11 ນັກກິລາດອກປີກໄກ່ເຍົາວະຊົນທີມຊາດລາວ ກຽມເຂົ້າຮ່ວມງານກິລານັກຮຽນອາຊຽນ ຄັ້ງທີ 10

- 34537593 1183705798438750 6153028203322540032 n - 11 ນັກກິລາດອກປີກໄກ່ເຍົາວະຊົນທີມຊາດລາວ ກຽມເຂົ້າຮ່ວມງານກິລານັກຮຽນອາຊຽນ ຄັ້ງທີ 10
- Untitled design - 11 ນັກກິລາດອກປີກໄກ່ເຍົາວະຊົນທີມຊາດລາວ ກຽມເຂົ້າຮ່ວມງານກິລານັກຮຽນອາຊຽນ ຄັ້ງທີ 10

ສະ​ຫະ​ພັນ​ດອກ​ປີກ​ໄກ່ແຫ່ງ​ຊາດ​ລາວ ຄັດ​ເລືອກ​ໄດ້​ແລ້ວນັກກິລາດອ​ກ​ປີກ​ໄກ່ເຍົາວະຊົນທີມຊາດລາວ ຈໍານວນ 11 ຄົນທີ່​ດີ​ເດັ່ນ​ ແລະ ມີ​ອັນ​ດັບ​ດີ​ທີ່​ສຸດ​ໃນ​ການ​ຈັດ​ອັນ​ດັບ​ຂອງ​ກິລາ​ດອກ​ປີ​ກ​ໄກ່​ລາວ ເຂົ້າ​ເກັບ​ຕົວຝຶກ​ຊ້ອ​ມ​ຢ່າງ​ເຕັມ​ຊຸດ ກຽມພ້ອມ​ເຂົ້າ​ຮ່ວມງານກິລານັກຮຽນອາຊຽນ ຄັ້ງທີ 10 ທີ່ປະເທດມາເລເຊຍ ໃນ​ກາງ​ເດືອນກໍ​ລະ​ກົດ 2018 ​ນີ້.

ຕາມ​ການ​ເປີດ​ເຜີຍ​ຂ​ອງທ່າ​ນ ບຸນ​ຍະ​ແສງ ນະ​ຊຽງ​ຄຳ ຄູ​ຝືກ​ຂອງ​ທັບ​ນັກ​ກິລາ​ດອກ​ປີ​ກ​ໄກ່​ເຍົາ​ວະ​ຊົນ​ລາວ ໃຫ້​ຊາບ​ວ່າ: ໃນ​ເບື້ອງ​ຕົ້ນ​ໄດ້​ມີ​ການ​ຄັດ​ເລືອກ​ນັກ​ກິລາ​ດອກ​ປີ​ກ​ໄກ່​ເຍົາ​ວະ​ຊົນ ເພື່ອ​ກະ​ກຽມ​ເຂົ້າ​ຮ່ວມງານ​ກິລາ​ນັກ​ຮຽນ ຄັ້ງ​ທີ 10 ທີ່​ປະ​ເທດ​ມາ​ເລ​ເຊຍ ໃນ​ເດືອນ​ກໍ​ລະ​ກົດ​ນີ້ ແມ່ນ​ສາ​ມາດ​ຄັດ​ໄດ້ 20 ຄົນ​ ນັບ​ແຕ່​ເດືອນ​ກຸມ​ພາ​ຜ່ານ​ມາ​ ແລະ ຫລັງ​ຈາກ​ປີ​ໃໝ່​ລາວຜ່ານມາ ຈິ່ງ​ຄັດ​ເລືອກ​ເອົາ 11 ນັກ​ກິລາ​ທີ່​ດີ​ທີ່​ສຸດ ແລະ ນອນຢູ່​ໃນ 11 ອັນ​ດັບ​ທຳ​ອິດ​ຂອງ​ຕາ​ຕະ​ລາງ​ສະ​ສົມ​ຄະ​ແນນ​​ລວມ ຈັດ​ອັນ​ດັບ​ໃນ​ປະ​ເທດ​ລາວ, ໃນ​ນັ້ນ ​ເປັນ​ຊາຍ 7 ຄົນ​ ແລະ ຍິງ 4 ຄົນ ກຽມ​ເຂົ້າ​ຮ່ວມ​ລາຍ​ການ​ດັ່ງກ່າວ.​ ສຳ​ລັບນັກກິລາດອກ​ປີ​ກ​ໄກ່​ທີມ​ຊາດ​ລາວ 11 ຄົນ ຈະ​ເຂົ້າຮ່ວມ​ຊີງ​ໄຊ​ທັງ​ປະ​ເພດ​ຊາຍ​ດ່ຽວ, ຍິງ​ດ່ຽວ, ຄູ່ ແລະ ປະ​ເພດ​ທີມ ​ປະ​ກອບ​ມີ​ດັ່ງ​ນີ້: ທ້າວ ເກດຕິຍະ ເເກ້ວໄຊ, ທ້າວ ບຸນປະເສີດ ວັນທານຸວົງ, ທ້າວ ວິລະບັນດິດ ສີສົມເດດ, ທ້າວ ນັດທະວຸດ ສີປະເສີດ, ທ້າວ ທະນາຫວັດ ສຸກທະວົງ, ທ້າວ ພອນສັກ ໂຊກທະວີ, ທ້າວ ມັງກອນ ໄຊໂກສີ, ນາງ ມີ່ມີ່ ສີຊົມຊື່ນ, ນາງ ທິດສະກີ ສອນດາວົງ, ນາງ ວິລະກອນ ກົມມະນີວັນ ແລະ ນາງ ພຸດສະຫວັນ ດາວປະສິດ.

