ອະນາຄົດ 1 ວັນອາດມີ 25 ຊົ່ວໂມງ

- 41774049ACB34608A1A01857E78485D8 - ອະນາຄົດ 1 ວັນອາດມີ 25 ຊົ່ວໂມງ
- Untitled design - ອະນາຄົດ 1 ວັນອາດມີ 25 ຊົ່ວໂມງ

ຜົນ​ການ​ສຶກສາ​ຂອງທ່ານ ສະຕີ​ເຟນ ​ເມ​ເຍີ ຈາກ​ມະຫາວິທະຍາ​ໄລ​ວິສຄອນ​ຊິນ-​ເມ​ດິສັນ ​ແລະ ທ່ານ ອັລ​ເບີ​ໂຕ ມາ​ລິນ​ເວີ​ໂນ ຈາກ​ມະ​ຫາ​ວິທະຍາ​ໄລ​ໂກ​ລົມ​ບີ  ສອງ​ນັກວິ​ໄຈ​ທາງ​ທໍລະນີວິທະຍາ​ສະຫະລັດ​ອາ​ເມ​ລິ​ກາ ທີ່​ພິມ​ລົງ​ໃນ​ວາລະສານ PNAS ລະບຸ​ວ່າ: ​ໃນ​ອະນາຄົດ​ໂລກ​ອາດ​ມີ​ໄລຍະ​ເວລາ​ໃນ​ໜຶ່ງ​ວັນທີ່​ເພີ່ມ​ຂຶ້ນ ​ເຊິ່ງ​ເປັນ​ຜົນ​ມາ​ຈາກ​ດວງ​ຈັນ​ຄ່ອຍໆ​ເຄື່ອນ​ທີ່​ຫ່າງ​ຈາກ​ໂລກ​ໄປ​ເລື້ອຍໆ ​ໂດຍ​ພົບ​ວ່າ​ດວງ​ຈັນ​ຄ່ອຍໆ​ເຄື່ອນ​ທີ່ຫ່າງ​ອອກ​ໄປ​ຈາກ​ໂລກ​ສະ​ເລ່ຍ 1,5 ນິ້ວຕໍ່​ປີ ຫລື ປະມານ 3,82 ຊມ ​ເຊິ່ງຈະ​ສົ່ງ​ຜົນ​ໃຫ້​ໂລກ​ຄ່ອຍໆ​ມີ​ໄລຍະ​ເວລາ​ໃນ 1 ວັນ​ດົນ​ນານ​ຂຶ້ນ.

ນອກຈາກ​ນີ້, ລາຍ​ງານ​ຍັງ​ລະບຸ​ວ່າ: ​ໃນ​ອະດີດ​ໂລກ​ເຄີຍ​ມີ​ເວລາ​ໃນ​ໜຶ່ງ​ວັນ​ພຽງ 18 ຊົ່ວ​ໂມງ 41 ນາທີ ​ເນື່ອງ​ຈາກ​ວ່າ​ດວງ​ຈັນ​ເຄີຍ​ຢູ່​ໃກ້​ໂລກ​ກວ່າ​ນີ້ ​ໂດຍ​ຄາດ​ວ່າ​ດວງ​ຈັນ​ມີ​ອາຍຸ​ຫລາຍ​ກວ່າ 4,5 ພັນ​ລ້ານ​ປີ​ມາ​ແລ້ວ ​ໂດຍ​ທຸກ​ວັນ​ນີ້​ໂລກ​ໃຊ້​ເວລາ​ໝູນ​ອ້ອມ​ຕົວ​ເອງ​ດົນ​ຂຶ້ນກວ່າ​ເກົ່າ 5 ຊົ່ວ​ໂມງ ​ເມື່ອ​ທຽບ​ໃສ່ 1.400 ລ້ານ​ປີ​ກ່ອນ.

ທັງ​ນີ້, ສອງ​ນັກວິ​ໄຈ​ໄດ້​ໃຊ້​ຂໍ້​ມູນ​ຈາກ​ການ​ວິ​ເຄາະ​ຕະກອນ​ດິນ​ຈາກ​ແຫ​ລ່ງບູຮານ​ຄະດີ​ເຊຍ​ມ່າຫລິງ​ຂອງ​ຈີນ ທີ່​ມີ​ອາຍຸ​ເກົ່າ​ແກ່​ພັນ​ລ້ານ​ປີ ລວມທັງ​ຈາກ​ຊັ້ນຫີນ​ໃນ​ສັນພູ​ໃຕ້​ມະຫາ​ສະໝຸດ​ອັດ​ລັງ​ຕິກ ​ໂດຍ​ຫາ​ອັດຕາ​ສ່ວນ​ຂອງ​ທອງ​ແດງ ​ແລະ ອາ​ລູມີ​ນຽມ ​ເຊິ່ງຈະ​ເປັນ​ຫລັກ​ຖານ​ທີ່​ບົ່ງ​ບອກ​ເຖິງ​ວິຖີ​ການ​ໂຄຈອນ​ຂອງ​ໂລກ ​ແລະ ການ​ປ່ຽນ​ແປງ​ສະພາບ​ອາກາດ​ເມື່ອ​ກວ່າ​ພັນ​ລ້ານ​ປີຜ່ານມາ.

- Wave100S AD to Website 2020 0 - ອະນາຄົດ 1 ວັນອາດມີ 25 ຊົ່ວໂມງ
- WhatsApp Image 2020 05 27 at 5 - ອະນາຄົດ 1 ວັນອາດມີ 25 ຊົ່ວໂມງ
- WhatsApp Image 2020 05 27 at 5 - ອະນາຄົດ 1 ວັນອາດມີ 25 ຊົ່ວໂມງ
error: Alert: ເນື້ອຫາຂ່າວມີລິຂະສິດ !!