ບໍລິສັດໄຟຟ້ານໍ້າງຽບ 1 ຈະໃຊ້ງົບ 195.000 ໂດລາສະຫະລັດຕໍ່ປີເພື່ອພັດທະນາຊຸມຊົນໃນໄລຍະສໍາປະທານ

- Nam Ngiep 1 - ບໍລິສັດໄຟຟ້ານໍ້າງຽບ 1 ຈະໃຊ້ງົບ 195.000 ໂດລາສະຫະລັດຕໍ່ປີເພື່ອພັດທະນາຊຸມຊົນໃນໄລຍະສໍາປະທານ
- AGL banner - ບໍລິສັດໄຟຟ້ານໍ້າງຽບ 1 ຈະໃຊ້ງົບ 195.000 ໂດລາສະຫະລັດຕໍ່ປີເພື່ອພັດທະນາຊຸມຊົນໃນໄລຍະສໍາປະທານ

ບໍລິສັດ ໄຟຟ້ານໍ້າງຽບ 1 ຈຳກັດ ຈະໃຊ້ງົບປະມານ 195.000 ໂດລາສະຫະລັດຕໍ່ປີເປັນທຶນພັດທະນາຊຸມຊົນຕະຫລອດໄລຍະສຳປະທານ 27 ປີ, ໂດຍຈະເລີ່ມແຕ່ປີ 2019 ເປັນຕົ້ນໄປ ລວມທັງການຟື້ນຟູຊີວິດການເປັນຢູ່ຂອງປະຊາຊົນ ຜູ້ທີ່ໄດ້ຮັບຜົນກະທົບໂດຍກົງຈາກໂຄງການກໍ່ສ້າງເຂື່ອນດັ່ງກ່າວທີ່ແຂວງບໍລິຄຳໄຊ ແລະ ແຂວງ ໄຊສົມບູນ ແນໃສ່ຮັບປະກັນເຮັດໃຫ້ເຂົາເຈົ້າມີລາຍຮັບສູງ ເມື່ອທຽບກັບລາຍຮັບເດີມ, ຊຶ່ງຊຸມຊົນດັ່ງກ່າວມີປະມານ 524 ຄອບຄົວໃນ 7 ບ້ານຂອງແຂວງບໍລິຄຳໄຊ ແລະ ແຂວງ ໄຊສົມ ບູນ, ໃນນັ້ນ 90% ເປັນຊົນເຜົ່າມົ້ງທີ່ໄດ້ຮັບຜົນກະທົບໂດຍກົງຈາກໂຄງການກໍ່ສ້າງເຂື່ອນດັ່ງກ່າວ, ໃນນັ້ນ ມີ 517 ຄອບຄົວໄດ້ຖືກຍົກຍ້າຍ ແລະ ອີກ 7 ຄອບຄົວຖືກຫຍັບຍ້າຍ ແລະ ໃນນັ້ນມີ 71 ຄອບຄົວຍົກຍ້າຍມາຢູ່ ບ້ານຈັດສັນພູໂຮມໄຊ, ເມືອງ ບໍລິຄັນ ທີ່ຈັດຫາໂດຍບໍລິສັດ ໄຟຟ້ານໍ້າງຽບ 1, ຊຶ່ງບ້ານຈັດສັນດັ່ງ ກ່າວ ປະກອບມີ ລະບົບໄຟຟ້າ, ນໍ້າລິນ, ໂຮງຮຽນແຕ່ຊັ້ນອານຸບານຫາມັດທະຍົມຕົ້ນ, ສຸກສາລາ, ຕະ ຫລາດ, ຄີວລົດ, ເດີນໄວ້ສຳລັບຈັດງານບຸນປະເພນີ, ຫໍວາງສະແດງຊົນເຜົ່າ ແລະ ສິ່ງອຳນວຍຄວາມສະດວກອື່ນໆອີກ ສ່ວນຄອບຄົວທີ່ເຫລືອແມ່ນຍົກຍ້າຍນອກແຜນ ກໍຄື ບໍລິສັດຈ່າຍເງິນຄ່າຊົດເຊີຍໃຫ້ທຸກຢ່າງຕາມຄວາມເໝາະສົມ, ນັບຕັ້ງແຕ່ເບ້ຍໄມ້ 1 ເບ້ຍ, ສັດ 1 ໂຕ ຈົນຮອດເນື້ອທີ່ດິນ ແລະ ໂອ ກາດເສຍລາຍໄດ້ຕ່າງໆ, ຊຶ່ງເຂົາເຈົ້າເລືອກສະຖານທີ່ຢູ່ດ້ວຍຕົວເອງ.

