ເປີດສາກບານໂລກ ເຊຍໃຫ້ເປັນເອັນຢ່າຊັກ

- 33923473 293002201240891 6655848550175342592 o - ເປີດສາກບານໂລກ ເຊຍໃຫ້ເປັນເອັນຢ່າຊັກ
- Untitled design - ເປີດສາກບານໂລກ ເຊຍໃຫ້ເປັນເອັນຢ່າຊັກ

ໂດຍ: ກ້ອງສ່ອງ ອິດສະຫລະ  

ກ່ອນອື່ນ, ຜູ້ຂຽນຕ້ອງ ຂໍ ໂທດນຳເພື່ອນຜູ້ອ່ານທັງ ຫລາຍທີ່ໄດ້ພາດຫົວບົດອ່າວສີແຂງໆ, ຍ້ອນວ່າຈຸດພິເສດ ຂອງບັນຍາກາດການຊົມ ແລະ ການເຊຍບານເຕະ ໂລກ ມັນອ່າວເຮັດໃຫ້ຄົນເຮົາເປັນໄປສໍາມະປີ, ມີຜູ້ມ່ວນຜູ້ຊື່ນ, ຜູ້ອົກຮັກຕັບແຕກ, ມີຜູ້ໄດ້ຜູ້ ເສຍ ແລະ ເຜີໆມາ ກໍມີຜູ້ຕາຍ ຜູ້ຍັງ, ນີ້ລະຄືຄວາມລະທຶກ ຫຶກເຫີມທີ່ຫາປຽບໄດ້ຍາກ ຂອງບັນຍາກາດການແຂ່ງ ຂັນເຕະບານລະດັບໂລກ.

ທີມຊາດລາວ ຢູ່ໃນກຸ່ມ ສປປ ເກົາຫລີ, ບານເຕະ The AFC Championship China 2018

ສານກິລາໂລກຕັດສິນໃຫ້ຫົວຫນ້າທີມຊາດເປຣູ ສາມາດຮ່ວມການແຂ່ງຂັນບານໂລກ 2018

ດັ່ງພວກເຮົາຮູ້ນຳກັນ ແລ້ວວ່າ, ຍັງອີກບໍ່ພໍເທົ່າໃດ ວັນ ມະຫາກຳບານເຕະໂລກ ກໍຈະໄດ້ເລີ່ມເປີດສາກຂຶ້ນ ຢ່າງຍິ່ງໃຫຍ່ອາລັງການ, ຄັ້ງ ນີ້ປະເທດລັດເຊຍໄດ້ເປັນເຈົ້າພາບພຽງປະເທດດຽວ, ນີ້ກໍ ສະແດງໃຫ້ເຫັນເຖິງຄວາມ ຍິ່ງໃຫຍ່ເຂັ້ມແຂງ, ຄວາມ ຈະເລີນມັ່ງຄັ້ງ ແລະ ຮັ່ງມີ ຂອງປະເທດເຈົ້າພາບ, ແນວ ໃດກໍຕາມ, ກວ່າຈະມາເຖິງ ຄວາມສຸດຍອດແຫ່ງທິມເຕະບານຂອງແຕ່ລະປະເທດກໍໄດ້ ຜ່ານການແຂ່ງຂັນໄຕ່ເຕົ້າ ມາເປັນເວລາສາມສີ່ປີ ຈຶ່ງສາ ມາດພິຊິດຄວາມແຂງແກ່ນມາພິສູດກັນເພື່ອຍາດແຍ່ງ ແຂ່ງຂັນເອົາໄຊຊະນະລະດັບ ໂລກໃນຄັ້ງນີ້.

ຕາມຕາຕະລາງໃນ ລາຍ ການແຂ່ງຂັນບານໂລກ ໃນປີ 2018 ແມ່ນຈະເລີ່ມ ເຕະເປີດ ສະໜາມໃນຄືນ ວັນ ທີ 14 ມິຖຸ ນາເວລາ 22:00 ໂມງໂດຍມີທິມຈາກປະເທດ ເຈົ້າພາບລັດເຊຍພົບກັບຊາ ອຸດິດອາຣັບບີ, ຈາກນັ້ນກໍ ສືບຕໍ່ແຂ່ງຂັນໄປຮອດມື້ ເປີດ ພິທີຢ່າງຍິ່ງໃຫຍ່ ແລະ ດຳ ເນີນໄປຮອດມື້ສີ້ນສຸດ.

