ນັກເຕະເຍົາວະຊົນລາວເດີນທາງເຂົ້າຮ່ວມກິດຈະກໍາ ເພື່ອມິດຕະພາບທີ່ລັດເຊຍ ກ່ອນເປີດບານໂລກ 2018
June 7, 2018 - 5:01 PM
ໃນວັນທີ 7 ມິຖຸນານີ້, ທ້າວ ທະວິສິນ ພິຈິດ ແລະ ທ້າວ ພິສິດໄຊ ວົງຄໍາສີ ຈາກສະໂມສອນ ລ໋ອບ ສະເຕດ້ຽມ ຕົວແທນເຍົາວະຊົນຈາກ ສປປ ລາວ ຊຸດທຳອິດ ໄດ້ເດີນທາງເຂົ້າຮ່ວມກິດຈະກຳບານເຕະເພື່ອມິດຕະພາບ Football for Friendship (F4F) ຄັ້ງທີ 6 ທີ່ນະຄອນຫລວງມົດສະກູ ປະເທດຣັດເຊຍ ໃນວັນທີ 8-15 ມິຖຸນານີ້.
ສຳລັບງານນີ້ຈັດຂຶ້ນໂດຍ ກາຊປຣ໋ອມ (Grazprom) ບໍລິສັດດ້ານການຄ້າກາສຊື່ດັງຂອງລັດເຊຍ ແລະ ສະຫະພັນບານເຕະນາໆຊາດ ຫລື FIFA ມີເປົ້າໝາຍເພື່ອໃຫ້ນັກເຕະເຍົາວະຊົນທີ່ເປັນຕົວແທນຈາກຊາດສະມາຊິກຂອງ ຟີຟາ 211 ປະເທດ ໄດ້ແລກປ່ຽນວັດທະນະທຳ, ຝຶກທັກສະຊີວິດ, ຮູ້ຈັກອົດທົນ, ສາມັກຄີ ແລະ ຮັກການອອກກຳລັງກາຍເພື່ອສຸຂະພາບ.
