ວິຊາຂຽນໂປຣແກຣມຖືກບັນຈຸ ໃນຫລັກສູດການຮຽນໄທແລ້ວ

- Untitled 1 copy 2 - ວິຊາຂຽນໂປຣແກຣມຖືກບັນຈຸ ໃນຫລັກສູດການຮຽນໄທແລ້ວ
- AGL banner - ວິຊາຂຽນໂປຣແກຣມຖືກບັນຈຸ ໃນຫລັກສູດການຮຽນໄທແລ້ວ

​ເມື່ອ​ມໍ່ໆ​ມາ​ນີ້ ມີ​ຂ່າວ​ວ່າ​ເດັກ​ນັກຮຽນ​ໄທ​ຈະ​ຕ້ອງ​ເລີ່​ມຮຽນ​ຂຽນ​ໂປຣ​ແກຣມ​ເປັນ​ການ​ສຶກສາ​ພາກ​ບັງຄັບ​ກັນ​ແລ້ວ. ຫລາຍໆ​ຄົນ​ຟັງ​ແລ້ວ​ອາດ​ຈະ​ຍັງ​ບໍ່​ເຊື່ອ ​ແຕ່​ນີ້​ເປັນ​ເລື່ອງ​ທີ່​ກຳລັງ​ຈະ​ເກີດ​ຂຶ້ນ ​ແລະ ​ເກີດ​ໃນ​ຕ່າງປະ​ເທດ​ມາ​ແລ້ວ.

​ເລື່ອງ​ນີ້​ເປັນ​ມາ​ແນວ​ໃດ ມື້ນີ້​ພວກ​ເຮົາ​ຈະ​ເລົ່າ​ໃຫ້​ຟັງ: ຢ້ອນ​ກັບ​ໄປ​ເມື່ອ​ປະມານ 15 ປີ​ກ່ອນ ຖ້າ​ໃຜ​ຍັງ​ຈື່​ໄດ້ ​ໄທ​ຈະ​ມີ​ວິຊາ ສປຊ, ກພອ ​ແລະ ສລນ ທັງ 3 ວິຊາ​ນີ້​ຈະ​ຄວບ​ຄຸມ​ທັງ ວິທະຍາສາດ, ສັງຄົມ ​ແລະ ທັກ​ສະພື້ນຖານ ທີ່​ໃຊ້​ໃນ​ການ​ດຳ​​ເນີນ​ຊີວິດ, ​ແຕ່​ຕໍ່​ມາ​ບໍ່​ດົນ​ວິຊາ​ເຫລົ່າ​ນີ້​ຖືກ​ຍົກ​ເລີກ​ໄປ ພ້ອມ​ປ່ຽນ​ເປັນ​ວິຊາ​ສັງຄົມ, ວິທະຍາສາດ ​ແລະ ອື່ນໆ ​ເຂົ້າມາ​ແທນ.

​ເປັນ​ຫຍັງຕ້ອງ​ມີ​ການ​ປ່ຽນ​ຫລັກສູດ ? ຖ້າ​ລອງ​ເບິ່ງ​ໄປ​ອ້ອມ​ຕົວ ຈະ​ເຫັນ​ວ່າ​ຫລາຍ​ປີຜ່ານມາ​ນີ້ ​ເຕັກ​ໂນ​ໂລ​ຊີ​ທົ່ວ​ໂລກ​ມີ​ການ​ພັດທະນາ​ຢ່າງ​ກ້າວ​ກະ​ໂດດ ບໍ່​ວ່າ​ຈະ​ເປັນ​ອິນ​ເຕີ​ເນັດ, ສະມາດ​ໂຟນ, ສື່​ສັງຄົມ​ອອນ​ລາຍ. ວິຊາ​ກ່ຽວ​ກັບ​ເຕັກ​ໂນ​ໂລ​ຊີ​ຈຶ່ງ​ມີ​ຄວາມ​ສຳຄັນ​ກວ່າ​ໃນ​ສະ​ໄໝ​ກ່ອນ ຫລັກສູດ​ຈຶ່ງ​ຈຳ​ເປັນ​ຕ້ອງ​ປ່ຽນ​ແປງ​ຕາມ ​ເພື່ອ​ໃຫ້​ທັນ​ກັບ​ເລື່ອງ​ເຫລົ່ານີ້​ສະ​ເໝີ. ​ເທື່ອ​ນີ້​ກໍ​ເຊັ່ນ​ກັນ ​ເມື່ອ​ເບິ່ງ​ໄປ​ອີກ 20 ປີຕໍ່ໜ້າ ຖ້າ​ຖາມ​ວ່າ​ແມ່ນ​ຫຍັງ​ກຳລັງ​ເປັນ​ເມ​ກະ​ເທຣນຂອງ​ໂລກ, ຄຳ​ຕອບ​ອາດ​ຈະ​ເປັນ​ສິ່ງ​ທີ່​ເຮົາ​ຮູ້​ດີ Artificial Intelligence ຫລື ປັນຍາ​ປະດິດ ຈະ​ເປັນ​ເມ​ກະ​ເທຣນ ​ເຂົ້າມາ​ຢູ່​ໃນ​ທຸກ​ຊ່ວງ​ຊີວິດ​ປະຈຳ​ວັນ​ຂອງ​ເຮົາ ​ເຊິ່ງຫລາຍໆ​ບໍລິສັດ​ທົ່ວ​ໂລກ ບໍ່​ວ່າ​ຈະ​ເປັນ​ເຟສບຸກ ຫລື ກູ​ເກິ້ລ ກຳລັງ​ໃຫ້​ຄວາມ​ສົນ​ໃຈ​ເປັນ​ພິ​ເສດ.

