ວຽກງານ​ສຶກສາ-ກິລາ​​ແຂວງ​ວຽງຈັນມີການພັດທະນາ​ຢ່າງ​ຕັ້ງໜ້າ

- Education vientiane province - ວຽກງານ​ສຶກສາ-ກິລາ​​ແຂວງ​ວຽງຈັນມີການພັດທະນາ​ຢ່າງ​ຕັ້ງໜ້າ
- Untitled design - ວຽກງານ​ສຶກສາ-ກິລາ​​ແຂວງ​ວຽງຈັນມີການພັດທະນາ​ຢ່າງ​ຕັ້ງໜ້າ

ໃນວັນທີ 5 ມິຖຸນານີ້, ພະແນກສຶກສາທິການ ແລະ ກິລາ (ສກຂ) ແຂວງວຽງຈັນ ໄດ້ຈັດກອງປະຊຸມຜູ້ບໍລິຫານການສຶກສາ ແລະ ກິລາປະຈຳປີ 2018, ໂດຍການເປັນປະທານຂອງທ່ານ ອິນໂຖ ວິໄລສານ ຮອງຫົວໜ້າພະແນກສຶກສາທິການ ແລະ ກິລາແຂວງ, ມີຫົວໜ້າຫ້ອງການສຶກສາທິການ ແລະ ກິລາເມືອງ 11 ເມືອງທົ່ວແຂວງເຂົ້າຮ່ວມຢ່າງພ້ອມພຽງ.
ທ່ານ ອ໊ອດ ແສງພິມ ຮອງຫົວໜ້າພະແນກສຶກສາທິການ ແລະ ກິລາ ແຂວງໄດ້ຂຶ້ນສະຫລຸບການຈັດຕັ້ງປະຕິບັດແຜນພັດທະນາການສຶກສາ ແລະ ກິລາ ແຕ່ປີ 2016-2020 ວ່າ: ໄດ້ເອົາໃຈໃສ່ວຽກງານສົ່ງເສີມການເຂົ້າເຖິງການສຶກສາຢ່າງສະເໝີພາບ ແລະ ເທົ່າທຽມ, ການປັບປຸງຄຸນນະພາບການສຶກສາ ແລະ ການປັງປຸງລະບົບການບໍລິຫານຄຸ້ມຄອງການສຶກສາເປັນວຽກບູລິມະສິດໃນການພັດທະນາການສຶກສາ ແລະ ປີ 2018 ເປັນປີທີ 3 ຂອງການຈັດຕັ້ງປະຕິບັດແຜນພັດທະນາການສຶກສາ ແລະ ກິລາ 5 ປີຄັ້ງທີ VIII (2016-2020) ໂດຍສົມທົບກັບອໍານາດການປົກຄອງຂອງທຸກພາກສ່ວນແຕ່ສູນກາງຮອດທ້ອງຖີ່ນ ແລະ ຄູ່ຮ່ວມພັດທະນາ ໄດ້ເອົາໃຈໃສ່ລົງທືນເຂົ້າໃນການພັດທະນາການສຶກສາ, ໂດຍເນັ້ນໃສ່ການຂະຫຍາຍ ແລະ ສ້ອມແປງຫ້ອງຮຽນ, ໂຮງຮຽນ, ສະໜອງອຸປະກອນຮັບໃຊ້ການຮຽນ-ການສອນ, ຝຶກອົບຮົມ ແລະ ຍົກລະດັບຄູ ລວມທັງການສ້າງຄວາມເຂັ້ມແຂງວຽກງານການບໍລິຫານ ແລະ ຄຸ້ມຄອງການສຶກສາໃຫ້ແກ່ຜູ້ບໍລິຫານການສຶກສາໃນແຕ່ລະຂັ້ນ. ປັດຈຸບັນ, ອັດຕາເຂົ້າຮຽນຂອງເດັກ 5 ປີເພີ່ມຈາກ 77,9% ເປັນ 78,3%. ໃນນັ້ນມີ 10 ເມືອງທີ່ມີອັດຕາເຂົ້າຮຽນຂອງເດັກອາຍຸ 5 ປີສູງກວ່າ 66% (ມີເມືອງເຟືອງທີ່ບັນລຸແຕ່ 43,4%), ອັດຕາຄ້າງຫ້ອງ ແລະ ປະລະຂອງນັກຮຽນ ປ1 ເພີ່ມຂື້ນຈາກ 1,0% ແລະ 3,1% ເປັນ 1,4% ແລະ 3,3% ຕາມລໍາດັບ. ອັດຕາລອດເຫລືອຮອດ ປ5 ຫລຸດລົງຈາກ 89% ເຫລືອ 86,9%. ອັດຕາເຂົ້າຮຽນ ລວມຊັ້ນມັດທະຍົມຕອນຕົ້ນເພີ່ມຂື້ນຈາກ 94,1 ເປັນ 95,5%. ອັດຕາເຂົ້າຮຽນລວມຊັ້ນມັດທະຍົມຕອນປາຍເພີ່ມຂື້ນຈາກ 64,4% ເປັນ 66,3%. ອັດຕາການປະລະການຮຽນຊັ້ນມັດທະຍົມຕອນຕົ້ນ ແລະ ຕອນປາຍ ເພີ່ມຂື້ນຈາກ 7,1% ແລະ 4,1% ເປັນ 7,7% ແລະ 8,3% ຕາມລໍາດັບ. ອັດຕາການຮູ້ໜັງສືໃຫ້ປະຊາຊົນກຸ່ມເປົ້າໝາຍອາຍຸ 15-24 ປີບັນລຸ 99,76% (ຍິງ 99,64).
ອັດຕາການຮູ້ໜັງສືໃຫ້ປະຊາຊົນກຸ່ມເປົ້າໝາຍອາຍຸ 15 ຂື້ນໄປໃຫ້ບັນລຸ 99,29% (ຍິງ 99,03%). ຄຽຄູ່ກັນນັ້ນ, ຍັງໄດ້ຊຸກຍູ້ການຮຽນ-ການສອນບໍາລຸງຍົກລະດັບການສຶກສາຊັ້ນມັດທະຍົມຕອນຕົ້ນໃຫ້ກຸ່ມເປົ້າໝາຍທີ່ມີອາຍຸແຕ່ 15-25 ປີທີ່ຈົບປະຖົມ ແລະ ທຽບເທົ່າຢູ່ໃນແຕ່ລະກຸ່ມບ້ານຕ່າງໆພາຍໃນແຂວງ ແລະ ສາມາດປະກາດຈົບຊັ້ນມັດທະຍົມສຶກສາຕອນຕົ້ນບໍາລຸງໄດ້ 8 ເມືອງທົ່ວແຂວງ.

- Wave100S AD to Website 2020 0 - ວຽກງານ​ສຶກສາ-ກິລາ​​ແຂວງ​ວຽງຈັນມີການພັດທະນາ​ຢ່າງ​ຕັ້ງໜ້າ
- WhatsApp Image 2020 05 27 at 5 - ວຽກງານ​ສຶກສາ-ກິລາ​​ແຂວງ​ວຽງຈັນມີການພັດທະນາ​ຢ່າງ​ຕັ້ງໜ້າ
- WhatsApp Image 2020 05 27 at 5 - ວຽກງານ​ສຶກສາ-ກິລາ​​ແຂວງ​ວຽງຈັນມີການພັດທະນາ​ຢ່າງ​ຕັ້ງໜ້າ
error: Alert: ເນື້ອຫາຂ່າວມີລິຂະສິດ !!