ຄາດວ່າສະພາບອາກາດປ່ຽນແປງ ຊ່ວຍເພີ່ມພື້ນທີ່ການປູກຝັງ

- CiHZjUdJ5HPNXJ92GTMBIlIyKtfqDqABO6 - ຄາດວ່າສະພາບອາກາດປ່ຽນແປງ ຊ່ວຍເພີ່ມພື້ນທີ່ການປູກຝັງ
- AGL banner - ຄາດວ່າສະພາບອາກາດປ່ຽນແປງ ຊ່ວຍເພີ່ມພື້ນທີ່ການປູກຝັງ

ນັກວິທະຍາສາດນາໆ​ຊາດ ນຳ​ໂດຍ​ນັກວິທະຍາສາດ​ຈາກ​ວິທະຍາ​ເຂດ​ເກຣນ​ເຟລ ​ແຫ່ງ​ມະຫາວິທະຍາ​ໄລ​ກາ​ນາ​ດາ ປະ​ເທດ​ກາ​ນາ​ດາ ​ໄດ້​ລາຍ​ງານ​ລົງ​ວາລະສານ​ດ້ານ​ວິທະຍາສາດ ​ເຖິງ​ການ​ຕີ​ລາຄາ​ກ່ຽວ​ກັບ​ພື້ນ​ດິນ​ໃນ​ໂລກ​ທີ່​ໄດ້​ຮັບ​ຜົນ​ກະທົບ​ຈາກ​ການ​ປ່ຽນ​ແປງ​ສະພາບ​ອາກາດ ​ໂດຍ​ສະ​ເພາະ​ພື້ນທີ່​ກະສິກຳ​ໃນ​ເຂດ​ໜາວ ບໍລິ​ເວນ​ຕອນ​ເໜືອ​ຂອງ​ກາ​ນາ​ດາ, ຊູ​ແອດ, ນອກ​ແວ, ​ແຟງ​ລັງ, ຣັດ​ເຊຍ ​ແລະ ອາ​ເມ​ລິ​ກາ ​ເຊິ່ງອາດ​ເປັນ​​ໄປ​ໄດ້​ວ່າການ​ປ່ຽນ​ແປງ​ສະພາບ​ອາກາດ​ຈະ​ຊ່ວຍ​​ເພີ່ມ​ພື້ນທີ່​ກະສິກຳ​ຂອງ​ພາກພື້ນ​ເຫລົ່າ​ນີ້​ໄດ້​ເຖິງ 44% ພາຍ​ໃນ​ສະຕະວັດ​ນີ້.

ຈາກ​ການ​ໃຊ້​ແບບ​ຈຳລອງ​ສະພາບ​ອາກາດ​ທົ່ວ​ໂລກ, ທີ​ມນັກວິທະຍາສາດ​ສາ​ມາດ​ຄາດ​ຄະ​ເນ​ລະດັບ​ຄວາມ​ເຕີບ​ໃຫຍ່​ໃນ​ວັນ​ຕໍ່​ໄປ ລວມທັງ​ການ​ປ່ຽນ​ແປງ​ຂອງ​ປະລິມານ​ນ້ຳຝົນ​ໄດ້​ໃນ​ອະນາຄົດ ​ໂດຍ​ເຊື່ອ​ວ່າ​ປະມານ​ປີ 2099 ພື້ນທີ່​ທາງ​ຕອນ​ເໜືອ 76% ຈະ​ບັນລຸ​ເງື່ອນ​ໄຂ​ທີ່​ເໝາະ​ສົມ​ທາງ​ດ້ານ​ກະສິກຳ​ໄດ້ ​ເພາະ​ປັດຈຸບັນ​ມີ​ພຽງ 32% ຂອງ​ພື້ນທີ່​ເຂດ​ເໜືອ​ເທົ່າ​ນັ້ນທີ່​ຕ້ອງ​ໃຊ້​ອຸນຫະພູມ​ສະ​ສົມ (growing degree days) ​ເຊິ່ງ​ເປັນ​ວິທີ​ນັບ​ຄ່າ​ອຸນຫະພູມ​ສະ​ເລ່ຍລາຍ​ວັນ ມາ​ເຊື່ອມ​ໂຍງ ​ແລະ ຄາດໝາຍ​ເຖິງ​ການຈະ​ເລີ​ນ​ເຕີບ​ໃຫຍ່​ຂອງ​ພືດ​ເຊັ່ນ: ຄວາມ​ຕ້ອງການ​ປະລິມານ​ນ້ຳຝົນ​ສຳລັບ​ພັນ​ຍາ​ພືດ​ຂະໜາດ​ນ້ອຍ​ເຊັ່ນ: ​ເຂົ້າ​ບາ​ເລ, ​ແຕ່​​ໃນ​ທາງ​ກົງກັນຂ້າມ ນັກວິທະຍາສາດ​ກຸ່ມ​ດັ່ງກ່າວ​ໄດ້​ເຕືອນ​ວ່າ: ທ່າ​ອ່ຽງສະພາບ​ອາກາດ​ດຽວ​ກັນ ອາດ​ເພີ່ມ​ພື້ນທີ່​ເໝາະ​ສົມ​ຕໍ່​ການຈະ​ເລີ​ນ​ເຕີບ​ໃຫຍ່​ຂອງ​ພືດ​ໃນ​ເຂດ​ໜາວ ​ແຕ່​ອາດ​ເຮັດ​ໃຫ້​ຄວາມ​ສົມ​ດູ​ນຂອງ​ນ້ຳ​ໃນ​ອາກາດ​ໂລກ​ປ່ຽນ​ແປງ​ເຊັ່ນ​ກັນ ​ແລະ ຈະ​ສົ່ງ​ຜົນ​ເສຍ​ຕໍ່​ເນື້ອທີ່​ກະສິກຳ​ໃນ​ສ່ວນ​ທີ່​ເຫລືອ​ຂອງ​ໂລກ.

- Wave100S AD to Website 2020 0 - ຄາດວ່າສະພາບອາກາດປ່ຽນແປງ ຊ່ວຍເພີ່ມພື້ນທີ່ການປູກຝັງ
- lattana banner - ຄາດວ່າສະພາບອາກາດປ່ຽນແປງ ຊ່ວຍເພີ່ມພື້ນທີ່ການປູກຝັງ
- lattana banner 1 - ຄາດວ່າສະພາບອາກາດປ່ຽນແປງ ຊ່ວຍເພີ່ມພື້ນທີ່ການປູກຝັງ
-    AD conten website - ຄາດວ່າສະພາບອາກາດປ່ຽນແປງ ຊ່ວຍເພີ່ມພື້ນທີ່ການປູກຝັງ
error: Alert: ເນື້ອຫາຂ່າວມີລິຂະສິດ !!