ເສີມຂະຫຍາຍຈຸດດີ ຕີຖອຍຈຸດອ່ອນຄົງຄ້າງ

- AGL banner - ເສີມຂະຫຍາຍຈຸດດີ ຕີຖອຍຈຸດອ່ອນຄົງຄ້າງ

 ໂດຍ: ກ້ອງສ່ອງ ອິດສະຫລະ   

ດັ່ງທີ່ຮູ້ນຳກັນແລ້ວວ່າ, ກອງປະຊຸມສະໄໝສາມັນ ເທື່ອທີ 5 ຂອງສະພາແຫ່ງ ຊາດຊຸດທີ VIII ພວມດຳ ເນີນ ໄປດ້ວຍບັນຍາກາດອັນຂຸ້ນ ຂ້ຽວຈົດຈໍ່. ໃນກອງປະຊຸມນີ້, ທັງເບື້ອງສະພາແຫ່ງຊາດ ແລະ ລັດຖະບານ ຕ່າງຈະໄດ້ ພ້ອມກັນກຳນົດທິດທາງແກ້ ໄຂບັນຫາຕ່າງໆຂອງຊາດ ໃນຫລາຍແງ່ມຸມ ແລະ ຫລາຍ ຂົງເຂດວຽກງານ.

 

ກອງປະຊຸມສະພາເລັ່ງແກ້ໄຂບັນຫາຂອງຊາດ

ກອງປະຊຸມຄະນະຈັດຕັ້ງປະສານງານການຄ້າດ້ານສິນຄ້າອາຊຽນ ຄັ້ງທີ 27

ສະເພາະໃນບົດນີ້, ຜູ້ຂຽນ ຈະຂໍຍົກເອົາບາງຕອນທີ່ສະ ພາແຫ່ງຊາດ ໄດ້ຕີລາຄາຕໍ່ ໝາກຜົນການເຄື່ອນໄຫວ ຂອງລັດຖະບານໃນ 4 ເດືອນ ຜ່ານມາດັ່ງນີ້: ຕໍ່ກັບການຈັດ ຕັ້ງປະຕິບັດແຜນພັດທະນາ ເສດຖະກິດ-ສັງຄົມ ແລະ ແຜນງົບປະມານແຫ່ງລັດໃນ 4 ເດືອນຕົ້ນປີ 2018 ອັນພົ້ນ ເດັ່ນເຫັນວ່າ: ເສດຖະກິດ ມະຫາພາກຂະຫຍາຍຕົວຕໍ່ ເນື່ອງ, ລວມຍອດຜະລິດຕະ ພັນພາຍໃນ (GDP) ຕໍ່ຫົວ ຄົນບັນລຸໄດ້ 2.609 ໂດລາ ສະຫະລັດລື່ນແຜນທີ່ກຳນົດ ໄວ້2.536 ໂດລາສະຫະລັດ.

- Wave100S AD to Website 2020 0 - ເສີມຂະຫຍາຍຈຸດດີ ຕີຖອຍຈຸດອ່ອນຄົງຄ້າງ

ຂະແໜງການພົ້ນເດັ່ນ ທີ່ເຮັດໃຫ້ໂຄງປະກອບເສດຖະກິດຂະຫຍາຍຕົວໄດ້ແກ່ ອຸດສາຫະກຳບັນລຸ 31,2% ຂອງລວມຍອດຜະລິດຕະ ພັນພາຍໃນ, ເຊິ່ງແຜນການ ປີແມ່ນ 30,79% ໃນນີ້ ການ ຜະລິດກະແສໄຟຟ້າໄດ້ 51,6% ຂອງແຜນການປີ.

ອັນສຳຄັນອີກອັນໜຶ່ງ ແມ່ນລັດຖະບານໄດ້ຈັດສັນ ງົບປະມານພາຍໃນໃຫ້ແກ່ ການລົງທຶນ 51% ເປັນຂອງ ທ້ອງຖິ່ນ 49% ເປັນຂອງສູນ ກາງ,ການລົງທຶນແມ່ນໄປ ຕາມອັດຕາສ່ວນ ທີ່ກຳນົດ ໄວ້, ໂຄງການຊຳລະໜີ້ສິນ 38%, ໂຄງການສືບຕໍ່ 34%, ໂຄງການສະເໜີໃໝ່, ໂຄງ ການສົມທົບ, ໂຄງການພັດ ທະນາຊົນນະບົດ ແລະ ແກ້ໄຂ ຄວາມທຸກຍາກ 28%. ໃນນີ້, ສະເພາະໃຫ້ ໂຄງການພັດ ທະນາຊົນນະບົດ ແລະ ແກ້ໄຂ ຄວາມທຸກຍາກມີຈຳນວນ ເຖິງ 13% ລື່ນແຜນການທີ່ ທາງສະພາໄດ້ກຳນົດ ໄວ້ແມ່ນ 10%, ຕໍ່ໂຄງການລົງທຶນ ຂອງລັດ-ລັດຖະບານໄດ້ຈັດສັນຄືນໃໝ່ສາມາດຫລຸດ ຜ່ອນການນຳໃຊ້ງົບປະມານ ເຖິງ 1.600 ຕື້ກີບ.

