ມຊ ຈະເປີດ​ສອນຫຼັກສູດ​ນາໆ​ຊາດປະລິນຍາຕີ ເສດຖະສາດ ສາຂາເສດຖະສາດພັດທະນາ ​ແລະ ການວາງ​ແຜນ ໃນສົກ 2018-2019

- nuol - ມຊ ຈະເປີດ​ສອນຫຼັກສູດ​ນາໆ​ຊາດປະລິນຍາຕີ ເສດຖະສາດ ສາຂາເສດຖະສາດພັດທະນາ ​ແລະ ການວາງ​ແຜນ ໃນສົກ 2018-2019
- AGL banner - ມຊ ຈະເປີດ​ສອນຫຼັກສູດ​ນາໆ​ຊາດປະລິນຍາຕີ ເສດຖະສາດ ສາຂາເສດຖະສາດພັດທະນາ ​ແລະ ການວາງ​ແຜນ ໃນສົກ 2018-2019

ຄະນະ​ເສດຖະສາດ ​ແລະ ບໍລິຫານ​ທຸລະ​ກິດ ມະຫາວິທະຍາ​ໄລ​ແຫ່ງ​ຊາດ (ມຊ) ຈະ​ເປີດສອນ​ຫຼັກສູດນາໆ​ຊາດ​ ປະລິ​ຍາ​ຕີ ເສດຖະສາດ ສາຂາ ​ເສດຖະສາດພັດທະນາ ​ແລະ ການວາງ​ແຜນ ໃນສົກຮຽນ 2018-2019, ​ເພື່ອຜູ້​ທີ່​ມີ​ຄວາມ​ສົນ​ໃຈໃນ​ການ​ສ້າງ​ຂີດ​ຄວາມ​ສາມາດ ​ແລະ ການວາງ​ແຜນ​ພັດທະນາ​ເສດຖະກິດ, ການ​ວິ​ເຄາະ​ໂຄງການ ທີ່​ຈະ​ຊ່ວຍ​​ສ້າງ​ຊັບ​ພະຍາກອນ​ມະນຸດ​ທີ່​ມີ​ຄວາມ​ຊໍານິຊໍານານ, ສ້າງ​ພະນັກງານ​ທີ່​ມີ​ຄວາມ​ຮູ້, ຄວາມ​ສາມາ​ດ​ ​ໃຫ້​ແກ່​ພາກ​ລັດ ​​ແລະ ​ເອກະ​ຊົນ.

​    ຫຼັກສູດ​ດັ່ງກ່າວ, ​ເປັນ​ຫຼັກ​ສູດ​ປະລິນຍາ​ຕີ ລະບົບ 4 ປີ ທີ່​ດໍາ​ເນີນ​ການ​ຮຽນ-​ການ​ສອນ ​ເປັນ​ພາສາ​ອັງກິດ, ຊຶ່ງປະກອບ​ມີ 133 ໜ່ວຍ​ກິດ, ​ໂດຍມີ​ເປົ້າ​ໝາຍ​ສ້າງ​ໃຫ້​ນັກຮຽນ​ມີ​ຄວາມ​ຮູ້​ກ່ຽວ​ກັບ​ເສດຖະກິດ-​ສັງຄົມ ການ​ພັດທະນາ ​ແລະ ການວາງ​ແຜນ, ​ຊຶ່ງນັກຮຽນທີ່​ເຂົ້າ​ຮຽນ​ໃນ​ຫຼັກສູດ​ນີ້, ຈະ​ໄດ້​ຮັບ​ການ​ສຶກສາ​ໃນ​ຫຼາຍ​ວິຊາ​ທີ່​ກ່ຽວຂ້ອງ​​ໃນ​ຂົງ​ເຂດ​ວຽກ​ງານ​ເສດຖະສາດການ​ພັດທະນາ ​ແລະ ການວາງ​ແຜນ ແລະ ​ສອນ​ໂດຍ​ອາຈານ​ພາຍ​ໃນ​ມະຫາ​ວິທະຍາ​ໄລ​ແຫ່ງ​ຊາດ ທີ່​ຈົບ​ຈາກ​ຕ່າງປະ​ເທດ​ໃນ​ລະດັບ​ປະລິນຍາ​ໂທ ​ແລະ ປະ​ລິນ​ຍາ​ເອກ ແລະ ​ມີ​ຄວາມ​ສາມາດ​ທາງ​ດ້ານ​ວິຊາ​ສະ​ເພາະ​. ​ເນື່ອງ​ຈາກວ່າ​ມະຫາ​ວິທະຍາ​ໄລ​ແຫ່ງ​ຊາດ ​​ໄດ້​ລົງນາມບົດບັນທຶກຄວາມເຂົ້າໃຈ MOU ກັບ​ມະຫາ​ວິ​ທະຍາ​ໄລ​ຕ່າງປະ​ເທດ​ຫຼາຍ​ແຫ່ງ ​ໂດຍ​ສະ​ເພາະ​ປະ​ເທດ​ຍີ່ປຸ່ນ, ອົດສະຕຣາລີ, ​ໄທ ​ແລະ ຫຼາຍໆ​ປະ​ເທດ, ​ຊຶ່ງອາຈານ ​ແລະ ນັກຮຽນ ສາມາດ​ແລກ​ປ່ຽນ ​ ​ ​ແລະ ສາມາດ​ໂອນ​ໜ່ວຍ​ກິດ​ກັນ​ໄດ້​ ກັບ​ບັນດາ​ມະຫາວິທະຍາ​ໄລ ຫຼື ສະ​ຖາ​ບັນ ທີ່​ມີສັນຍາ​ຮ່ວມ​ກັນ.

