ເປ໊ບ ຖືກ ຢູຟາ ຫ້າມລົງຄຸມທີມ 2 ນັດ

- news201806050038126 - ເປ໊ບ ຖືກ ຢູຟາ ຫ້າມລົງຄຸມທີມ 2 ນັດ
- AGL banner - ເປ໊ບ ຖືກ ຢູຟາ ຫ້າມລົງຄຸມທີມ 2 ນັດ

​ເປ໊ບ ກວາ​ດິ​ໂອລາ ​ຜູ້​ຈັດການ​ທີ​ມ ​ແມນ​ເຊ​ສ​ເຕີ ຊິ​ຕີ້ ຖືກ ຢູຟາ ຫ້າມ​ຄຸມ​ທີ​ມ​ໃນ​ເກ​ມ ຢູຟາ ​ແຊມ​ປ້ຽນລີກ 2 ນັດ ​ໂດຍ​ຈະ​ມີ​ຜົນ​ບັງຄັບ​ໃຊ້​ທັນທີ 1 ນັດ.

ສະຫະພັນ​ບານ​ເຕະ​ເອີຣົບ (ຢູຟາ) ປະກາດ​ລົງ​ໂທດ ​ເປ໊ບ ກວາ​ດິ​ໂອລາ ຜູ້​ຈັດການ​ທີ​ມ ​ແມນ​ເຊ​ສ​ເຕີ ຊິ​ຕີ້ ສະ​ໂມ​ສອນ​ແຊ້ມ ພຣີ​ເມຍ​ລີກ ອັງກິດ ບໍ່​ໃຫ້​ລົງ​ຄຸມ​ທີ​ມຂ້າງ​ສະໜາມ​ໃນ​ເກ​ມ ຢູຟາ ​ແຊມ​ປ້ຽນລີກ ຈຳນວນ 2 ນັດ ຫລັງ​ຈາກ​ລາວ​ສະ​ແດງ​ພຶດຕິ​ກຳ​ບໍ່​ເໝາະ​ສົມ​ກັບ​ຜູ້​ຕັດສິນ ຈົນ​ຖືກ​ໄລ່​ອອກ​ໄລຍະ​ພັກ​ເຄິ່ງ​ໃນ​ເກ​ມຮອບ​ກ່ອນ​ຮອງ​ຊະນະ​ເລີດທີ່ ​​ແມນ​ເຊ​ສ​ເຕີ ຊິ​ຕີ້ ​ເສຍ​ໃຫ້ ລິ​ເວີ​ພູລ 1-2 ​ໃນ​ວັນ​ທີ 10 ​ເມສາ​ຜ່ານ​ມາ.

​ໄລຍະ​ພັກ​ເຄິ່ງ​ໃນ​ເກ​ມດັ່ງກ່າວ ກວາ​ດິ​ໂອລາ ​ໄປ​ປະ​ທ້ວງ​ຜູ້​ຕັດສິນ​ທີ່​ບໍ່​ຍອມ​ໃຫ້​ລູກ​ຍິງ​ຂອງ ​ເລຣອຍ ຊາ​ເນ່ ​ເປັນ​ປະຕູ ຈົນ​ຫລ້າ​ສຸດ ຢູຟາ ຕັດສິນ​ລົງ​ໂທດ​ຫ້າມ 2 ​ເກ​ມ ​ໂດຍ​ຈະ​ມີ​ຜົນ​ບັງຄັບ​ໃຊ້​ທັນທີ 1 ​ນັດ ​ເຊິ່ງໝາຍ​ຄວາ​ມວ່າ ຜູ້​ຈັດການ​ທີ​ມຊາວ​ສະ​ເປ​ນອາຍຸ 47 ປີ ຈະ​ບໍ່​ໄດ້​ຄຸມ​ທີ​ມຂ້າງ​ສະໜາມ​ໃນ​ນັດ​ທຳ​ອິດ​ຂອງ​ຮອບ​ແບ່ງ​ກຸ່ມ​ລະດູ​ການ​ໜ້າ, ສ່ວນ​ອີກ​ນັດ​ຈະ​ຕິດ​ເອົາ​ໄວ້​ກ່ອນ ​ເພື່ອ​ເບິ່ງ​ວ່າ ພາຍ​ໃນ​ໜຶ່ງ​ປີ ກວາ​ດິ​ໂອລາ ຈະ​ເຮັດ​​ໄດ້ອີກ ຫລື ບໍ່.

- Wave100S AD to Website 2020 0 - ເປ໊ບ ຖືກ ຢູຟາ ຫ້າມລົງຄຸມທີມ 2 ນັດ
- lattana banner 1 - ເປ໊ບ ຖືກ ຢູຟາ ຫ້າມລົງຄຸມທີມ 2 ນັດ
-    AD conten website - ເປ໊ບ ຖືກ ຢູຟາ ຫ້າມລົງຄຸມທີມ 2 ນັດ
- lattana banner - ເປ໊ບ ຖືກ ຢູຟາ ຫ້າມລົງຄຸມທີມ 2 ນັດ
error: Alert: ເນື້ອຫາຂ່າວມີລິຂະສິດ !!