ກະຊວງການຕ່າງປະເທດສະຫຼຸບວຽກງານຈັດຕັ້ງ, ກໍ່ສ້າງພັກ-ພະນັກງານ

- ministry of foreign affair - ກະຊວງການຕ່າງປະເທດສະຫຼຸບວຽກງານຈັດຕັ້ງ, ກໍ່ສ້າງພັກ-ພະນັກງານ
- AGL banner - ກະຊວງການຕ່າງປະເທດສະຫຼຸບວຽກງານຈັດຕັ້ງ, ກໍ່ສ້າງພັກ-ພະນັກງານ

ໃນວັນທີ 7-8 ມິຖຸນານີ້, ກະຊວງການຕ່າງປະເທດໄດ້ຈັດກອງປະຊຸມສະຫລຸບວຽກງານຈັດຕັ້ງ, ກໍ່ສ້າງພັກ-ພະນັກງານປະຈຳປີ 2017 ແລະ ເຜີຍແຜ່ນິຕິກໍາຂອງພັກ ແລະ ລັດຈໍານວນໜຶ່ງ, ໂດຍການເປັນປະທານຂອງທ່ານ ສະເຫລີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ແລະ ໄດ້ຍົກໃຫ້ເຫັນວ່າ: ກອງປະຊຸມຄັ້ງນີ້ ແມ່ນມີຄວາມໝາຍສຳຄັນຍິ່ງໃຫ້ແກ່ການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ X ຂອງພັກ, ມະຕິກອງປະຊຸມວຽກງານຈັດຕັ້ງ-ພະນັກງານທົ່ວປະເທດ ຄັ້ງທີ X, ມະຕິກອງປະຊຸມໃຫຍ່ຂອງອົງຄະນະພັກກະຊວງການຕ່າງປະເທດ ຄັ້ງທີ III, ນັບທັງມະຕິກອງປະຊຸມວຽກງານການຕ່າງປະເທດ ຄັ້ງທີ XIII ກ່ຽວກັບວຽກງານພະນັກງານ.        ກອງປະຊຸມ, ໄດ້ຮັບຟັງລາຍງານບົດສະຫລຸລວຽກງານຈັດຕັ້ງ, ກໍ່ສ້າງພັກ-ພະນັກງານ ປະຈຳປີ 2017, ພ້ອມທັງທົບທວນຄືນຜົນງານຕ່າງໆທີ່ຍາດມາໄດ້, ສັງເກດຕີລາຄາຈຸດດີ, ຈຸດອ່ອນ, ຂໍ້ຄົງຄ້າງ, ຖອດຖອນບົດຮຽນໃນການຈັດຕັ້ງປະຕິບັດຕະຫລອດໄລຍະ 1 ປີຜ່ານມາ ແລະ ກຳນົດທິດທາງແຜນການໃນປີ 2018. ໃນໄລຍະ 1 ປີຜ່ານມາ, ອົງຄະນະພັກກະຊວງການຕ່າງປະເທດ ໄດ້ຈັດຕັ້ງຜັນຂະຫຍາຍເນື້ອໃນຈິດໃຈ ມະຕິກອງປະຊຸມວຽກງານຈັດຕັ້ງທົ່ວປະເທດ ຄັ້ງທີ X ເຂົ້າໃນຂະແໜງການຂອງຕົນ ແລະ ໄດ້ຮັບຜົນສຳເລັດເປັນກ້າວໆມາ, ຊຶ່ງສະເເດງອອກໃນການສ້າງໜ່ວຍພັກແຂງຮູ້ນຳພາຮອບດ້ານໄດ້ຈຳນວນ 4 ໜ່ວຍພັກໃນປີ 2017. ບັນດາໜ່ວຍພັກ, ສະມາຊິກພັກ, ພະນັກງານ-ລັດຖະກອນ ແມ່ນມີຄວາມໜັກແໜ້ນດ້ານຄຸນທາດການເມືອງ, ຄຸນສົມບັດສິນທຳປະຕິວັດ, ເຊື່ອໝັ້ນຕໍ່ແນວທາງນະໂຍບາຍຂອງພັກ-ລັດ ແລະ ເປັນຫລັກແຫລ່ງໃນຂະບວນການວຽກງານຕົວຈິງ, ຊຶ່ງສາມາດຕອບສະໜອງດ້ານໜ້າທີ່ການເມືອງໃຫ້ແກ່ພັກ-ລັດໄດ້ເປັນຢ່າງດີ.

ໃນໂອກາດນີ້, ທ່ານລັດຖະມົນຕີກະຊວງການຕ່າງປະເທດ ຍັງໄດ້ເຜີຍແຜ່ເຊື່ອມຊຶມເນື້ອໃນນິຕິກຳ ຈຳນວນ 4 ສະບັບຄື: ຄຳສັ່ງວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ. ມະຕິວ່າດ້ວຍມາດຕະຖານຂອງພະນັກງານນຳພາ-ຄຸ້ມຄອງ. ມະຕິວ່າດ້ວຍການຄຸ້ມຄອງພະນັກງານ ແລະ ມະຕິວ່າດ້ວຍ ວຽກງານສ້າງແຜນກຳນົດພະນັກງານນຳພາ-ຄຸ້ມຄອງແຕ່ລະຂັ້ນ.

- Wave100S AD to Website 2020 0 - ກະຊວງການຕ່າງປະເທດສະຫຼຸບວຽກງານຈັດຕັ້ງ, ກໍ່ສ້າງພັກ-ພະນັກງານ
- lattana banner - ກະຊວງການຕ່າງປະເທດສະຫຼຸບວຽກງານຈັດຕັ້ງ, ກໍ່ສ້າງພັກ-ພະນັກງານ
- lattana banner 1 - ກະຊວງການຕ່າງປະເທດສະຫຼຸບວຽກງານຈັດຕັ້ງ, ກໍ່ສ້າງພັກ-ພະນັກງານ
-    AD conten website - ກະຊວງການຕ່າງປະເທດສະຫຼຸບວຽກງານຈັດຕັ້ງ, ກໍ່ສ້າງພັກ-ພະນັກງານ
error: Alert: ເນື້ອຫາຂ່າວມີລິຂະສິດ !!