ລ້ຽງລູກແນວໃດຈຶ່ງຈະແຂງແຮງ ແລະ ສຸຂະພາບດີ

ລ້ຽງລູກແບບອະນາໄມກັບລ້ຽງແບບປ່ອຍໃຫ້ລູກຫຼິ້ນເປື້ອນຕາມໃຈເຂົາ ແບບໃດລູກຈະແຂງແຮງ ແລະ ມີສຸຂະພາບດີ ?

ມີຜູ້ປົກຄອງຫຼາຍໆຄອບຄົວ ເມື່ອຖາມເຖິງອາຍຸທີ່ຈະພາລູກໄປໂຮງຮຽນ ແມ່ຈະຕອບວ່າ ຂໍໃຫ້ລູກໃຫຍ່ກວ່ານີ້ ເພາະບໍ່ຢາກໃຫ້ລູກໄປໂຮງຮຽນ ບໍ່ຢາກໃຫ້ລູກບໍ່ສະບາຍ, ບາງຄອບຄົວບໍ່ເຄີຍພາລູກອອກນອກເຮືອນ ເນື່ອງຈາກຢ້ານລູກຈະຖືກແດດ ແລ້ວບໍ່ສະບາຍ. ລູກເຂົ້າຮຽນອະນຸບານແລ້ວແຕ່ຍັງໃສ່ເກີບເອງບໍ່ເປັນ ເພາະມີຄົນໃສ່ໃຫ້ ລູກບໍ່ເຄີຍໄດ້ເຮັດຫຍັງດ້ວຍໂຕເອງເລີຍ ຫຼື ບໍ່ເຄີຍໃຫ້ລູກອອກໄປຫຼິ້ນນອກເຮືອນເລີຍ ເພາະຢ້ານໄດ້ຮັບບາດເຈັບ.

ໂດຍສະເພາະໃນປັດຈຸບັນທີ່ເຕັກໂນໂລຊີມີຜົນກັບເດັກນ້ອຍທຸກຊ່ວງໄວ ທັງແທັບເລັດ ແລະ ໂທລະສັບມືຖື ເດັກນ້ອຍມີສຸຂະພາບດີ ໄປພ້ອມກັບພັດທະນາການທີ່ດີໄດ້ ການເບິ່ງແຍງສຸຂະພາບໃຫ້ແຂງແຮງ ເຮັດໄດ້ງ່າຍໆໂດຍການກິນອາຫານທີ່ສຸກ ແລະ ສະອາດໃຫ້ຄົບ 5 ໝູ່, ລູກຄວນໄດ້ຮັບວັກຊິນປ້ອງກັນພະຍາດ, ນອກຈາກພັກຜ່ອນໃຫ້ພຽງພໍເຊັ່ນ: ການພາລູກໄປຍ່າງຫຼິ້ນ, ຂີ່ລົດຖີບ ຫຼື ເຮັດກິດຈະກໍາໃນເຮືອນ ແລະ ອື່ນໆ  ນອກຈາກຈະຊ່ວຍເຮັດໃຫ້ລູກເປັນເດັກນ້ອຍທີ່ມີຄວາມຮັບຜິດຊອບແລ້ວ ຍັງເຮັດໃຫ້ລູກມີຮ່າງກາຍທີ່ແຂງແຮງ ແລະ ສຸຂະພາບດີຫຼາຍຂຶ້ນ ການສົ່ງເສີມໃຫ້ລູກເຮັດສິ່ງຕ່າງໆດ້ວຍໂຕເອງທີ່ເໝາະສົມກັບໄວ ນອກຈາກຈະເຮັດໃຫ້ລູກມີສຸຂະພາບກາຍທີ່ແຂງແຮງແລ້ວ ຍັງເຮັດໃຫ້ລູກມີການກະຕຸ້ນໃນທາງບວກ ເຮັດໃຫ້ລູກເປັນເດັກນ້ອຍທີ່ມີສຸຂະພາບກາຍ ແລະ ສຸຂະພາບຈິດທີ່ດີດ້ວຍ.

ເດັນນ້ອຍເປັນໄວຂີ້ດື້ ມັກຈັບສິ່ງຂອງຕ່າງໆເຂົ້າປາກໂດຍບໍ່ລ້າງມື ເຮັດໃຫ້ເຊື້ອພະຍາດ ເຖິງຈໍານວນບໍ່ຫຼາຍເຂົ້າສູ່ຮ່າງກາຍໄດ້ ແລະ ໃນຍາມຮ້ອນ ອຸນຫະພູມທີ່ສູງຂຶ້ນ ເຮັດໃຫ້ເຊື້ອແບັກທີ່ເຣຍ, ໄວຣັສໂປຣໂຕຊົວປົນເປື້ອນເຂົ້າໄປໃນອາຫານໄດ້ງ່າຍ, ພະຍາດທາງເດີນອາຫານ ຫຼື ນໍ້າດື່ມທີ່ປົນເປື້ອນພະຍາດ ເດັກນ້ອງຈຶ່ງເປັນພະຍາດຖອກທ້ອງຫຼາຍຂຶ້ນ.

ການຫຼິ້ນເປັນສ່ວນໜຶ່ງຂອງການຮຽນຮູ້ ຊ່ວຍສົ່ງເສີມຄວາມສາມາດພື້ນຖານ ດ້ານສະຕິປັນຍາ, ການພັດທະນາທາງຮ່າງກາຍ ແລະ ພັດທະນາການທາງດ້ານອາລົມດ້ວຍ.