5 ວິທີເບິ່ງແຍງສຸຂະພາບຈິດທີ່ດີ

- happy life 4 - 5 ວິທີເບິ່ງແຍງສຸຂະພາບຈິດທີ່ດີ
- AGL banner - 5 ວິທີເບິ່ງແຍງສຸຂະພາບຈິດທີ່ດີ

ເຄີຍບໍ່ ? ມີເລື່ອງໃຫ້ຄິດຫຼາຍພະຍາດກໍລຸມເລົ້າ ທັງເຈັບຫົວ, ເປັນໄຂ, ບໍ່ສະບາຍກາຍ, ບໍ່ສະບາຍໃຈ ສາເຫດທີ່ເປັນແບບນີ້ກໍເພາະວ່າຈິດໃຈກັບຮ່າງກາຍຂອງເຮົານັ້ນ ​ເຮັດ​ວຽກສໍາພັນກັນ ເມື່ອໃຈບໍ່ສະບາຍກໍລາມເຮັດໃຫ້ກາຍບໍ່ສະບາຍໄປນຳ. ເຮົາມາຮູ້ເຄັບລັບການເບິ່ງແຍງສຸຂະພາບຈິດທີ່ດີ ແລະ ການເບິ່ງແຍງສຸຂະພາບທີ່ດີເຮັດໄດ້ແນວໃດ ?

5 ເຄັດລັບເບິ່ງແຍງສຸຂະພາບຈິດທີ່ດີເຮັດໄດ້ແນວໃດ ?

