ຢູຟາ ເພີ່ມເງິນລາງວັນຖ້ວຍເອີຣົບລະດູການໜ້າ

- 647679 - ຢູຟາ ເພີ່ມເງິນລາງວັນຖ້ວຍເອີຣົບລະດູການໜ້າ
- Untitled design - ຢູຟາ ເພີ່ມເງິນລາງວັນຖ້ວຍເອີຣົບລະດູການໜ້າ

ສະຫະພັນບານ​ເຕະ​ເອີຣົບ (ຢູຟາ) ປະກາດ​ວ່າ ລາຍ​ໄດ້​ຂອງ​ແຕ່​ລະສະ​ໂມ​ສອນ​ສຳລັບ​ການ​ລົງ​ແຂ່ງຂັນ​ຢູຟາ ​ແຊມ​ປ້ຽນ ລີກ, ຢູ​ໂຣປາ ລີກ ​ແລະ ຢູຟາ ຊູ​ເປີ ຄັບ ​ໃນ​ລະດູ​ການ​ໜ້າ​ຈະ​ເພີ່ມ​ຂຶ້ນກວ່າ 50%​ ​ເມື່ອ​ທຽບ​ໃສ່​ລະດູ​ການ​ຜ່ານ​ມາ ​ເປັນ​ຜົນ​ຈາກ​ເງິນ​ລິ​ຂະ​ສິດ​ຖ່າຍ​ທອດ​ສົດ ​ແລະ ການ​ເຮັດ​ທຸລະ​ກິດ ​ເຊິ່ງ​ເຮັດ​ໃຫ້​ມີ​ລາຍ​ຮັບ​ເພີ່ມ​ຂຶ້ນມະຫາສານ.

ລະດູ​ການ 2018-19 ຄາດ​ວ່າ​ລາຍ​ໄດ້​ຈາກ​ການ​ແຂ່ງຂັນ​ບານ​ເຕະ​ເອີ​ຣົບຈະ​ໄດ້​ປະມານ 2,85 ພັນ​ລ້ານ​ປອນ ຫລາຍ​ກວ່າ​ປີຜ່ານມາ​ເກືອບ 800 ລ້ານ​ປອນ, ​ເຖິງ​ວ່າ​ຕ້ອງ​ມີ​ການ​ຫັກ​ຕົ້ນທຶນ​ດຳ​ເນີນ 457 ລ້ານ​ປອນ ​ແຕ່​ການ​ເຂົ້າຮອບ​ແບ່ງ​ກຸ່ມ​ແຊມ​ປ້ຽນລີກ ຢືນຢັນ​ເງິນ​ລາງວັນ​ແລ້ວ 13,35 ລ້ານ​ປອນ, ມາ​ຈາກ​ຊະນະ​ຕໍ່​ນັດ​ຈະ​ໄດ້ 2,36 ລ້ານ​ປອນ ​ແລະ 8 ​ແສນ​ປອນ ສຳລັບ​ຜົນ​ສະ​ເໝີ.

ສ່ວນ​ຖ້ວຍ​ຢູ​ໂຣປາ ລີກ ຈະ​ໄດ້​ສ່ວນ​ແບ່ງ​ລວມ 490 ລ້ານ​ປອນ ​ເພີ່ມ​ຂຶ້ນຈາກ 350 ລ້ານ​ປອນ ​ໃນ​ລະດູ​ການ​ຜ່ານ​ມາ. ຂະນະ​ທີ່ ຣີລ ມາດຣິດ ​ແລະ ​ແອດ​ຕິ​ໂກ ມາດຣິດ ຈະ​ໄດ້​ທີ​ມລະ 3,06 ລ້ານ​ປອນ ​ໃນ​ການ​ລົງ​ຫລິ້ນຖ້ວຍ​ຊູ​ເປີ ຄັບ ທີ​ມທີ່​ຊະນະ​ໄດ້​ພິ​ເສດ​ອີກ 870.000 ປອນ.

- Wave100S AD to Website 2020 0 - ຢູຟາ ເພີ່ມເງິນລາງວັນຖ້ວຍເອີຣົບລະດູການໜ້າ
- WhatsApp Image 2020 05 27 at 5 - ຢູຟາ ເພີ່ມເງິນລາງວັນຖ້ວຍເອີຣົບລະດູການໜ້າ
- WhatsApp Image 2020 05 27 at 5 - ຢູຟາ ເພີ່ມເງິນລາງວັນຖ້ວຍເອີຣົບລະດູການໜ້າ
error: Alert: ເນື້ອຫາຂ່າວມີລິຂະສິດ !!