ລົງນາມສຶກສາຄວາມເປັນໄປໄດ້ການພັດທະນາແຫລ່ງທ່ອງທ່ຽວຢູ່ເມືອງວັງວຽງ

- Signing - ລົງນາມສຶກສາຄວາມເປັນໄປໄດ້ການພັດທະນາແຫລ່ງທ່ອງທ່ຽວຢູ່ເມືອງວັງວຽງ
- AGL banner - ລົງນາມສຶກສາຄວາມເປັນໄປໄດ້ການພັດທະນາແຫລ່ງທ່ອງທ່ຽວຢູ່ເມືອງວັງວຽງ

ພິທີລົງນາມບົດບັນທຶກຄວາມເຂົ້າໃຈເພື່ອສຶກສາຄວາມເປັນໄປໄດ້ໂຄງການພັດທະນາແຫລ່ງທ່ອງທ່ຽວເບື້ອງຕາເວັນຕົກຂອງສາຍນໍ້າຊອງເມືອງວັງວຽງ ແຂວງວຽງຈັນໄດ້ມີຂຶ້ນໃນທ້າຍອາທິດຜ່ານມານີ້ຢູ່ນະຄອນຫລວງວຽງຈັນລະຫວ່າງທ່ານ ຄໍາລຽນ ພົນເສນາ ຮອງລັດຖະມົນຕີກະຊວງແຜນການ ແລະ ການລົງທຶນ ແລະ ທ່ານ ຖາງ ຊິນສວນ ຜູ້ອໍານວຍການບໍລິສັດ Ample Ray (Hongkong) Limited. ໂດຍມີທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ແລະ ພາກສ່ວນກ່ຽວຂ້ອງຕ່າງໆເຂົ້າຮ່ວມ.

ໃນໂອກາດນີ້, ຜູ້ອໍານວຍການບໍລິສັດ Ample Ray (Hongkong) Limited ກ່າວວ່າ: ການພັດທະນາແຫຼ່ງທ່ອງທ່ຽວວັງວຽງແມ່ນໂຄງການຮ່ວມມືລະຫວ່າງບໍລິສັດຂອງຕົນກັບບໍລິສັດທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າ ຈໍາກັດຜູ້ດຽວ (IHC) ໃນນາມເປັນຜູ້ລົງທຶນ, ເຊິ່ງເປັນໂຄງການລົງທຶນຂະໜາດໃຫຍ່ທີ່ລັດຖະບານລາວໄດ້ອະນຸມັດໃຫ້ສຶກສາຄວາມເປັນໄປໄດ້ໃນການລົງທຶນດ້ານການທ່ອງທ່ຽວຢູ່ເບື້ອງຕາເວັນຕົກຂອງສາຍນໍ້າຊອງ ເພື່ອເປັນພັດທະນາໃຫ້ເປັນຈຸດດຶງດູດນັກທ່ອງທ່ຽວຈາກຈີນ, ອາຊີຕາເວັນອອກສຽງໃຕ້ ແລະ ຈາກທົ່ວໂລກມາທ່ອງທ່ຽວ, ພັກຜ່ອນ ແລະ ລົງທຶນຢູ່ເມືອງວັງວຽງ, ເປັນໂຄງການຮ່ວມມືພາຍໃຕ້ຂອບ “ໜຶ່ງແລວໜຶ່ງເສັ້ນທາງ” ທີ່ການນໍາຂັ້ນສູງຂອງສອງປະເທດລາວ-ຈີນໄດ້ຮ່ວມກັນອອກແຮງຊຸກຍູ້ ເພື່ອພັດທະນາແລວທາງເສດຖະກິດລາວ-ຈີນ ທີ່ເປັນທາງຜ່ານສໍາຄັນຂອງເສັ້ນທາງລົດໄຟລາວ-ຈີນ ແລະ ທາງດ່ວນວຽງຈັນ-ບໍ່ເຕ່ນ, ໂດຍສະເພາະຂະແໜງການທ່ອງທ່ຽວຂອງສອງປະເທດ ເພື່ອປະກອບສ່ວນເຂົ້າໃນການພັດທະນາເສດຖະກິດຂອງ ສປປ ລາວ ໃຫ້ເຕີບໃຫຍ່ເຂັ້ມແຂງຂຶ້ນເລື້ອຍໆ.

- Wave100S AD to Website 2020 0 - ລົງນາມສຶກສາຄວາມເປັນໄປໄດ້ການພັດທະນາແຫລ່ງທ່ອງທ່ຽວຢູ່ເມືອງວັງວຽງ
- lattana banner 1 - ລົງນາມສຶກສາຄວາມເປັນໄປໄດ້ການພັດທະນາແຫລ່ງທ່ອງທ່ຽວຢູ່ເມືອງວັງວຽງ
- lattana banner - ລົງນາມສຶກສາຄວາມເປັນໄປໄດ້ການພັດທະນາແຫລ່ງທ່ອງທ່ຽວຢູ່ເມືອງວັງວຽງ
-    AD conten website - ລົງນາມສຶກສາຄວາມເປັນໄປໄດ້ການພັດທະນາແຫລ່ງທ່ອງທ່ຽວຢູ່ເມືອງວັງວຽງ
error: Alert: ເນື້ອຫາຂ່າວມີລິຂະສິດ !!