ນາຍົກລັດຖະມົນຕີ ທອງລຸນ ສີສຸລິດ ຈະເຂົ້າຮ່ວມກອງປະຊຸມສາກົນກ່ຽວກັບອະນາຄົດຂອງອາຊີຄັ້ງທີ 24 ທີ່ໂຕກຽວ

- Untitled design - ນາຍົກລັດຖະມົນຕີ ທອງລຸນ ສີສຸລິດ ຈະເຂົ້າຮ່ວມກອງປະຊຸມສາກົນກ່ຽວກັບອະນາຄົດຂອງອາຊີຄັ້ງທີ 24 ທີ່ໂຕກຽວ

ກະຊວງການຕ່າງປະເທດ ລາຍງານວ່າ: ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ, ພ້ອມຄະນະ ຈະເຂົ້າຮ່ວມກອງປະຊຸມສາກົນກ່ຽວກັບອະນາຄົດຂອງອາຊີຄັ້ງທີ 24 ຕາມການເຊື້ອເຊີນຂອງສໍານັກໜັງສືພິມເສດຖະກິດຍີ່ປຸ່ນ ຫລື ນິກເກ (NIKKEI) ໃນວັນທີ 11-12 ມິຖຸນານີ້, ທີ່ໂຕກຽວປະເທດຍີ່ປຸ່ນ.

ກອງປະຊຸມຄັ້ງນີ້, ມີຫົວຂໍ້ວ່າ: “ສືບຕໍ່ເປີດກ້ວາງອາຊີ-ຈະເຮັດແນວໃດເພື່ອບັນລຸຄວາມວັດທະນາຖາວອນ ແລະ ມີສະຖຽນລະພາບ” (Keeping Asia Open – How to Achieve Prosperity and Stability), ຊຶ່ງທ່ານນາຍົກລັດຖະມົນຕີ ຈະໃຫ້ກຽດຂຶ້ນກ່າວບົດປາໄສຕໍ່ຫົວຂໍ້ດັ່ງກ່າວ ແລະ ຈະໃຫ້ສຳພາດຂ່າວທີ່ປິ່ນອ້ອມວຽກງານການພັດທະນາເສດຖະກິດ-ສັງຄົມຂອງ ສປປ ລາວ ແລະ ທັດສະນະຕໍ່ການເຊື່ອມໂຍງເສດຖະກິດພາກພື້ນ ແລະ ສາກົນ ໃນປັດຈຸບັນ.

ໃນໂອກາດເຄື່ອນໄຫວຢູ່ປະເທດຍີ່ປຸ່ນຄັ້ງນີ້, ທ່ານນາຍົກລັດຖະມົນຕີ ທອງລຸນ ສີສຸລິດ ຈະພົບປະສອງຝ່າຍກັບທ່ານ ຊິນໂຊ ອາເບະ ນາຍົກລັດຖະມົນຕີ ຍີ່ປຸ່ນ ແລະ ຮັບການເຂົ້າຢ້ຽມຂ່ຳນັບຂອງບັນດາການນຳທີ່ຈະເຂົ້າຮ່ວມກອງປະຊຸມໃນຄັ້ງນີ້ ແລະ ບັນດາອົງການ/ສະມາຄົມທີ່ສຳຄັນຂອງປະເທດຍີ່ປຸ່ນອີກດ້ວຍ.

- Wave100S AD to Website 2020 0 - ນາຍົກລັດຖະມົນຕີ ທອງລຸນ ສີສຸລິດ ຈະເຂົ້າຮ່ວມກອງປະຊຸມສາກົນກ່ຽວກັບອະນາຄົດຂອງອາຊີຄັ້ງທີ 24 ທີ່ໂຕກຽວ

ກອງປະຊຸມດັ່ງກ່າວ, ແມ່ນຈັດຂຶ້ນທຸກໆປີນັບແຕ່ປີ 1995 ເປັນຕົ້ນມາ, ໂດຍສຳນັກໜັງສືພິມນິກເກຂອງຍີ່ປຸ່ນ, ເຊິ່ງໄດ້ເຊື້ອເຊີນບັນດາຜູ້ນຳ, ຜູ້ບໍລິຫານຂັ້ນສູງຂອງພາກລັດ ແລະ ເອກະຊົນ ລວມທັງອະດີດການນຳ, ຜູ້ຊົງຄຸນນະວຸດທິ, ປະທານອົງການ ແລະ ສະຖາບັນພາກພື້ນ ແລະ ສາກົນ ໃນທົ່ວພາກພື້ນອາຊີ ເຂົ້າຮ່ວມ, ເພື່ອລະດົມແນວຄວາມຄິດ ແລະ ມີຂໍ້ສະເໜີແນະໃໝ່ໆ ທີ່ສ້າງສັນ ແນໃສ່ສືບຕໍ່ພັດທະນາພາກພື້ນອາຊີໃຫ້ມີຄວາມເຂັ້ມແຂງ ແລະ ຍືນຍົງ, ຊຶ່ງທ່ານນາຍົກລັດຖະມົນຕີ ທອງລຸນ ສີສຸລິດ ກໍໄດ້ເຂົ້າຮ່ວມກອງປະຊຸມດັ່ງກ່າວ ໃນປີ 2017 ຜ່ານມາ.

- WhatsApp Image 2020 05 27 at 5 - ນາຍົກລັດຖະມົນຕີ ທອງລຸນ ສີສຸລິດ ຈະເຂົ້າຮ່ວມກອງປະຊຸມສາກົນກ່ຽວກັບອະນາຄົດຂອງອາຊີຄັ້ງທີ 24 ທີ່ໂຕກຽວ
- WhatsApp Image 2020 05 27 at 5 - ນາຍົກລັດຖະມົນຕີ ທອງລຸນ ສີສຸລິດ ຈະເຂົ້າຮ່ວມກອງປະຊຸມສາກົນກ່ຽວກັບອະນາຄົດຂອງອາຊີຄັ້ງທີ 24 ທີ່ໂຕກຽວ
error: Alert: ເນື້ອຫາຂ່າວມີລິຂະສິດ !!