ອີງຕາມຂໍ້ມູນ ບໍລິສັດ ໄຟຟ້າ ນໍ້າງຽບ 1 ຈຳກັດ ລະບຸວ່າ: ບໍລິສັດ ຈະຮັບປະກັນໃຫ້ທຸກຄອບຄົວພາຍໃນບ້ານຈັດສັນພູໂຮມໄຊ ໃຫ້ມີລາຍຮັບສູງເຖິງ 200% ຈາກລາຍຮັບເດີມທີ່ເຂົາເຈົ້າເຄີຍໄດ້ໃນເມື່ອກ່ອນ ພາຍໃນໄລຍະ 10 ປີຄື: ແຕ່ນີ້ຫາປີ 2028. ເພື່ອໃຫ້ບັນລຸລາຍຮັບດັ່ງກ່າວ, ບໍລິສັດ ຈະສະໜອງທຶນ ພ້ອມກັບການຝຶກອົບຮົມໃຫ້ເຂົາເຈົ້າມີວິຊາຊີບ ແລະ ຮຽນຮູ້ການຜະລິດຕ່າງໆເພື່ອໃຫ້ມີລາຍຮັບທີ່ໝັ້ນຄົງ ເຊັ່ນ: ການປູກຝັງ, ລ້ຽງສັດ, ການແປຮູບສິນຄ້າຕ່າງໆ ລວມທັງການເຂົ້າເຖິງຕະຫລາດ ແລະ ໂຄງການດັ່ງກ່າວ, ໄດ້ສະໜອງດິນປຸກສ້າງຂະໜາດ 800 ຕາແມັດຕໍ່ຄອບຄົວ, ພ້ອມສະໜອງນໍ້າສະອາດ, ໄຟຟ້າ, ດິນທຳການຜະລິດກະສິກຳຄື: ດິນນາ 1000 ຕາແມັດຕໍ່ຄົນ, ຊຶ່ງສາມາດເຮັດໄດ້ສອງລະດູ, ດິນສວນຄົວ 1.000 ຕາແມັດຕໍ່ຄົນ, ດິນສວນປູກຕົ້ນໄມ້ອຸດສາຫະກຳ 1000 ຕາແມັດຕໍ່ຄົນ, ດິນປູກໄມ້ເຮັດຟືນ 800 ຕາແມັດຕໍ່ຄົນ, ດິນເຮັດສວນຄົວ 400 ຕາແມັດຕໍ່ຄອບຄົວ. ນອກຈາກນັ້ນ, ຍັງຈະສະໜອງເຂົ້າສານຈ້າວໃຫ້ໂດຍບໍ່ເສຍຄ່າໃນໄລຍະເວລາ 5 ປີ, ຊຶ່ງສອງປີທໍາອິດແມ່ນ 100%, ປີທີສາມ 75%, ປີທີສີ່ 50% ແລະ ປີສຸດທ້າຍ 25% ໂດຍສະເລ່ຍເປັນຫົວຄົນຄື: (ອາຍຸ 15 ປີ ລົງມາແມ່ນໄດ້ຮັບ 15 ກິໂລຕໍ່ເດືອນ ແລະ 15 ປີ ຂຶ້ນເມືອໄດ້ຮັບ 21 ກິໂລຕໍ່ເດືອນ), ພ້ອມທັງຊ່ວຍເຫລືອ ຄ່ານໍ້າ, ຄ່າໄຟຟ້າ, ຄ່າຂີ້ເຫຍື້ອ ແລະ ອາຫານ ໃນໄລຍະຂ້າມຜ່ານ ລວມທັງເງິນຊົດເຊີຍຕ່າງໆ ຄື: ຜ່ານມາ,  ບໍລິສັດໄດ້ໃຊ້ງົບປະມານແລ້ວຫລາຍກວ່າ 50 ລ້ານ ໂດລາສະຫະລັດ ສຳລັບຄ່າຊົດເຊີຍ ຕໍ່ຜູ້ທີ່ໄດ້ຮັບຜົນກະທົບຈາກໂຄງການຄື: ບ້ານຫາດສາຍຄຳ, ເມືອງບໍລິຄັນແຂວງບໍລິຄຳໄຊ, ບ້ານຫ້ວຍປ່າມ້ອມ, ສົບພວນ, ນໍ້າຫຍວກ ແລະ ບ້ານສົບຫຍວກເມືອງຮົ່ມແຂວງໄຊສົມບູນ, ສ່ວນບ້ານທີ່ຫຍັບຍ້າຍແມ່ນບ້ານປູ້ ແລະ ບ້ານຫາດສາມຄອນ, ເມືອງທ່າໂທມແຂວງໄຊສົມບູນ.

- Wave100S AD to Website 2020 0 - ບໍລິສັດໄຟຟ້ານໍ້າງຽບ 1 ຈະໃຊ້ງົບ 195.000 ໂດລາສະຫະລັດຕໍ່ປີເພື່ອພັດທະນາຊຸມຊົນໃນໄລຍະສໍາປະທານ
- lattana banner 1 - ບໍລິສັດໄຟຟ້ານໍ້າງຽບ 1 ຈະໃຊ້ງົບ 195.000 ໂດລາສະຫະລັດຕໍ່ປີເພື່ອພັດທະນາຊຸມຊົນໃນໄລຍະສໍາປະທານ
- lattana banner - ບໍລິສັດໄຟຟ້ານໍ້າງຽບ 1 ຈະໃຊ້ງົບ 195.000 ໂດລາສະຫະລັດຕໍ່ປີເພື່ອພັດທະນາຊຸມຊົນໃນໄລຍະສໍາປະທານ
-    AD conten website - ບໍລິສັດໄຟຟ້ານໍ້າງຽບ 1 ຈະໃຊ້ງົບ 195.000 ໂດລາສະຫະລັດຕໍ່ປີເພື່ອພັດທະນາຊຸມຊົນໃນໄລຍະສໍາປະທານ
error: Alert: ເນື້ອຫາຂ່າວມີລິຂະສິດ !!