ສ່ວນ​ການ​ແຂ່ງ​ຂັນ​ກິລາ​ອາ​ຊຽນ ຄັ້ງ​ທີ 10 ທີ່​ມາ​ເລ​ເຊຍ ຈະ​ຈັດ​ການ​ແຂ່ງ​ຂັນ​ລະ​ຫວ່າງວັນ​ທີ 19-23 ກໍ​ລະ​ກົດ 2018 ໂດຍ​ມີ 10 ປະ​ເທດ​ແຈ້ງ​ເຈດ​ຈຳ​ນົງ​ເຂົ້າ​ຮ່ວມ​ການ​ແຂ່ງ​ຂັນ​ ປະ​ກອບ​ດ້ວຍ: ມາ​ເລ​ເຊຍ (ເຈົ້າ​ພາບ), ບ​ຣູ​ໄນ, ກຳ​ປູ​ເຈຍ, ອິນ​ໂດ​ເນ​ເຊຍ, ລາວ, ມຽນ​ມາ, ຟິ​ລິບ​ປິນ, ສິງ​ກິ​ໂປ, ໄທ ແລະ ຫວຽດ​ນາມ.

- Wave100S AD to Website 2020 0 - 11 ນັກກິລາດອກປີກໄກ່ເຍົາວະຊົນທີມຊາດລາວ ກຽມເຂົ້າຮ່ວມງານກິລານັກຮຽນອາຊຽນ ຄັ້ງທີ 10
- WhatsApp Image 2020 05 27 at 5 - 11 ນັກກິລາດອກປີກໄກ່ເຍົາວະຊົນທີມຊາດລາວ ກຽມເຂົ້າຮ່ວມງານກິລານັກຮຽນອາຊຽນ ຄັ້ງທີ 10
- WhatsApp Image 2020 05 27 at 5 - 11 ນັກກິລາດອກປີກໄກ່ເຍົາວະຊົນທີມຊາດລາວ ກຽມເຂົ້າຮ່ວມງານກິລານັກຮຽນອາຊຽນ ຄັ້ງທີ 10
error: Alert: ເນື້ອຫາຂ່າວມີລິຂະສິດ !!