ປະທານປະເທດໃຫ້ກຽດເຂົ້າຮ່ວມເປີດສວນພຶກສາສາດຫ້ວຍ​ຍາງ-ດົງ​ໝາກຄາຍ

- President attent - ປະທານປະເທດໃຫ້ກຽດເຂົ້າຮ່ວມເປີດສວນພຶກສາສາດຫ້ວຍ​ຍາງ-ດົງ​ໝາກຄາຍ
- AGL banner - ປະທານປະເທດໃຫ້ກຽດເຂົ້າຮ່ວມເປີດສວນພຶກສາສາດຫ້ວຍ​ຍາງ-ດົງ​ໝາກຄາຍ

ພິທີເປີດສວນພຶກສາສາດຫ້ວຍ​ຍາງ-ດົງ​ໝາກຄາຍ, ເມືອງໄຊທານີນະຄອນຫລວງວຽງຈັນ, ໄດ້ຈັດຂຶ້ນໃນວັນທີ 9 ມິຖຸນານີ້, ໂດຍການໃຫ້ກຽດເຂົ້າຮ່ວມຂອງທ່ານປະທານປະເທດ ບຸນຍັງ ວໍລະຈິດ, ມີທ່ານເຈົ້າຄອງນະຄອນຫລວງວຽງຈັນ ສີນລະວົງ ຄຸດໄພທູນ, ມີບັນດາລັດຖະມົນຕີ, ອົງການຈັດຕັ້ງມະຫາຊົນ, ອົງການສາກົນ, ພ້ອມດ້ວຍອໍານາດການປົກຄອງເຂົ້າຮ່ວມ.

ທ່ານລັດຖະມົນຕີກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ກ່າວວ່າ: ສວນພຶກສາສາດ​ແຫ່ງ​ນີ້ມີເນື້ອ​ທີ່​ທັງ​ໝົດ 268 ​ເຮັກຕາ, ເພື່ອ​ສ້າງເປັນບ່ອນປູກຕົ້ນໄມ້ນາໆຊະນິດ, ແນ່ໃສ່ປະກອບສ່ວນເພີ່ມອັດຕາປ່າໄມ້ປົກຫຸ້ມ ກໍຄືປົກປັກຮັກສາ ແລະ ຄຸ້ມຄອງເຂດນີ້ໃຫ້ກາຍເປັນເຂດສີຂຽວ ແລະ ເປັນເໝືອນດັ່ງປອດອາກາດຫາຍໃຈຂອງນະຄອນຫລວງວຽງຈັນ ແລະ ​ໃນ​ອະນາຄົດ, ກະຊວງ​ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ ຈະ​ສົມທົບກັບກະຊວງ​ກະສິກຳ ​ແລ​ະ ປ່າ​ໄມ້ ​ໃນການ​ວາງ​ແຜນ​ນຳ​ໃຊ້​ພື້ນ​ທີ່​ແຫ່ງ​ນີ້​ໃຫ້​ກາຍ​ເປັນ​ເຂດ​ສຶກສາ​ນິ​ເວດ​ວິທະຍາ ​ແລ​ະ ​ແຫ​ລ່ງທ່ອງ​ທ່ຽວທາງ​ທຳ​ມະ​ຊາດ ​ເພື່ອ​ເປັນ​ບ່ອນ​ພັກຜ່ອນ​ສຳລັບມວນຊົນຊາວນະຄອນຫລວງວຽງຈັນ. ສະນັ້ນຂໍຮຽກຮ້ອງມາຍັງປະຊາຊົນ ແລະ ​ອົງການ​ປົກຄອງເມືອງໄຊທານີ, ກໍຄືອົງການຈັດຕັ້ງທຸກພາກສ່ວນ ຈົ່ງ​ຮ່ວມ​ມືກັນ​ໃນ​ການ​ປົກ​ປັກ​ຮັກສາ​ສວນແຫ່ງ​ນີ້​ໃຫ້​ກາຍ​ເປັນເຂດທີ່ມີຄວາມສົມບູນ.

ໃນ​ໂອກາດນີ້, ທ່ານປະທານປະເທດ ບຸນຍັງ ວໍລະຈິດ ກໍ​ໄດ້ໃຫ້ກຽດປູກ​ຕົ້ນ​ໄມ້​ຢູ່​​ດ້ານ​ໜ້າ​ຂອງສວນດັ່ງກ່າວ.

- Wave100S AD to Website 2020 0 - ປະທານປະເທດໃຫ້ກຽດເຂົ້າຮ່ວມເປີດສວນພຶກສາສາດຫ້ວຍ​ຍາງ-ດົງ​ໝາກຄາຍ
-    AD conten website - ປະທານປະເທດໃຫ້ກຽດເຂົ້າຮ່ວມເປີດສວນພຶກສາສາດຫ້ວຍ​ຍາງ-ດົງ​ໝາກຄາຍ
- lattana banner 1 - ປະທານປະເທດໃຫ້ກຽດເຂົ້າຮ່ວມເປີດສວນພຶກສາສາດຫ້ວຍ​ຍາງ-ດົງ​ໝາກຄາຍ
- lattana banner - ປະທານປະເທດໃຫ້ກຽດເຂົ້າຮ່ວມເປີດສວນພຶກສາສາດຫ້ວຍ​ຍາງ-ດົງ​ໝາກຄາຍ
error: Alert: ເນື້ອຫາຂ່າວມີລິຂະສິດ !!