ສໍາລັບ​ເງື່ອນ​ໄຂ​ຂອງ​ຜູ້​ທີ່​ຈະ​ສະໝັກ​ຕ້ອງ​ສໍາ​ເລັດ​ການ​ສຶກສາ​ຊັ້ນ​ມັດທະຍົມ​ປາຍ ທີ່​ມີ​ຄວາມ​ຮູ້​ທາງ​ດ້ານ​ຄະນິ​ດສາ​ດ, ພາສາ​ອັງກິດ ​ແລະ ກ່ຽວ​ກັບ​ຄະນະ​ເສດຖະສາດ ​ແລະ ບໍລິຫານ​ທຸລະ​ກິດ. ​ຊຶ່ງເປີດ​ຮັບ​ຄໍາ​ຮ້ອງ​ແຕ່​ວັນ​ທີ 3 ກໍລະ​ກົດ ຫາ 3​ ສິງຫາ 2018, ສ່ວນ​ມື້​ສອບ​ເສັງ​ຄັດ​​ເລືອກ​ເຂົ້າ​ຮຽນ ແມ່ນ​ວັນ​ທີ 8 ສິງຫາ 2018 ທີ່​ຄະນະ​ເສດຖະສາດ ​ແລະ ບໍລິຫານ​ທຸລະ​ກິດ ມະຫາວິທະຍາໄລແຫ່ງຊາດ.

- Wave100S AD to Website 2020 0 - ມຊ ຈະເປີດ​ສອນຫຼັກສູດ​ນາໆ​ຊາດປະລິນຍາຕີ ເສດຖະສາດ ສາຂາເສດຖະສາດພັດທະນາ ​ແລະ ການວາງ​ແຜນ ໃນສົກ 2018-2019

 

-    AD conten website - ມຊ ຈະເປີດ​ສອນຫຼັກສູດ​ນາໆ​ຊາດປະລິນຍາຕີ ເສດຖະສາດ ສາຂາເສດຖະສາດພັດທະນາ ​ແລະ ການວາງ​ແຜນ ໃນສົກ 2018-2019
- lattana banner - ມຊ ຈະເປີດ​ສອນຫຼັກສູດ​ນາໆ​ຊາດປະລິນຍາຕີ ເສດຖະສາດ ສາຂາເສດຖະສາດພັດທະນາ ​ແລະ ການວາງ​ແຜນ ໃນສົກ 2018-2019
- lattana banner 1 - ມຊ ຈະເປີດ​ສອນຫຼັກສູດ​ນາໆ​ຊາດປະລິນຍາຕີ ເສດຖະສາດ ສາຂາເສດຖະສາດພັດທະນາ ​ແລະ ການວາງ​ແຜນ ໃນສົກ 2018-2019
error: Alert: ເນື້ອຫາຂ່າວມີລິຂະສິດ !!