ເຫັນພ້ອມກັບ 9 ຂໍ້ສະເໜີ ຂອງສະພາຕໍ່ລັດຖະບານ

- AGL banner - ເຫັນພ້ອມກັບ 9 ຂໍ້ສະເໜີ ຂອງສະພາຕໍ່ລັດຖະບານ

ໂດຍ: ທ່ຽງທຳ

 

ສະບາຍດີ, ເພື່ອນຜູ້ອ່ານ ທີ່ຮັກແພງ, ຫລາຍທ່ານກໍຄົງ ຈະຮັບຟັງບົດລາຍງານຂອງ ລັດຖະບານ ປະຈຳປີ 2018 ໃນມື້ທຳອິດຂອງການດຳເນີນ ກອງປະຊຸມສະພາວັນທີ 5 ມິ ຖຸນານີ້.

ເຊິ່ງໄດ້ຍົກໃຫ້ເຫັນຜົນສຳ ເລັດທີ່ພົ້ນເດັ່ນຫລາຍດ້ານໃນ ການຈັດຕັ້ງປະຕິບັດແຜນພັດ ທະນາເສດຖະກິດ-ສັງຄົມ ແລະ ແຜນງົບປະມານແຫ່ງ ລັດໃນ 4 ເດືອນຕົ້ນປີນີ້ຄື: ສະ ເລ່ຍລາຍຮັບຕໍ່ຫົວຄົນບັນລຸໄດ້ 2.609 ໂດລາສະຫະລັດລື່ນ ແຜນການປີກຳນົດໄວ້ເກືອບ 100 ໂດລາສະຫະລັດ, ໂຄງ ປະກອບເສດຖະກິດແຫ່ງຊາດ ມີການຂະຫຍາຍຕົວ,ໂດຍສະ ເພາະຂະແໜງອຸດສາຫະກຳ ຂະຫຍາຍຕົວຫລາຍກວ່າ 31%, ລັດຖະບານໄດ້ເອົາໃຈ ໃສ່ການພັດທະນາທ້ອງຖິ່ນ ໄດ້ມີປະສິດທິຜົນ, ກວດກາ ຄືນບັນດາໂຄງການລົງທຶນ ໃຫ້ມີຄຸນນະພາບສາມາດປະ ຢັດ ແລະ ຫລຸດຜ່ອນການນຳ ໃຊ້ງົບປະມານເຖິງ 1.600 ຕື້ກີບ, ໄດ້ເອົາໃຈໃສ່ປັບປຸງ ບັນດາກົນໄກ ແລະ ນິຕິກຳລຸ່ມ ກົດໝາຍໃນການສົ່ງເສີມການ ລົງທຶນມີປະສິດທິຜົນສູງຂຶ້ນ ຄືສາມາດດຶງດູດທຶນເຂົ້າມາ ໄດ້ຫລາຍກວ່າ 1.300 ລ້ານ ໂດລາສະຫະລັດ, ພ້ອມນັ້ນ, ວຽກງານສຶກສາ, ກິລາ ແລະ ສາທາລະນາສຸກ ກໍໄດ້ປັບປຸງ ດີຂຶ້ນນັບທັງດ້ານປະລິມານ ແລະ ຄຸນນະພາບ, ວຽກງານ ຖະແຫລ່ງຂ່າວ, ວັດທະນະ ທຳ ແລະ ທ່ອງທ່ຽວໄດ້ສືບ ຕໍ່ຈັດຕັ້ງປະຕິບັດຄາດໝາຍ ສູ້ຊົນຢ່າງມີຜົນສຳເລັດ, ພິ ເສດແມ່ນໄດ້ເປີດປີທ່ອງທ່ຽວ ລາວ 2018, ສ້າງຂະບວນ ການທ່ອງທ່ຽວໃຫ້ເປັນ ຂະບວນຟົດຟື້ນ, ພ້ອມນັ້ນ ກໍໄດ້ປັບປຸງແຮງງານຂັ້ນ ຕ່ຳຈາກ 9 ແສນກີບ ເປັນ 1.100.000 ກີບ.