ສຳລັບບານໂລກໃນຄັ້ງນີ້, ເຖິງວ່າຍັງບໍ່ທັນຮອດມື້ ເປີດສາກເລີ່ມຕົ້ນແຕ່ກໍມີ ແຫລ່ງຂ່າວໄດ້ວິເຄາະໜຶ່ງ ໃນ 5 ຕົວເຕັງທີ່ຈະມີໂອກາດ ຍາດເອົາແຊມບານໂລກ ເຊັ່ນ: ອັນດັບໜຶ່ງແມ່ນປະ ເທດເບຼຊິນ, ສອງປະເທດ ເຢຍລະມັນ, ສາມ ແອສປາຍ, ສີ່ຝຣັ່ງ ແລະ ຫ້າແມ່ນອາກ ຊັງຕິນ, ໃນ 5 ປະເທດທີ່ກ່າວ ມານີ້ ລ້ວນແຕ່ເຄີຍໄດ້ກິນ ຄາຍແຊັມໂລກມາແລ້ວໃນ ຄັ້ງອາດິດຜ່ານມາ.
ເຖິງຢ່າງໃດກໍດີ, ສິ່ງທີ່ ໜ້າເປັນຫວ່ງຕໍ່ປະກົດການ ຫຍໍ້ທໍ້ການແຂ່ງຂັນບານໂລກໃນຄັ້ງນີ້ ກໍຄືການພະນັນ ບານ ທີ່ພວມແຜ່ລາມໂດດເດັ່ນໃນ ຍຸກໂລກາພິວັດ. ດັ່ງມີແຫລ່ງ ຂ່າວຄາວ ແລະ ເຫັນປະກົດ ການຜ່ານມາໃນສັງຄົມບ້ານ ເຮົາຜູ້ໄດ້ພາກັນຮັ່ງມີຕົບມືຜື ຜ້າ, ມີເງິນມີຄຳ, ມີລາຍໄດ້ ຍ້ອນການພະນັນບານ ແຕ່ຜູ້ ເສຍກໍສີ້ນເນື້ອປະດາຕົວ, ມີ ໜີ້ມີສິນນັບຫລາຍຮ້ອຍລ້ານ, ບາງຄົນເສຍເສັ້ນເສຍເອັນ ເປັນຊັກງັກແງ້ນ, ຂາຍເຮືອນ ຂາຍຊານ, ຂາຍໄຮ່ນາຮົ້ວ ສວນ, ບາງຄົນກໍຕິດໜີ້ ຫລາຍ ບໍ່ມີປັນຍາໃຊ້ກໍຜູກຄໍຕາຍ ຖວາຍຊີວິດ.
ນອກຈາກທີ່ກ່າວມານີ້ ແລ້ວ, ບັນຫາປະກົດການ ຫຍໍ້ ທໍ້ອື່ນໆ ກໍຕາມມາເຊັ່ນກັນຄື: ເກີດຂີ້ລັກງັດແງະ, ຂ້າເຈົ້າ ເອົາຂອງ, ຫລິ້ນກິນຟູມເຟືອຍ, ຕັ້ງວົງພະນັນບານຢູ່ຕາມ ຮ້ານເຫລົ້າຮ້ານເບຍ, ຫິວຢູ່ ຫິວນອນ, ປະວຽກປະງານ ຍ້ອນຊົມ ຍ້ອນເຊຍບານໂລກ. ນີ້ລະຄືບັນຫາທີ່ພວກເຮົາ ຄວນພ້ອມກັນຄິດ ແລະ ຄຳ ນຶງຢ່າງຮອບຄອບ.

- Wave100S AD to Website 2020 0 - ເປີດສາກບານໂລກ ເຊຍໃຫ້ເປັນເອັນຢ່າຊັກ

ຕາມເຮົາຄິດ, ເຮັດແນວ ໃດກໍເຮັດໃນເງື່ອນໄຂທີ່ປະ ເທດຊາດຂອງພວກເຮົາພວມຫັນໃຫ້ເປັນລັດແຫ່ງກົດໝາຍຕ້ອງພາກັນເປັນເຈົ້າການໃນການຊອກຢູ່ຫາກິນແບບຖືກ ຕ້ອງສອດຄ່ອງນັ້ນລະເປັນ ການດີ, ການທີ່ມີຄວາມສຸກ ຢູ່ບົນຄວາມທຸກຂອງຄົນອື່ນ ນັ້ນ ເຂົາຈະວ່າເຮົາເປັນຄົນ ໄຮ້ສິນທຳ, ຂົ່ມເພິ່ນຍໍໂຕ, ຄຸນ ງາມຄວາມດີທີ່ເຮົາສ້າງໄວ້ ກັບຕົນເອງ ແລະ ສັງຄົມນັ້ນ ຕົກນ້ຳບໍ່ໄຫລຕົກໄຟບໍ່ໄໝ້ ຄວາມສະຫງົບປອດໄພ, ຄວາມຮັກຄວາມສາມັກຄີມີ ພະລັງນັ້ນເປັນບໍ່ເກີດແຫ່ງ ຄວາມສຳເລັດ ແລະ ພາຊາດ ຈະເລີນ./.

 

 

- 33923473 293002201240891 6655848550175342592 o - ເປີດສາກບານໂລກ ເຊຍໃຫ້ເປັນເອັນຢ່າຊັກ
(ພາບປະກອບ)

- WhatsApp Image 2020 05 27 at 5 - ເປີດສາກບານໂລກ ເຊຍໃຫ້ເປັນເອັນຢ່າຊັກ
- WhatsApp Image 2020 05 27 at 5 - ເປີດສາກບານໂລກ ເຊຍໃຫ້ເປັນເອັນຢ່າຊັກ
error: Alert: ເນື້ອຫາຂ່າວມີລິຂະສິດ !!