ນອກນີ້, ລັດຖະບານຍັງ ສືບຕໍ່ກວດກາບັນດາໂຄງ ການທີ່ມີມູນຄ່າສູງແຕ່ປະສິດທິຜົນຕ່ຳ, ເຊິ່ງລັດໄດ້ປັບປຸງ ກົນໄກ ແລະ ບັນດານິຕິກຳ ລຸ່ມກົດໝາຍ ເພື່ອສົ່ງເສີມ ການລົງທຶນ, ສ່ວນໃນຂົງເຂດ ວຽກງານສຶກສາ-ສາທາກໍ ບັນລຸຄາດໝາຍທີ່ໄດ້ກຳນົດ ໄວ້, ຂົງເຂດວຽກງານຖະ ແຫລງຂ່າວ, ວັດທະນະທຳ ແລະ ທ່ອງທ່ຽວສາມາດປະ ກາດຄອບຄົວວັດທະນະທຳ ໄດ້ 19.868 ຄອບຄົວ, ສ້າງ ບ້ານວັດທະນະທຳໄດ້ 205 ບ້ານ. ອັນພົ້ນເດັ່ນແມ່ນ ປະກາດປີທ່ອງທ່ຽວ 2018 ອົງການຢູເນສໂກໄດ້ປະກາດຮັບຮອງເອົາສຽງແຄນຂອງ ເຊື້ອຊາດລາວເປັນມໍລະດົກ ວັດທະນະທຳທີ່ບໍ່ເປັນວັດຖຸ ຂອງມວນມະນຸດໂລກ, ສ່ວນ ວຽກແຮງງານ ແລະ ສະ ຫວັດດີການສັງຄົມ ກໍໄດ້ປັບ ເພີ່ມແຮງງານຂັ້ນຕ່ຳຈາກ ເກົ້າແສນຂຶ້ນເປັນໜຶ່ງລ້ານ ໜຶ່ງແສນກີບ.
ຕໍ່ການຈັດຕັ້ງປະຕິບັດ ແຜນງົບປະມານແຫ່ງລັດ, ລັດ ຖະບານໄດ້ມີມາດຕະການຕົວຈິງກວ່າເກົ່າ, ໄດ້ຫັນເປັນອັນ ທັນສະໄໝໃນການເກັບລາຍຮັບ, ຜັນຂະຫຍາຍບັນດາ ມາດຕະການທາງດ້ານການ ເງິນ-ເງິນຕາ ໃຫ້ມີສະເຖຍລະ ພາບ-ໝັ້ນທ່ຽງ, ເອົາໃຈໃສ່ ຊຳລະສະສາງໜີ້ສິນທີ່ຕິດພັນກັບໂຄງການລົງທຶນຂອງລັດ, ສາມາດຫລຸດຜ່ອນຄວາມ ສ່ຽງ, ທັງເປັນການແກ້ໄຂສະ ພາບຄ່ອງທາງດ້ານການເງິນຂອງຜູ້ປະກອບການ ແລະ ທະ ນາຄານທຸລະກິດໃຫ້ດີຂຶ້ນ ເທື່ອລະກ້າວ.

ເຖິງຢ່າງໃດກໍດີ, ຕາມ ເຮົາວ່າ ເພື່ອກ້າວໄປເຖິງຈຸດ ໝາຍປາຍທາງທີ່ເຮົາມຸ້ງ ຫວັງນັ້ນມັນບໍ່ແມ່ນຂອງ ງ່າຍ, ຕ້ອງໄດ້ຜ່ານບັນດາອຸ ປະສັກຫຍຸ້ງຍາກທີ່ຈະມາກົດໜ່ວງກີດຂວາງ, ແຕ່ສຳຄັນ ບ່ອນຕັດສິນແມ່ນຄົນເປັນຜູ້ ເຮັດ, ຖ້າພວກເຮົາຫາກຍັງ ອືດໆອາດໆຄືໂສ້ບໍ່ເຄັ່ງ, ຫລິງ ເຫັນແຕ່ຜົນປະໂຫຍດຂອງ ຕົນເອງຢ່າງດຽວກໍຍິ່ງຈະ ເຮັດໃຫ້ຄວາມທຸກຍາກລ້າ ຫລັງຄອບງຳແກ່ຍາວໄປ ຫລາຍປີອີກ.

- lattana banner 1 - ເສີມຂະຫຍາຍຈຸດດີ ຕີຖອຍຈຸດອ່ອນຄົງຄ້າງ
- lattana banner - ເສີມຂະຫຍາຍຈຸດດີ ຕີຖອຍຈຸດອ່ອນຄົງຄ້າງ
-    AD conten website - ເສີມຂະຫຍາຍຈຸດດີ ຕີຖອຍຈຸດອ່ອນຄົງຄ້າງ
error: Alert: ເນື້ອຫາຂ່າວມີລິຂະສິດ !!