ຖ້າ​ຈະ​ສອນ​ເດັກ​ລຸ້ນ​ໃໝ່​ໃຫ້​ທັນ​ເຕັກ​ໂນ​ໂລ​ຊີ​ເຫລົ່າ​ນີ້ ຫລັກສູດ​ໃນ​ການ​ຮຽນ​ການ​ສອນ​ອາດ​ຈະ​ຕ້ອງ​ມີ​ການ​ປັບປຸງ​ໃຫ້​ເຂົ້າກັບ​ເລື່ອງ​ທີ່​ຈະ​ເກີດ​ຂຶ້ນ​ເຊັ່ນ​ກັນ ​ເພື່ອ​ໃຫ້​ຕອບ​ໂຈດ​ເມ​ກະ​ເທຣນ Artificial Intelligence ນີ້ ​ເຮົາ​ຕ້ອງ​ຮູ້ຈັກ​ການ​ຄິດ, ວິ​ເຄາະ, ຕຶກ​ຕອງ ທີ່​ຈະ​ຂຽນຄຳ​ສັ່ງ​ໃຫ້​ຫຸ່ນ​ຍົນ​ຄິດ ​ແລະ ​ເຮັດ​ວຽກ.

ວິຊາ​ການ​ຂຽນ​​ໂປຣ​ແກ​ຣມຈຶ່ງ​ໄດ້​ຖືກ​ບັນຈຸ​ເຂົ້າ​ໄປ​ໃນ​ຫລັກສູດ​ການ​ຮຽນ​ໃນ​ປັດຈຸບັນ ​ແລ້ວ​ຫລັກສູດ​ນີ້​ມີ​ໃນ​ປະ​ເທດ​ອື່ນ ຫລື ບໍ່ ?

- Wave100S AD to Website 2020 0 - ວິຊາຂຽນໂປຣແກຣມຖືກບັນຈຸ ໃນຫລັກສູດການຮຽນໄທແລ້ວ

ປະ​ເທດ​ຟິນ​ແລນ ທີ່​ມີ​ລະບົບ​ການ​ສຶກສາ​ຕິດ​ອັນ​ດັບ 1 ຈາກ​ການຈັດ​ອັນດັບ​ຫລ້າ​ສຸດ​ຂອງ​ເວັບ​ໄຊ​ເວິ​ລອີ​ໂຄ​ໂນ​ມິກຟໍຣຳ (World Economic Forum) ​ໄດ້​ບັນຈຸ​ວິຊາ​ຂຽນ​ໂປຣ​ແກຣມ​ໄວ້​ໃນ​ຫລັກສູດ​ລະດັບ​ຊາດ​ນັບ​ແຕ່​ປີຜ່ານມາ ລາຍ​ລະອຽດ​ຫລັກສູດ​ມີ​ດັ່ງ​ນີ້: ​ເກດ 1-2 ຮຽນ​ພື້ນຖານ​ເລື່ອງ​ການ​ຂຽນ​ໂປຣ​ແກຣມ ​ໂດຍ​ບໍ່​ຈຳ​ເປັນ​ຕ້ອງ​ໃຊ້​ຄອມ​ພິວ​ເຕີ, ​ແຕ່​ເນັ້ນ​ໃຫ້​ເດັກ​ຝຶກ​ແກ້​ໄຂ​ບັນຫາ​ແບບ​​ເປັນ​ຂັ້ນ​ເປັນ​ຕອນ ​ເພື່ອ​ຝຶກ​ຝົນ​ຕຶກ​ຕອງ ​ແລະ ຄວາມ​ຄິດ​ທາງ​ວິ​ເຄາະ; ​ເກດ 3-6 ​ເນັ້ນການ​ຂຽນ​ໂປຣ​ແກຣມ​ໃຫ້​ເປັນ​ສ່ວນ​ໜຶ່ງ​ຂອງ “ຄວາມ​ຮູ້​ທາງ​ຂັ້ນຕອນ​ທີ່​ກວ້າງຂວາງ”; ​ເກດ 7-9 ການ​ຂຽນ​ໂປຣ​ແກຣມ ຖືກ​ເນັ້ນ​ໃຫ້​ເປັນ​ວິຊາ​ທີ່​ມີ​ກິດຈະກຳ​ເຊື່ອມ​ໂຍງ​ກ່ຽວຂ້ອງ​ກັບ​ວິຊາ​ອື່ນ.