ສ່ວນການຈັດຕັ້ງປະຕິ ບັດແຜນງົບປະມານແຫ່ງລັດ, ລັດຖະບານກໍໄດ້ເອົາໃຈໃສ່ ຊີ້ນຳ ແລະ ມີມາດຕະການຕົວ ຈິງກວ່າເກົ່າໃນການຈັດເກັບ ລາຍຮັບ ແລະ ຄຸ້ມຄອງລາຍ ຈ່າຍ, ຜັນຂະຫຍາຍມາດຕະ ການທາງການເງິນ-ເງິນຕາ ເຮັດໃຫ້ອັດຕາເງິນເຟີ້ ແລະ ອັດຕາແລກປ່ຽນມີສະຖຽນ ລະພາບ ແລະ ໝັ້ນທ່ຽງ.

ກອງປະຊຸມສະພາເຫັນ ວ່າ: ຄຽງຄູ່ກັບຜົນສຳເລັດ ດັ່ງກ່າວກໍຍັງມີບາງຂໍ້ຄົງຄ້າງ ແລະ ສິ່ງທ້າທາຍຕ່າງໆທີ່ ຕ້ອງໄດ້ເອົາໃຈໃສ່.
ດັ່ງນັ້ນຄະນະປະຈຳສະ ພາແຫ່ງຊາດ ຈິ່ງຂໍສະເໜີໃຫ້ ລັດຖະບານເອົາໃຈໃສ່ຕື່ມ 9 ບັນຫາສຳຄັນຄື:
1. ສືບຕໍ່ຮັກສາຄວາມມີ ສະຖຽນລະພາບທາງດ້ານ ການເມືອງ ແລະ ຄວາມໝັ້ນ ຄົງຢ່າງໜັກແໜ້ນ, ສັງຄົມມີ ຄວາມສະຫງົບ ແລະ ຄວາມ ເປັນລະບຽບຮຽບຮ້ອຍ, ຮັບ ປະກັນໃຫ້ເສດຖະກິດ-ສັງຄົມ ຂະຫຍາຍຕົວຕໍ່ເນື່ອງຖືກທິດ ຕາມມະຕິກອງປະຊຸມໃຫຍ່ ຄັ້ງທີ X ຂອງພັກວາງໄວ້.

2. ເອົາໃຈໃສ່ຊີ້ນຳ ແລະ ຜັນຂະຫຍາຍມະຕິເລກທີ 075/ສພຊ ແລະ 076/ສພຊ ຂອງສະພາແຫ່ງຊາດທີ່ໄດ້ຮັບ ຮອງໃນກອງປະຊຸມສະໄໝ ສາມັນເທື່ອທີ 4 ຜ່ານມາທີ່ໄດ້ ກຳນົດໂຕເລກຄາດໝາຍ ຕ່າງໆ ລວມທັງວິໄນແຜນ ການ ແລະ ການເງິນ.
3. ໃຫ້ເອົາໃຈໃສ່ປັບປຸງ ກົນໄກ, ລະບຽບການກ່ຽວ ກັບການສົ່ງເສີມການລົງທຶນ, ທັງພາຍໃນ ແລະ ຕ່າງປະເທດ ແລະ ທັງສູນກາງ ແລະ ທ້ອງ ຖິ່ນໃຫ້ມີປະສິດທິຜົນ.

4. ເອົາໃຈໃສ່ຄຸ້ມຄອງລາ ຄາສິນຄ້າຍຸດທະສາດມີຜົນ ກະທົບໄວ ແລະ ໂດຍກົງຕໍ່ ການຜະລິດ ແລະ ການດຳລົງ ຊີວິດຂອງປະຊາຊົນ, ໂດຍ ສະເພາະລາຄານ້ຳມັນໃຫ້ ເໝາະສົມ.

5. ເອົາໃຈໃສ່ສືບຕໍ່ຊີ້ນຳ ການຈັດຕັ້ງປະຕິບັດມະຕິ ກອງປະຊຸມສະພາແຫ່ງຊາດ ສະບັບເລກທີ 018/ສພຊ ກ່ຽວກັບການຄຸ້ມຄອງນຳໃຊ້ ເຄມີເກີນຄ່າມາດຕະຖານ ເພື່ອສົ່ງຜົນກະທົບຕໍ່ຊີວິດການ ເປັນຢູ່ຂອງປະຊາຊົນ, ການ ຜະລິດ ແລະ ສິ່ງແວດລ້ອມ ທຳມະຊາດ.

