ສສຊ ເປັນຫ່ວງຫລາຍບັນຫາຕໍ່ການພັດທະນາປະເທດ

- members - ສສຊ ເປັນຫ່ວງຫລາຍບັນຫາຕໍ່ການພັດທະນາປະເທດ
- Untitled design - ສສຊ ເປັນຫ່ວງຫລາຍບັນຫາຕໍ່ການພັດທະນາປະເທດ

ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດຊຸດທີ VIII ທີ່ພວມດໍາເນີນໃນປັດຈຸບັນນີ້, ຊຶ່ງເປັນວາລະການປະກອບຄໍາເຫັນຂອງສະມາຊິກສະພາແຫ່ງຊາດ (ສສຊ) ຕໍ່ບົດລາຍງານຂອງລັດຖະບານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມໃນໄລຍະຜ່ານມາ, ຊຶ່ງ ສສຊ ຫລາຍທ່ານຍັງສະແດງຄວາມເປັນຫ່ວງຫລາຍຕໍ່ສະພາບການຜະລິດຂອງປະຊາຊົນທີ່ຍັງຂາດຕະຫລາດຈໍາໜ່າຍທີ່ໝັ້ນຄົງ, ການສົ່ງເສີມການລົງທຶນທີ່ຍັງມີອຸປະສັກຫຍຸ້ງຍາກ ແລະ ບໍ່ໄດ້ເຕັມເມັດເຕັມໜ່ວຍ ລວມເຖິງການຊຸກຍູ້ການທ່ອງທ່ຽວທີ່ຍັງບໍ່ທັນເປັນຂະບວນຟົດຟື້ນເທົ່າທີ່ຄວນ. ດັ່ງທ່ານ ສາຍທອງ ແກ້ວດວງດີ ສສຊ ເຂດ 1 ນະຄອນຫລວງວຽງຈັນ, ທັງເປັນປະທານກຳມາທິການກົດໝາຍ ສະພາແຫ່ງຊາດ ໄດ້ມີຄໍາເຫັນວ່າ: ເຖິງວ່າ, ລັດຖະບານໄດ້ມີນະໂຍບາຍ 3 ເປີດ ເພື່ອໃຫ້ນັກທຸລະກິດທັງພາຍໃນ ແລະ ຕ່າງປະເທດໄດ້ຈົດທະບຽນລົງທຶນຢູ່ປະເທດເຮົາກວ່າ 4 ພັນຫົວໜ່ວຍ, ແຕ່ຈະເຮັດແນວໃດໃນເມື່ອເປີດໃຫ້ນັກທຸລະກິດເຂົ້າມາແລ້ວຕ້ອງບໍ່ໃຫ້ເຂົາຍ້າຍຖານການຜະລິດໄປລົງ ທຶນຢູ່ປະເທດອື່ນ ແລະ ອີກບັນຫາໜຶ່ງແມ່ນໃນໄລຍະຜ່ານມາ, ລັດຖະບານໄດ້ສົ່ງເສີມທຸລະກິດຂະໜາດນ້ອຍ ແລະ ກາງ (SME) ໂດຍແມ່ນທະນາຄານໄດ້ປ່ອຍກູ້ໄປແລ້ວຫລາຍກວ່າ 9 ພັນຕື້ກີບ, ແຕ່ໃນການປ່ອຍກູ້ນັ້ນສ່ວນຫລາຍແມ່ນທຸລະກິດປະເພດບໍລິການ, ສ່ວນທຸລະກິດປະເພດກະສິກຳຍັງມີໜ້ອຍ, ພ້ອມທັງສະເໜີໃຫ້ລັດຖະບານຄົ້ນຄວ້າຫັນເອົາວິສາຫະກິດ ຫລື ທຸລະກິດດ້ານກະສິກຳໃຫ້ໄປຕິດພັນກັບການພັດທະນາຊົນນະບົດ, ເນື່ອງຈາກນັກທຸລະກິດທີ່ລົງທຶນນັ້ນ, ສາມາດໍາເນີນກິດຈະການໄປພ້ອມໆກັບການພັດທະນາຊົນນະບົດ.   ນອກນີ້, ທ່ານ ສາຍທອງ ແກ້ວດວງດີ ຍັງສະເໜີໃຫ້ລັດຖະບານລົງທຶນໃສ່ການທ່ອງທ່ຽວຫລາຍຂຶ້ນ, ເນື່ອງຈາກວ່າຂະແໜງດັ່ງກ່າວຈະກາຍເປັນເສົາຄ້ຳເສດຖະກິດທີ່ຍືນຍົງຂອງປະເທດໃນອະນາຄົດ.

ທ່ານ ທອງດີ ຈັນທະວົງ ສສຊ ເຂດ 14 ແຂວງສາລະວັນ ໄດ້ສະເໜີໃຫ້ລັດຖະບານ ມີມາດຕະການປ້ອງກັນການນຳເຂົ້າສິນຄ້າບໍ່ມີຄຸນນະພາບ ແລະ ສິນຄ້າຮຽນແບບຜິດລະບຽບກົດໝາຍ, ພ້ອມສະເໜີໃຫ້ລັດລົງທຶນໃສ່ຂະແໜງກະສິກຳຫລາຍຂຶ້ນ, ໂດຍສົ່ງເສີມໃຫ້ເອກະຊົນລົງທຶນສ້າງຕັ້ງໂຮງງານປຸງແຕ່ງ ຜະລິດຕະພັນກະສິກຳ ເພື່ອເປັນຕະຫລາດຮອງຮັບຜົນຜະລິດຂອງຊາວກະສິກອນ. ຂະນະທີ່ທ່ານນາງ ບົວພັນ ລີໄກຢາ ສະເໜີໃຫ້ລັດຖະບານລົງທຶນໃສ່ໂຄງລ່າງພື້ນຖານ, ສາທາລະນຸປະໂພກ ໃນເຂດຊົນນະບົດ ລວມທັງລົງທຶນໃສ່ ການສ້າງຕັ້ງໂຮງງານປຸງແຕ່ງກະສິກຳ ເພື່ອເປັນຕະຫຼາດຮອງຮັບຜົນຜະລິດຂອງປະຊາຊົນ ເນື່ອງຈາກຜ່ານມາ, ຕະຫລາດຮອງຮັບຜະລິດຕະພັນກະສິກຳຂອງປະຊາຊົນຍັງບໍ່ມີແນ່ນອນ.

- Wave100S AD to Website 2020 0 - ສສຊ ເປັນຫ່ວງຫລາຍບັນຫາຕໍ່ການພັດທະນາປະເທດ
- WhatsApp Image 2020 05 27 at 5 - ສສຊ ເປັນຫ່ວງຫລາຍບັນຫາຕໍ່ການພັດທະນາປະເທດ
- WhatsApp Image 2020 05 27 at 5 - ສສຊ ເປັນຫ່ວງຫລາຍບັນຫາຕໍ່ການພັດທະນາປະເທດ
error: Alert: ເນື້ອຫາຂ່າວມີລິຂະສິດ !!