ຫລັກສູດ​ຂອງ​ປະ​ເທດ​ໄທ​ເປັນ​ແບບ​ໃດ ?

ປ.1 ຂຽນ​ໂປຣ​ແກຣມ​ແບບ​ບໍ່​ຕ້ອງ​ໃຊ້​ຄອມ​ພິວ​ເຕີ ​ເປັນ​ກາ​ນຝຶກ​ໃຊ້​ບັດ​ຄຳ​ສັ່ງ​ຍ່າງ​ຂຶ້ນ-ລົງ-ຊ້າຍ-ຂວາ; ປ.4 ຂຽນ​ໂປຣ​ແກຣມ​ໃນ​ຄອມ​ພິວ​ເຕີ​ແບບ​ໃຊ້​ວິທີ​ລາກ​ບລ໊ອກຄຳ​ສັ່ງ​ໃນ​ຈໍ ບໍ່​ມີ​ການ​ຂຽນ​​ໂຄ໊ດ ​ໃຊ້​ໂປຣ​ແກຣມ Scratch ຂອງ MIT ​ໃນ​ການ​ສອນ; ມ.1 ​ໃຫ້​ເລືອກ​ຮຽນ​ພາສາ​ສຳລັບ​ຂຽນ​ໂປຣ​ແກຣມ ​ໂດຍ​ພາສາ​ທີ່​ແນະນຳ​ຄື​ພາສາ Python; ມ.4 ນຳ​ເອົາ​ພາສາ​ທີ່​ຮຽນ​ມາ ​ໄປ​ບູລະນະ​ອົງ​ຄວາມ​ຮູ້​ເພື່ອ​ເຮັດ​ໂຄງ​ງານ ຈະ​ເຫັນ​ວ່າ​ຫລັກສູດ​ຂອງ​ປະ​ເທດ​ໄທ ຈະ​ໄປ​ໃນ​ແນວທາງ​ດຽວ​ກັບ​ຟິນ​ແລນ.

ນອກຈາກ​ຟິນ​ແລນ​ແລ້ວ, ອັງກິດ​ກໍ​ເລີ່​ມການ​ສອນ​ແບບ​ນີ້​ເມື່ອ 5 ປີ​ກ່ອນ, ສ່ວນ​ສິງກະ​ໂປ​ຫາ​ກໍ​ເລີ່​ມສອນ​ມາ​ໄດ້ 2 ປີ. ໝາຍ​ຄວາມ​ວ່າ ການ​ຮຽນ​ວິຊາ​ຂຽນ​ໂປຣ​ແກຣມ​ແຕ່​ນ້ອຍ​​ເກີດ​ຂຶ້ນມາ​ບໍ່​ດົນ​ໃນ​ຕ່າງປະ​ເທດ.

-    AD conten website - ວິຊາຂຽນໂປຣແກຣມຖືກບັນຈຸ ໃນຫລັກສູດການຮຽນໄທແລ້ວ
- lattana banner - ວິຊາຂຽນໂປຣແກຣມຖືກບັນຈຸ ໃນຫລັກສູດການຮຽນໄທແລ້ວ
- lattana banner 1 - ວິຊາຂຽນໂປຣແກຣມຖືກບັນຈຸ ໃນຫລັກສູດການຮຽນໄທແລ້ວ
error: Alert: ເນື້ອຫາຂ່າວມີລິຂະສິດ !!