6. ສະເໜີໃຫ້ລັດຖະບານ ແກ້ໄຂສະພາບຊັກຊ້າໃນການ ອອກນິຕິກຳ ຂອງບັນດາຂະ ແໜງການເພື່ອຜັນຂະຫຍາຍ ດຳລັດຂອງນາຍົກລັດຖະມົນ ຕີວ່າດ້ວຍການຈັດຕັ້ງປະຕິ ບັດແຜນພັດທະນາເສດຖະ ກິດ-ສັງຄົມ ແລະ ແຜນງົບປະ ມານແຫ່ງລັດທີ່ໄດ້ຮັບຮອງ ເອົາ ແລະ ປະກາດໃຊ້ແລ້ວ ລວມທັງການສ້າງແຜນການ ປີ 2019 ໃຫ້ສຳເລັດຜົນ.

- Wave100S AD to Website 2020 0 - ເຫັນພ້ອມກັບ 9 ຂໍ້ສະເໜີ ຂອງສະພາຕໍ່ລັດຖະບານ

7. ເອົາໃຈໃສ່ຊີ້ນຳ ແລະ ອອກນິຕິກຳລະອຽດກ່ຽວກັບ ການຄຸ້ມຄອງການລົງທຶນ ຂອງລັດ ແລະ ການກຳນົດ ຈັດແບ່ງງົບປະມານບໍລິຫານ ພາກປົກຄອງຂອງຂະແໜງ ສຶກສາກິລາ, ສາທາລະນະ ສຸກໃຫ້ສາມາດຈັດຕັ້ງປະຕິ ບັດສຳເລັດຜົນ.

8. ເອົາໃຈໃສ່ແກ້ໄຂຂອດ ບໍລິການ, ອຳນວຍຄວາມສະ ດວກໃຫ້ແກ່ວຽກງານທ່ອງ ທ່ຽວ, ເປັນຕົ້ນຂັ້ນຕອນອະນຸ ຍາດເຂົ້າ-ອອກ ເມືອງ, ຄ່າ ບໍລິການອາຫານ, ທີ່ພັກ, ຄ່າ ຂົນສົ່ງ ແລະ ຄ່າບໍລິການ ສະຖານທີ່ທ່ອງທ່ຽວໃຫ້ ເໝາະສົມ.

9. ເອົາໃຈໃສ່ແກ້ໄຂບັນ ຫາຄູ ແລະ ອາສາສະໝັກຄູ, ທີ່ ມີລັກສະນະເຫລືອບໍ່ພໍ, ຢູ່ເຂດ ຊາຍແດນ, ຊົນນະບົດຫ່າງໄກ ສອກຫລີກໃຫ້ຖືກຕ້ອງຕາມ ສາຍວິຊາສະເພາະ ແລະ ຮັບ ປະກັນຄຸນນະພາບຂອງການ ຮຽນ, ການສອນໃຫ້ດີຂຶ້ນ.

ນີ້ເປັນຂໍ້ສະເໜີທີ່ມີຄວາມ ສຳຄັນຍິ່ງຕໍ່ການພັດທະນາປະ ເທດຊາດບ້ານເມືອງເຮົາໃຫ້ ຈະເລີນຮຸ່ງເຮືອງ, ແຕ່ທຸກຄົນ, ທຸກພາກສ່ວນຕ້ອງເຮັດແທ້, ທຳຈິງບໍ່ແມ່ນເວົ້າແນວໜຶ່ງໄປ ເຮັດແນວໜຶ່ງ, ຖ້າຍັງມີແນວ ຄິດນີ້ພວກເຮົາກໍຈະໄດ້ພ້ອມ ກັນປັບປຸງແກ້ໄຂໃຫ້ເຖິງກົກ ເຖິງເຫງົ້າຂອງມັນ./.

 

ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດຊຸດທີ VIII ໄຂຂຶ້ນມື້ນີ້

ສະພາຄວາມໝັ້ນຄົງ ສປຊ ບໍ່ພໍໃຈອາເມລິກາ ຂັດຂວາງສອບສວນ ເຫດນອງເລືອດໃນກາຊາ

- lattana banner 1 - ເຫັນພ້ອມກັບ 9 ຂໍ້ສະເໜີ ຂອງສະພາຕໍ່ລັດຖະບານ
-    AD conten website - ເຫັນພ້ອມກັບ 9 ຂໍ້ສະເໜີ ຂອງສະພາຕໍ່ລັດຖະບານ
- lattana banner - ເຫັນພ້ອມກັບ 9 ຂໍ້ສະເໜີ ຂອງສະພາຕໍ່ລັດຖະບານ
error: Alert: ເນື້ອຫາຂ່າວມີລິຂະສິດ !!