ງານ​ວາງສະ​ແດງ​ເຄື່ອງ​ເຮືອນ​ລາວຄັ້ງ​ທີ 3 ຈະ​ຈັດ​ຂຶ້ນ​ໃນ​ຕົ້ນ​ເດືອນກໍລະກົດ​ນີ້

- lao home and living fair - ງານ​ວາງສະ​ແດງ​ເຄື່ອງ​ເຮືອນ​ລາວຄັ້ງ​ທີ 3 ຈະ​ຈັດ​ຂຶ້ນ​ໃນ​ຕົ້ນ​ເດືອນກໍລະກົດ​ນີ້
- AGL banner - ງານ​ວາງສະ​ແດງ​ເຄື່ອງ​ເຮືອນ​ລາວຄັ້ງ​ທີ 3 ຈະ​ຈັດ​ຂຶ້ນ​ໃນ​ຕົ້ນ​ເດືອນກໍລະກົດ​ນີ້

ພິທີ​ຖະ​ແຫລ​ງຂ່າວການຈັດ​ງານ​ວາງສະ​ແດງ​ເຄື່ອງ​ເຮືອນ​ລາວຄັ້ງ​ທີ 3 ​ໄດ້​ຈັດ​ຂຶ້ນ​ໃນ​ວັນ​ທີ 6 ມິຖຸນານີ້ຢູ່ສະພາ​ການ​ຄ້າ ​ແລະ ອຸດສາຫະກຳ​ແຫ່ງ​ຊາດ​ລາວ, ​ໂດຍ​ທ່ານ ກອງ​ມາລາ ພົມມາ​ໄລ ຮອງ​ປະທານ​ສະມາຄົມ​ເຟີ​ນີ​ເຈີ​ລາວ ​ໃຫ້​ຮູ້​ວ່າ: ງານ​ດັ່ງກ່າວ, ຈະ​ຈັດ​ຂຶ້ນ​ໃນ​ລະຫວ່າງ​ວັນ​ທີ 7-15 ກໍລະກົດນີ້ຢູ່ສູນ​ການ​ຄ້າ​ລາວ-​ໄອ​ເຕັກນະຄອນຫລວງ​ວຽງຈັນ, ​ເພື່ອ​ເປັນ​ການຜັນຂະ​ຫາຍ​​ເນື້ອ​ໃນ​​ແຈ້ງ​ການ​ເລກທີ 15/ນຍ ​ໃຫ້​ປາກົດ​ຜົນ​ເປັນ​ຈິງ, ທັງ​​ເປັນ​ການ​ອະນຸລັກ​ຮັກສາ​ປ່າ​ໄມ້, ການ​ນຳ​ໃຊ້​ໄມ້​ໃຫ້​ເກີດ​ປະ​ໂຫຍ​ດ ​ແລະ ມີ​ໄມ້​ໄວ້​ໃຊ້​ຢ່າງຍືນ​ຍົງ, ​ໂດຍ​ການ​ປຸງ​ແຕ່ງ​ໃຫ້​ເປັນ​ຜະລິດ​ຕະພັນ​ສຳ​ເລັດ​ຮູບ​ຈາກ​ໄມ້, ຫວາຍ ​ແລະ ​ໄມ້ປ່ອງ ​ໃຫ້​ມີ​ຫລາກ​ຫລາຍ​ຜະລິດ​ຕະພັນຕາມ​ສັງຄົມ​ຕ້ອງການ ​ແລະ ດ້ວຍ​ການ​ນຳ​ໃຊ້​ເຕັກ​ໂນ​ໂລ​ຊີ​ທີ່​ທັນ​ສະ​ໄໝ ​ແລະ ທັງ​ເປັນ​ການ​ສ້າງ​ມູນ​ຄ່າ​ເພີ່ມ​ໃຫ້​ກັບ​ຜະລິດ​ຕະພັນ​ເຟີ​ນີ​ເຈີ​ໄມ້​ລາວ.

ຮອງ​ປະທານ​ສະມາຄົມ​ເຟີ​ນີ​ເຈີ​ລາວ ​ໃຫ້​ຮູ້​ວ່າ: ງານ​ວາງສະ​ແດງນີ້, ຈະ​ມີ​​ກວ່າ 100 ຫົວໜ່ວຍ​ນຳ​ເອົາສິນຄ້າ​ມາ​ວາງສະ​ແດງ ແລະ ຈໍາໜ່າຍ, ພິ​ເສດ​ຍັງ​ມີ​ຫົວໜ່ວຍທຸລະ​ກິດຈາກ​ປະ​ເທດ​ໃກ້​ຄຽງ​ເຂົ້າ​ມາ​ຮ່ວມນໍາດ້ວຍ ​ເພື່ອ​ສ້າງ​ສີສັນ ​ແລະ ​ແລກປ່ຽນບົດຮຽນ, ປະສົບ​ການ​ນຳ​ກັນ​ລະຫວ່າງກຸ່ມ​ຜະລິດ​ເຟີ​ນີ​ເຈີ​ລາວ ​ກັບປະ​ເທດ​ໃກ້​ຄຽງ ​ແລະ ທັງ​ເປັນ​ການ​ໂຄສະນາ​ໃຫ້ແກ່​ປີ​ທ່ອງ​ທ່ຽວລາວ 2018 ມີບັນຍາກາດຟົດຟື້ນ.

- Wave100S AD to Website 2020 0 - ງານ​ວາງສະ​ແດງ​ເຄື່ອງ​ເຮືອນ​ລາວຄັ້ງ​ທີ 3 ຈະ​ຈັດ​ຂຶ້ນ​ໃນ​ຕົ້ນ​ເດືອນກໍລະກົດ​ນີ້
-    AD conten website - ງານ​ວາງສະ​ແດງ​ເຄື່ອງ​ເຮືອນ​ລາວຄັ້ງ​ທີ 3 ຈະ​ຈັດ​ຂຶ້ນ​ໃນ​ຕົ້ນ​ເດືອນກໍລະກົດ​ນີ້
- lattana banner - ງານ​ວາງສະ​ແດງ​ເຄື່ອງ​ເຮືອນ​ລາວຄັ້ງ​ທີ 3 ຈະ​ຈັດ​ຂຶ້ນ​ໃນ​ຕົ້ນ​ເດືອນກໍລະກົດ​ນີ້
- lattana banner 1 - ງານ​ວາງສະ​ແດງ​ເຄື່ອງ​ເຮືອນ​ລາວຄັ້ງ​ທີ 3 ຈະ​ຈັດ​ຂຶ້ນ​ໃນ​ຕົ້ນ​ເດືອນກໍລະກົດ​ນີ້
error: Alert: ເນື້ອຫາຂ່າວມີລິຂະສິດ !!