ຮອງເຈົ້າແຂວງເຊກອງ ລົງສຳຫລວດແຫລ່ງທ່ອງທ່ຽວປະຫວັດສາດ ຢູ່ເມືອງລະມາມ

ໃນທ້າຍເດືອນ ພຶດສະ ພາ ຜ່ານມາ ທ່ານຖາວອນ ພົມມະໄລລຸນ ຮອງເຈົ້າ ແຂວງເຊກອງ, ພ້ອມດ້ວຍ ທ່ານ ເຈົ້າເມືອງລະມາມ ແລະ ທ່ານ ຫົວໜ້າພະແນກ ຖວທ ແຂວງເຊກອງ ໄດ້ລົງ ສຳຫຼວດ ແຫຼ່ງທ່ອງ ທ່ຽວຖໍ້າ ອົງແກ້ວ ແລະ ຖໍ້າອົງຕໍ ຢູ່ ເຂດ 6, ບ້ານຕອກອົງແກ້ວ ເມືອງລະມາມ ທີ່ເປັນຮ່ອງ ຮອຍປະຫວັດສາດ ຂອງ ການຕໍ່ສູ້ຕ້ານຈັກກະພັດຜູ້ຮຸກຮານ ຢູ່ແຂວງຕາເວັນອອກ (ແຂວງເຊກອງ ໃນປັດຈຸ ບັນ) ພ້ອມໄດ້ ໄປສໍາຫຼວດ ຖໍ້າໂລງຢູ່ເຂດ 5 ບ້ານຕະນຶມ ເຊິ່ງເປັນຮ່ອງຮອຍປະຫວັດສາດທາງດ້ານວັດທະນະ ທຳຕື່ມອີກ.

+ ເຈົ້າເມືອງອາດສະພອນລົງສຳຫລວດຄວາມເປັນໄປໄດ້ໃນການສ້າງເສັ້ນທາງຂ້າມສັນພູຊ້າງແຫ່

+ ຮອງເຈົ້າແຂວງເຊກອງລົງສຳຫລວດແຫລ່ງທ່ອງທ່ຽວທຳມະຊາດຢູ່ເມືອງກະລຶມ

ໂອກາດນີ້, ທ່ານ ຮອງ ເຈົ້າ ແຂວງ ໄດ້ນໍາເອົາເຄື່ອງ ຊ່ວຍເຫຼືອຈໍານວນໜຶ່ງ ໄປ ມອບໃຫ້ບ້ານດັ່ງກ່າວ ພ້ອມ ທັງໂອ້ລົມອໍານາດການປົກ ຄອງ ແລະ ປະຊາຊົນ ເຊິ່ງ ໄດ້ເນັ້ນໃຫ້ເອົາໃຈໃສ່ໃນ ການ ບົວລະບັດປົກປັກຮັກສາ ແລະ ພັດທະນາບັນດາຖໍ້າ ສະ ຖານທີ່ປະຫວັດສາດ ແຫ່ງ ນີ້ໄດ້ຮັບການພັດທະນາກາຍ ເປັນສະຖານທີ່ທ່ອງທ່ຽວ ທີ່ສໍາຄັນ ໂດຍສະເພາະຕ້ອງ ພ້ອມກັນອະນາໄມສ້ອມ ແປງ ເສັ້ນທາງໄປຫາຖໍ້າໃຫ້ສະ ດວກສະບາຍ, ບໍ່ໃຫ້ບຸກຄົນ ຫຼື ພາກສ່ວນໃດຕັດໄມ້ອ້ອມ ແອ້ມບໍລິເວນຖໍ້າ, ເປັນເຈົ້າ ການໃນການປົກປັກ ຮັກສາ ສິ່ງແວດລ້ອມ ແລະ ເສີ່ມຂະ ຫຍາຍມູນເຊື້ອວັດທະນະ ທຳອັນດີງາມ ແລະ ພູມປັນ ຍາຂອງຊາວບ້ານເພື່ອເປັນ ສິ່ງດຶງດູດໃຫ້ແກ່ນັກທ່ອງ ທ່ຽວທັງພາຍໃນ ແລະ ຕ່າງ ປະເທດໄດ້ເຂົ້າມາທ່ຽວຊົມ ແຫຼງທ່ອງທ່ຽວດັ່ງກ່າວນັບ ມື້ຫລາຍຂຶ້ນ./.