີ, ​ແຕ່​ການ​ຊົມ​ໃຊ້​ຜະລິດ​ຕະພັນ​ດັ່ງກ່າວ 50% ​ແມ່ນ​ໃຊ້​ພຽງຄັ້ງ​ດຽວກໍ​ຖີ້ມ​ໄປ ​ແລະ ກາຍ​ເປັນ​ສິ່ງ​ເສດ​ເຫລືອ​ພລາສຕິກ, ​ເຊິ່ງຢ່າງໜ້ອຍ 8 ລ້ານ​ໂຕນ​ຕໍ່ປີ​ໄດ້​ຖີ້ມລົງ​ສູ່​ທະ​ເລ, ​ເຊິ່ງສະຫລຸບ​ແລ້ວ​ສິ່ງ​ເສດ​ເຫລືອ​ພລາສຕິກ​ກວມ​ເອົາ 10% ຂອງ​ສິ່ງ​ເສດ​ເຫລືອທົ່ວ​ໄປ​ທີ່​ມະນຸດ​ສ້າງ​ຂຶ້ນ​ໃນ​ທົ່ວ​ໂລກ. ມາ​ຮອດ​ປັດຈຸບັນ, ​ປະຊາກອນ​ໃນ​ທົ່ວ​ໂລກຫລາຍກວ່າ 663 ລ້ານ​ຄົນບໍ່ສາມາດ​ເຂົ້າ​ເຖິງ​ແຫ​ລ່ງນ້ຳທີ່​ສະອາດ​ໄດ້, ນອກ​ນັ້ນ, ຍັງ​ປະ​ເຊີນໜ້າກັບ​ບັນຫາ​ມົນ​ລະ​ພິດ​ທາງນ້ຳ, ບັນຫາ​ໄພ​ນ້ຳຖ້ວມ​ຢ່າງ​ກະທັນຫັນ ​ແລະ ​ໄພ​ແຫ້ງ​ແລ້ງ​ຢ່າງ​ຮ້າຍ​ແຮງ​ເພີ່ມ​ຂຶ້ນ, ກະທົບ​ຕໍ່ການ​ດຳລົງ​ຊີ

ວິດ​ຂອງ​ຄົນ ​ແລະ ສັດ​ໃນ​ທົ່ວ​ໂລກ.

- Wave100S AD to Website 2020 0 - ພາກ​ລັດ​ຮຽກຮ້ອງ​ສັງຄົມ​ຊ່ວຍ​ກັນ​ຮັກສາ​ສິ່ງ​ແວດ​ລ້ອມຕາມ​ທິດ​ສີຂຽວ ​ແລະ ຢືນ​ຢົງ

ທ່ານ​ລັດຖະມົນຕີ​ກະຊວງ​ດັ່ງກ່າວ​ ຍັງ​ຍົກ​ໃຫ້​ເຫັນ​ວ່າ: ສປປ ລາວ ພວກ​​ເຮົາ, ກຳລັງ​ປະ​ເຊີນ​ກັບ​ບັນຫາ​ທີ່​ກ່າວ​ນັບ​ມື້​ເພີ່ມ​ຂຶ້ນ, ​ເຊິ່ງເປັນ​ບັນຫາ​ທີ່​ລັດຖະບານ​ໄດ້​ຊີ້ນຳ​ຢ່າງ​ໃກ້ຊິດ ​ແລະ ​ແກ້​ໄຂ​ຢ່າງ​ຮີບ​ດ່ວນ, ​ໂດຍ​ການ​ເພີ່ມ​ທະວີ​ຄຸ້ມ​ຄອງ​ຊັບພະຍາກອນ​ທຳ​ມະ​ຊາດ ​ແລະ ປົກ​ປັກ​ຮັກສາ​ສິ່ງ​ແວດ​ລ້ອມ​ຕາມ​ທິດ​ສີຂຽວ ​ແລະ ຍືນ​ຍົງ, ຕາມ​ແຜນ​ຍຸດ​ທະ​ສາດ ​ແລະ ​ແຜນ 5 ປີຂອງ​ຂະ​ແໜງການ​, ປະກອບສ່ວນ​ໃຫ້​ແກ່​ການ​ພັດທະນາ​ເສດຖະກິດ-ສັງຄົມ​ມີ​ຄວາມ​ຍືນ​ຍົງ, ສະ​ເພາະ​ໃນ​ປີນີ້, ​ໄດ້​ມີ​ການ​ສົ່ງ​ເສີມ​ຂະ​ບວນການ​ອະນາ​ໄມ​ຕົວ​ເມືອງ, ອະນາ​ໄມ​ຮ່ອງ​ລະບາຍ​ນ້ຳ, ປູກ​ຕົ້ນ​ໄມ້, ການ​ແຍກ​ສິ່ງ​ເສດ​ເຫລືອ, ການ​ກຳຈັດ​ຂີ້​ເຫຍື້ອ, ການ​ຫລຸດຜ່ອນ​ນຳ​ໃຊ້​ຖົງ​ຢາງພລາສຕິກ ກ້າວ​ໄປ​ເຖິງ​ການ​ນຳ​ໃຊ້​ວັ​ດສະດຸ​ທີ່​ຍ່ອຍ​ສະຫລາຍ​ໄດ້​ງ່າຍ, ທັງໝົດນີ້ກໍ​ເພື່ອ​ສ້າງສາ​ປະ​ເທດ​ລາວ​ຂຽວສະອາດ​ງາມ​ຕາ.

​ໃນ​ໂອກາດ​ດຽວກັນ, ທ່ານຮອງ​ນາຍົກລັດຖະມົນຕີ ກໍ​ໄດ້​ຮ່ວມ​ກິດຈະກຳ​ປູກ​ຕົ້ນ​ໄມ້ທີ່​ສວນ​ເຈົ້າອານຸວົງ ​ເພື່ອ​ສ້າງ​ພຶ້ນທີ່​ດັ່ງກ່າວ​ໃຫ້​ມີ​ຄວາມ​ສວຍ​ງາມຕາມ​ທິດ​ສີຂຽວ ​ແລະ ຍືນ​ຍົງ.

-    AD conten website - ພາກ​ລັດ​ຮຽກຮ້ອງ​ສັງຄົມ​ຊ່ວຍ​ກັນ​ຮັກສາ​ສິ່ງ​ແວດ​ລ້ອມຕາມ​ທິດ​ສີຂຽວ ​ແລະ ຢືນ​ຢົງ
- lattana banner - ພາກ​ລັດ​ຮຽກຮ້ອງ​ສັງຄົມ​ຊ່ວຍ​ກັນ​ຮັກສາ​ສິ່ງ​ແວດ​ລ້ອມຕາມ​ທິດ​ສີຂຽວ ​ແລະ ຢືນ​ຢົງ
- lattana banner 1 - ພາກ​ລັດ​ຮຽກຮ້ອງ​ສັງຄົມ​ຊ່ວຍ​ກັນ​ຮັກສາ​ສິ່ງ​ແວດ​ລ້ອມຕາມ​ທິດ​ສີຂຽວ ​ແລະ ຢືນ​ຢົງ
error: Alert: ເນື້ອຫາຂ່າວມີລິຂະສິດ !!