ອີຣານເດີນໜ້າຜະລິດສານເສີມ ສະມັດຖະພາບຢູເຣນຽມເພີ່ມແລ້ວ

- 101887833 e4a0a121 b77a 4fa8 a426 228a9a3942ff - ອີຣານເດີນໜ້າຜະລິດສານເສີມ ສະມັດຖະພາບຢູເຣນຽມເພີ່ມແລ້ວ
- Untitled design - ອີຣານເດີນໜ້າຜະລິດສານເສີມ ສະມັດຖະພາບຢູເຣນຽມເພີ່ມແລ້ວ

ທາງ​ການ​ອີຣານຍື່ນ​ໜັງສື​ແຈ້ງ​ຕໍ່​ອົງການ​ພະລັງງານ​ປະລະມານູ​ສາກົນ ຫລື IAEA ວ່າ: ​ໄດ້​ເລີ່​ມຂະ​ບວນການ​ເພີ່ມ​ປະສິດທິພາບ​ໃນ​ການ​ຜະລິດ​ສານ​ຢູ​ເຣນຽມ​ເຮ​ກຊະ​ຟູລອໍ​ໄຣ (UF6) ​ເຊິ່ງ​ເປັນ​ວັດຖຸ​ດິບ​ສຳຄັນ​ໃນ​ການ​ເສີມ​ສະມັດຖະພາບຢູ​ເຣນຽມ​ທີ່​ໃຊ້​ຜະລິດ​ອາວຸດ​ນິວ​ເຄຼຍ​ແລ້ວ ​ໃນ​ວັນ​ທີ 5 ມິຖຸນາ​ນີ້.

ຜູ້ອຳນວຍການ​ອົງການ​ພະລັງງານ​ປະລະມານູ​ອີຣານ ຖະ​ແຫລ​ງວ່າ: ຈະ​ມີ​ການ​ສ້າງ​ເຄື່ອງ​ປັ່ນ​ແຍກ​ຕະກອນ (Centrifuge) ​ເພີ່ມ​ອີກ ​ເພື່ອ​ໃຊ້​ກັບ​ຂະ​ບວນການ​ດັ່ງກ່າວ​ໃນ​ສະຖານ​ທີ່​ທາງ​ນິວ​ເຄຼຍຫລັກ​ຂອງ​ປະ​ເທດ ທີ່​ເມືອງ​ນາ​ທານ (Natanz) ​ໂດຍ​ຈະ​ເລັ່ງລົງມື​ປະກອບ​ເຄື່ອງ​ປັ່ນ​ແຍກ​ຕະກອນ​ຈຳນວນ​ຫລາຍ​ໃຫ້​ສຳ​ເລັດ​​ໃນ​ມໍ່ໆ​ນີ້.

ການ​ເຄື່ອນ​ໄຫວ​ດັ່ງກ່າວ​ເກີດ​ຂຶ້ນ ພາຍຫລັງ​ທ່ານ ຢາ​ຕໍ​ເລາະ ອາລີ ຄາ​ເມ​ເນ​ອີ ຜູ້ນຳ​ສູງ​ສຸດ ມີ​ຄຳ​ສັ່ງ​ໃຫ້​ລັດຖະບານ​ເລັ່ງຂະ​ບວນການ​ຕ່າງໆ​ທີ່​ກ່ຽວຂ້ອງ​ກັບ​ປະສິດທິພາບ​ໃນ​ການ​ພັດທະນາ​ນິວ​ເຄຼຍ​ໃຫ້​ເດີນ​ໜ້າ​ໄວ​ຂຶ້ນ ​ເພື່ອ​ເປັນ​ທາງ​ເລືອກ “​ໃນ​ກໍລະນີ​ທີ່​ມີ​ຄວາມ​ຈຳ​ເປັນ” ​ເຊິ່ງຄຳ​ເວົ້າຂອງ​ຜູ້ນຳ​ອີຣານນີ້ ອາດ​ໝາຍ​ເຖິງ​ກໍລະນີ​ທີ່​ມີ​ການ​ຍົກ​ເລີກ​ຂໍ້​ຕົກລົງ​ນິວ​ເຄຼຍກັບ​ບັນດາ​ປະ​ເທດ.

- Wave100S AD to Website 2020 0 - ອີຣານເດີນໜ້າຜະລິດສານເສີມ ສະມັດຖະພາບຢູເຣນຽມເພີ່ມແລ້ວ

​ເຖິງ​ຢ່າງ​ໃດ​ກໍ​ຕາມ, ລັດຖະບານ​ອີຣານຢືນຢັນ​ວ່າ: ການ​ຍົກ​ລະດັບ​ປະສິດທິພາບ​ໃນ​ການ​ຜະລິດ​ສານ​ເສີມ​ສະມັດຖະພາບ​ຢູ​ເຣນຽມ​ຄັ້ງນີ້ ຍັງ​ເປ​ັນ​ໄປ​ຕາມ​ຂໍ້​ກຳນົດ​ໃນ​ຂໍ້​ຕົກລົງ​ນິວ​ເຄຼຍອີຣານຢູ່ ​ເຊິ່ງຂໍ້​ຕົກລົງ​ດັ່ງກ່າວ​ອະນຸຍາດ​ໃຫ້​ອີຣານສ້າງ​ເຄື່ອງ​ປັ່ນ​ແຍກ​ຕະກອນ​​ໄດ້​ບາງ​ສ່ວນ ​ແລະ ຕ້ອງ​ບໍ່​ນຳ​ມາ​ໃຊ້​ງານ​ພາຍ​ໃນ​ໄລຍະ​ເວລາ 10 ປີ​ທຳ​ອິດ.

- WhatsApp Image 2020 05 27 at 5 - ອີຣານເດີນໜ້າຜະລິດສານເສີມ ສະມັດຖະພາບຢູເຣນຽມເພີ່ມແລ້ວ
- WhatsApp Image 2020 05 27 at 5 - ອີຣານເດີນໜ້າຜະລິດສານເສີມ ສະມັດຖະພາບຢູເຣນຽມເພີ່ມແລ້ວ
error: Alert: ເນື້ອຫາຂ່າວມີລິຂະສິດ !!