- Wave100S AD to Website 2020 0 - 5 ວິທີເບິ່ງແຍງສຸຂະພາບຈິດທີ່ດີ
  1. ການເບິ່ງແຍງສຸຂະພາບຈິດທີ່ດີ ການອອກກໍາລັງກາຍເປັນວິທີການເບິ່ງແຍງສຸຂະພາບທັງທາງຮ່າງກາຍ ແລະ ຈິດໃຈທີ່ໄດ້ຜົນດີວິທີໜຶ່ງ ເພາະວ່າມັນຊ່ວຍເຮັດໃຫ້ອະໄວຍະວະຕ່າງໆໃນຮ່າງກາຍ ໄດ້ມີການເຄື່ອນໄຫວ ເຮັດໃຫ້ກ້າມຊີ້ນແຂງແຮງ, ອີກທັງຊ່ວຍໃຫ້ລະບົບໄຫຼວຽນເລືອດ, ປອດ, ຫົວໃຈ​ເຮັດ​ວຽກດີຂຶ້ນນຳອີກ ແລະ ການເຄື່ອນໄຫວຮ່າງກາຍດຸໆຍັງຊ່ວຍປ້ອງກັນພະຍາດຄວາມດັນ​ເລືອດ, ພະຍາດຫົວໃຈ, ເຮັດໃຫ້ບໍ່ມີອາການໜ້າມືດເປັນລົມງ່າຍໆ ການອອກກໍາລັງກາຍຊ່ວຍປ້ອງກັນພະຍາດແລ້ວ ​ແລະ ຍັງເຮັດໃຫ້ຮ່າງກາຍແຂງແຮງສຸຂະພາບດີນຳ​ອີກ ແລະ ຍັງມີຂໍ້ດີກັບຫົວໃຈອີກ ເພາະຊ່ວຍໃຫ້ຈິດໃຈຂອງເຮົາໄດ້ຜ່ອນຄາຍ, ໄດ້ປົດປ່ອຍຄວາມຄຽດ ເລີຍເຮັດໃຫ້ຮູ້ສຶກສົດຊື່ນສົດໃສຂຶ້ນ ນອນຫຼັບສະບາຍ, ການອອກກໍາລັງກາຍທີ່ດີນັ້ນ ຄວນອອກເປັນປະຈໍາຢ່າງໜ້ອຍມື້ລະ 20-30 ນາທີ ຫຼື ອາທິດລະ 3-4 ຄັ້ງ ແລະ ຄວນເລືອກວິທີອອກກໍາລັງກາຍໃຫ້ເໝາະສົມກັບຊ່ວງອາຍຸ.
  2. ການເບິ່ງແຍງສຸຂະພາບຈິດທີ່ດີ ຟັງເພງກໍຊ່ວຍຄາຍຄຽດໄດ້ ເຮັດໃຫ້ຈິດໃຈສະຫງົບ ​ແລະ ຍັງຊ່ວຍຫຼຸດການຫລັ່ງຂອງຮໍໂມນ Cortiso ຊຶ່ງມີຜົນໂດຍກົງຕໍ່ຄວາມຄຽດນຳອີກ ຜົນການວິໄຈຈາກສະມາຄົມພະຍາດຫົວໃຈແຫ່ງ​ເອີຣົບ ເມື່ອປີ 2003 ພົບວ່າຄົນບໍ່ສະບາຍທີ່ຟັງເພງທີ່ຕົນເອງມັກມື້ລະ 30 ນາທີເປັນປະຈໍາໃນຂະນະທີ່ອອກກໍາລັງກາຍ ຈະຊ່ວຍເພີ່ມກົດ Nitric Oxide ຊຶ່ງຈະຊ່ວຍກະຕຸ້ນການໄຫຼວຽນຂອງເລືອດຂະຫຍາຍຫຼອດເລືອດ ເຮັດໃຫ້ໄຫຼວຽນສະດວກ ຊຶ່ງຈະສົ່ງຜົນດີກັບຫົວໃຈຫຼາຍ.
  3. ຮັກໂຕເອງ ເບິ່ງຫາຂໍ້ດີຂອງໂຕເອງ (ການເບິ່ງແຍງສຸຂະພາບຈິດທີ່ດີ) ຄົນເຮົາທຸກຄົນຕ່າງມີທັງຂໍ້ດີ ແລະ ຂໍ້ເສຍທັງນັ້ນ ການຈົມຢູ່ກັບຄວາມເສົ້າ ຫຼື ເບິ່ງເຫັນແຕ່ເລື່ອງທີ່ບໍ່ດີຂອງຕົນເອງ ບໍ່ຊ່ວຍໃຫ້ຫຍັງດີຂຶ້ນ ເພາະສະນັ້ນໃນເວລາທີ່ເຮົາຄຽດ ຫຼື ຕົກຢູ່ໃນຄວາມເສົ້າ ເຮົາຈຶ່ງຕ້ອງພະຍາຍາມເບິ່ງຫາສິ່ງດີໆໃນຊີວິດ ແລະ ຕ້ອງຮູ້ຈັກຮັກໂຕເອງໃຫ້ຫຼາຍໆ ຂໍ້ດີຂອງເຮົານັ້ນ ເຖິງຈະເປັນພຽງເລື່ອງເລັກນ້ອຍ ແຕ່ມັນກໍອາດສ້າງຄວາມສຸກໃຈທີ່ຍິ່ງໃຫຍ່ໃຫ້ເກີດຂຶ້ນກັບເຮົາໄດ້ ການເບິ່ງຫາຂໍ້ດີ ແລະ ບອກຮັກໂຕເອງໃນທຸກໆວັນ ຈະເຮັດໃຫ້ໃຈເຮົາເຂັ້ມແຂງຂຶ້ນ ມີແຮງສູ້ກັບບັນຫາຕໍ່ໄປ.
  4. ຮ້ອງໄຫ້ເສຍນໍ້າຕາ ບອກລາຄວາມເສົ້າ (ການເບິ່ງແຍງສຸຂະພາບຈິດທີ່ດີ) ໃຜວ່າການຮ້ອງໄຫ້ເປັນເລື່ອງຂອງຄົນອ່ອນແອ ການຮ້ອງໄຫ້ເປັນເລື່ອງຂອງຄົນສະຫຼາດຕ່າງຫາກ ເພາະເຂົາເລືອກທີ່ຈະຮ້ອງໄຫ້ແທນການເຮັດເລື່ອງບໍ່ດີ ຫຼື ທໍາຮ້າຍຕົນເອງ ການຮ້ອງໄຫ້ຄືການໄດ້ປົດປ່ອຍຕົນເອງ, ປົດປ່ອຍຄວາມເສົ້າໃຫ້ມັນອອກໄປ, ເປັນການຈັດການຄວາມຄຽດໄດ້ດີ ເພາະວ່າໃນນໍ້າຕາຂອງຄົນເຮົາມີແຮ່ທາດຊະນິດໜຶ່ງທີ່ເອີ້ນວ່າ ແມງການີສໍຢູ່ ແລະ ມີຫຼາຍກວ່າປະລິມານເລືອດເຖິງ 30 ເທົ່າ ຊ່ຶງແຮ່ທາດຊະນິດນີ້ມີສ່ວນເຮັດໃຫ້ຮ່າງກາຍເກີດຄວາມຄຽດ. ການຮ້ອງໄຫ້ເປັນການກໍາຈັດແມງການີສທີ່ດີທີ່ສຸດ ເພາະຊ່ວຍຂັບແມງການີສອອກມາໄດ້ຫຼາຍທີ່ສຸດຈຶ່ງຊ່ວຍເຮັດໃຫ້ຄວາມຄຽດຫຼຸດລົງ ແລະ ສຸຂະພາບຈິດດີຂຶ້ນດ້ວຍການທີ່ນໍ້າຕາໄຫຼອອກມາຫຼາຍ ຫຼື ການໄດ້ສົ່ງສຽງຮ້ອງໄຫ້ດັງໆ ຍັງຊ່ວຍປົດປ່ອຍຄວາມອັດອັ້ນທີ່ມີຢູ່ອອກຫຼາຍ ເຮັດໃຫ້ຮູ້ສຶກໂລ່ງຂຶ້ນ ແລະ ສະບາຍໃຈຂຶ້ນ ແຕ່ເຮົາກໍບໍ່ຄວນຮ້ອງໄຫ້ດຸໆ ເພາະມັນຈະເຮັດໃຫ້ດວງຕາບວມຊໍ້າ ແລະ ເສຍບຸກຄະລິກກະພາບໄດ້.
  5. ເຮັດໃນສິ່ງທີ່ຮັກ…ຮັກໃນສິ່ງທີ່ເຮັດ (ການເບິ່ງແຍງສຸຂະພາບຈິດທີ່ດີ) ການທີ່ໄດ້ເຮັດໃນສິ່ງທີ່ມັກຍ່ອມສົ່ງຜົນທີ່ດີຕໍ່ຈິດໃຈຂອງເຮົາ ເຮັດໃຫ້ເຮົາມີຄວາມສຸກ ແລະ ຮູ້ສຶກຜ່ອນຄາຍຫຼາຍຂຶ້ນນຳ.
- lattana banner - 5 ວິທີເບິ່ງແຍງສຸຂະພາບຈິດທີ່ດີ
-    AD conten website - 5 ວິທີເບິ່ງແຍງສຸຂະພາບຈິດທີ່ດີ
- lattana banner 1 - 5 ວິທີເບິ່ງແຍງສຸຂະພາບຈິດທີ່ດີ
error: Alert: ເນື້ອຫາຂ່າວມີລິຂະສິດ !!