ພຽງແຕ່ໂມໂຫ ກໍສ່ຽງໂຣກຮ້າຍບໍ່ຮູ້ໂຕ

- download - ພຽງແຕ່ໂມໂຫ ກໍສ່ຽງໂຣກຮ້າຍບໍ່ຮູ້ໂຕ
- Untitled design - ພຽງແຕ່ໂມໂຫ ກໍສ່ຽງໂຣກຮ້າຍບໍ່ຮູ້ໂຕ

ຄວາມຄຽດ ແລະ ຄວາມໂມໂຫ ນອກຈາກຈະທໍາຮ້າຍຈິດໃຈຂອງຄົນອ້ອມຂ້າງ ແລະ ຄົນໃນຄອບຄົວແລ້ວ ຍັງສາມາດທໍາຮ້າຍສຸຂະພາບຂອງຕົນເອງໄດ້ອີກດ້ວຍ ຍິ່ງຖ້າຫາກເປັນຄົນຂີ້ໂມໂຫຕະຫຼອດເວລາ ເລື່ອງຫຍັັງເລັກໜ້ອຍກໍບໍ່ພໍໃຈ, ເລື່ອງຫຍັງເລັກໜ້ອຍກໍປຶງປັງແລ້ວກໍເກັບເອົາໄປຄຽດ ບໍ່ມີຄວາມສຸກກັບການໃຊ້ຊີວິດ ກໍມີຄວາມສ່ຽງເປັນໂຣກຮ້າຍທັງ 5 ໂຣກນີ້ໃນອະນາຄົດ.

  1. ໂຣກຄຽດ: ເຄີຍສັງເກດບໍ່ວ່າ ເມື່ອໃດກໍຕາມທີ່ເຮົາໂມໂຫ ອາລົມຂອງເຮົາກໍຈະຄ້າງຢູ່ແບບນັ້ນ ແລະ ຈະເຮັດໃຫ້ເກີດຄວາມຮູ້ສຶກຄຽດ ເມື່ອບາງຢ່າງບໍ່ເປັນໄປຕາມທີ່ໃຈຫວັງ ເຮັດໃຫ້ເຮົາບໍ່ສາມາດມີຄວາມສຸກໃນຊ່ວງເວລາສັ້ນໆ ແລະ ອາດກິນເວລາໄປໝົດມື້ ແຕ່ໂມໂຫແລ້ວສະແດງອອກມາ ກໍຍັງບໍ່ເທົ່າໂມໂຫແລ້ວເກັບໄວ້ໃນໃຈຄົນດຽວທີ່ມີໂອກາດເປັນໂຣກຄຽດຫຼາຍກວ່າເຖິງ 2 ເທົ່າ ຍິ່ງສະສົມໄວ້ດົນໆ ກໍຍິ່ງທໍາຮ້າຍຕົນເອງ ແລະ ອາດນໍາໄປສູ່ການເປັນໂຣກຊຶມເສົ້າໄດ້ອີກ.
  2. ເສັ້ນເລືອດໃນສະໝອງອຸດຕັນ: ເມື່ອຄວາມຄຽດ ແລະ ຄວາມໂມໂຫ​ເພີ່ມທະວີຂຶ້ນໄປເຖິງຂີດສຸດ ເຮົາຈະຮູ້ສຶກເຖິງຄວາມຮ້ອນບໍລິເວນໃບໜ້າ ທີ່ເກີດຈາກເລືອດມີການສູບສີດຂຶ້ນມາເຖິງບໍລິເວນຫົວ ເປັນເຫດໃຫ້ອາດເກີດການອຸດຕັນຂອງເສັ້ນເລືອດໃນສະໝອງ ແລະ ເສັ້ນເລືອດໃນສະໝອງແຕກໄດ້ ຍິ່ງຖ້າຫາກຄຽດດົນໆ ກໍຍິ່ງມີຄວາມສ່ຽງກັບໂຣກຮ້າຍທາງສະໝອງທັງ 2 ໂຣກນີ້ຫຼາຍຂຶ້ນເປັນເທົ່າຕົວ ຜົນຂອງມັນອາດເຖິງຂັ້ນເຮັດໃຫ້ເຮົາເປັນອໍາມະພາດ ແລະ ເສຍຊີວິດໄດ້ທັນທີ.
  3. ພູມຕ້ານທານຕໍ່າລົງ: ບໍ່ເຊື່ອກໍຕ້ອງເຊື່ອວ່າ ຄວາມອາລົມຮ້າຍ ຄຽດງ່າຍຂອງຄົນເຮົານັ້ນ ສາມາດສົ່ງຜົນໃຫ້ພູມຄຸ້ມກັນມີປະສິດທິພາບໃນການເຮັດວຽກທີ່ຕໍ່າລົງ ເປັນເຫດໃຫ້ມີການເຈັບປ່ວຍ ແລະ ຕິດເຊື້ອໄດ້ງ່າຍກວ່າປົກກະຕິ ໂດຍສະເພາະບໍລິເວນປອດ ມີງານວິໄຈຢືນຢັນວ່າ ຍິ່ງໂມໂຫຫຼາຍເທົ່າໃດ ສ່ຽງຕໍ່ໂຣກປອດຕິດເຊື້ອງ່າຍຂຶ້ນເທົ່ານັ້ນ.
  4. ຄວາມວິຕົກກັງວົນ: ຍິ່ງຄຽດຫຼາຍ ກໍຍິ່ງເຮັດໃຫ້ເກີດຄວາມວິຕົກກັງວົນຫຼາຍ ວ່າຈະສົ່ງຜົນເສີຍແນວໃດແດ່ ບາງຄົນເຖິງຂັ້ນເອົາໄປຄິດຫຼາຍຈົນບໍ່ສະບາຍ ຖ້າຮູ້ໂຕວ່າຄຽດງ່າຍ, ໂມໂຫງ່າຍແລ້ວບໍ່ດີຕໍ່ສຸຂະພາບຮ່າງກາຍ ກໍຄວນຫຼຸດລົງແດ່ ຫຍັງທີ່ບໍ່ພໍໃຈກໍລົມກັນຕົງໆອາດຈະດີກວ່າ.
  5. ອາຍຸສັ້ນ: ມີງານວິໄຈຈາກສະຫະລັດອາເມລິກາລະບຸວ່າ ຄູ່ຮັກທີ່ໃຊ້ຊີວິດລຽບໆ ບໍ່ຄ່ອຍມີແນວຜິດຖຽງກັນ ຫຼື ມີເລື່ອງລະແວງເຊິ່ງກັນ ແລະ ກັນ ມັກຈະອາຍຸຍືນຫຼາຍກວ່າຄູ່ຮັກທີ່ມັກຜິດຖຽງກັນ (ກຸ່ມຕົວຢ່າງເປັນຄູ່ຮັກທີ່ໃຊ້ຊີວິດຄູ່ດ້ວຍກັນຫຼາຍກວ່າ 17 ປີແລ້ວ).

 

 

- Wave100S AD to Website 2020 0 - ພຽງແຕ່ໂມໂຫ ກໍສ່ຽງໂຣກຮ້າຍບໍ່ຮູ້ໂຕ
- WhatsApp Image 2020 05 27 at 5 - ພຽງແຕ່ໂມໂຫ ກໍສ່ຽງໂຣກຮ້າຍບໍ່ຮູ້ໂຕ
- WhatsApp Image 2020 05 27 at 5 - ພຽງແຕ່ໂມໂຫ ກໍສ່ຽງໂຣກຮ້າຍບໍ່ຮູ້ໂຕ
error: Alert: ເນື້ອຫາຂ່າວມີລິຂະສິດ !!