ບຣາຊິລ ໄດ້ ເນມາ ມາເສີມທີມແຂງແຮງຂຶ້ນ ແຕ່ຟອມ ເຢຍລະມັນ-ອາເຈນຕິນາ ຍັງບໍ່ຄົງທີ່

- 1528623815887 960x0 - ບຣາຊິລ ໄດ້ ເນມາ ມາເສີມທີມແຂງແຮງຂຶ້ນ ແຕ່ຟອມ ເຢຍລະມັນ-ອາເຈນຕິນາ ຍັງບໍ່ຄົງທີ່
- AGL banner - ບຣາຊິລ ໄດ້ ເນມາ ມາເສີມທີມແຂງແຮງຂຶ້ນ ແຕ່ຟອມ ເຢຍລະມັນ-ອາເຈນຕິນາ ຍັງບໍ່ຄົງທີ່

​ເນ​ມາ ດາ​ວຍິງ​ຊູ​ເປີ​ສະ​ຕາ​ຫ່າງ​ຫາຍ​ຈາກການ​ບາດ​ເຈັບ​ກັບ​ມາ​ເສີມ​ທີ​ມ​ໃຫ້​ທີ​ມຊາດ​ບຣາຊິ​ລ​ແຂງ​ແຮງ​ຂຶ້ນອີກ. ຂະນະ​ທີ່​ນັກ​ເຕະ​ທີ​ມ​ເຢຍລະ​ມັນ ​ແລະ ອາ​ເຈນ​ຕິ​ນາ​ເດີນທາງ​ມາ​ເຖິງຣັດ​ເຊຍ​ແລ້ວ, ​ແຕ່​ຍັງ​ມີ​ບັນຫາ​ຟອມການ​ຫລິ້ນບໍ່​ຄົງ​ທີ່ ​ແລະ ອຸປະສັກ​ຫລາຍ​ຢ່າງ​ກ່ອນ​ລົງ​ລຸຍ​​ເສິກ​ບານ​ໂລກ​ທີ່​ຈະ​ເປີດ​ສະໜາມ​ໃນ​ວັນ​ທີ 14 ມິຖຸນາ​ນີ້.

​ເນ​ມາ ຊູ​ເປີ​ສະ​ຕາ​ທີ​ມປາຣີ ​ແຊງ​ແຊກ​ແມງ ​ເຊິ່ງລົງ​ສະໜາມ​ໃນ​ຊ່ວງ 45 ນາທີ ນັດ​ອຸ່ນ​ເຄື່ອງ​ທີ່​ພົບ​ກັບ ​ໂຄຣ​ເອ​ເຊຍ ​​ໃນ​ທ້າຍ​ອາທິດ​ຜ່ານ​ມາ ​ເຮັດ​ໃຫ້​ຫລຸດຜ່ອນ​ຄວາມ​ກັງວົນ​ໄດ້​ເຖິງ​ຄວາມ​ພ້ອມ​ຂອງ​ລາວ ຫລັງ​ຕ້ອງ​ພັກ​ຍາວ​ກວ່າ 3 ​ເດືອນ​ຈາກ​ກະດູກ​ຕີນ​ແຕກ. ດາວ​ຍິງ​ບຣາຊິ​ລອາຍຸ 26 ປີ​ຍອມຮັບ​ວ່າ​ຮ່າງກາຍ​ລາວ​ມີ​ຄວາມ​ສົມບູນ​ແຂງ​ແຮງ​ພຽງ 80% ​ເທົ່າ​ນັ້ນ, ​ແຕ່​ໝັ້ນ​ໃຈ​ວ່າ​ຈະ​ສາມາດ​ລົງ​ສະໜາມ​ນັດ​ທຳ​ອິດ​ຂອງ​ທີ​ມຊາດ​ບຣາຊິ​ລ​ໃນ​ບານ​ໂລກ 2018 ຮອບ​ແບ່ງ​ກຸ່ມ​ພົບ​ກັບ ສະ​ວິດ​ເຊີ​ແລນ 17 ມິຖຸນາ​ນີ້, ສ່ວນ​ທີ​ມສະ​ເປ​ນ ທີ່​ບໍ່​ຮູ້ຈັກ​ເສຍ​ນັບ​ແຕ່ ຈູ​ເລນ ​ໂລ​ເປ​ເຕກີ ຮັບ​ຕຳ​ແໜ່​ງຫົວໜ້າ​ຜູ້​ຝຶກ​ສອນ​ຫລັງ​ຢູ​ໂຣ 2016 ກາຍ​ເປັນ​ທີ​ມ​ເຕັງ​ໃນ​ຄັ້ງນີ້ ພາຍຫລັງ​ເສຍ​ໄຊ​ໃນ​ບານ​​ໂລກ 2014 ​ແລະ ຕົກ​ຮອບ​ການ​ແຂ່ງຂັນ​ບານ​ເຕະ​ຊີງ​ແຊ້ມ​ແຫ່ງ​ຊາດ​ຢູ​ໂຣບ​ໄປ​ກ່ອນ. ​ໂຄ໊ດສະ​ເປນ​ເປີດ​ເຜີຍ​ວ່າ: ທີ​ມຊາດ​ສະ​ເປ​ນກັບ​ມາ​ຄຶກຄັກ​ຂຶ້ນ ​ແລະ ຈະ​ມາ​ຕໍ່​ຍອດ​ຄວາມ​ສຳ​ເລັດ​ຈາກ​ປີ 2008, 2010 ​ແລະ 2012 ​ໂດຍ​ຈະ​ພິສູດ​ໃຫ້​ເຫັນ​ອີກ​ຄັ້ງ​ໃນ​ບານ​ໂລກ​ທີ່ຣັດ​ເຊຍ ​ເຊິ່ງຈະ​ພົບ​ກັບທີ​ມ​ໂປຣຕຸ​ເກສ ທີ່​ນຳ​ທີ​ມ​ໂດຍ ຄຣິສ​ເຕຍ​ໂນ ​ໂຣນັລ​ໂດ ​ໃນ​ຮອບ​ແບ່ງ​ກຸ່ມ​ທີ່​ເມືອງ​ໂຊ​ຊິ 15 ມິຖຸນາ​ນີ້.

ຂະນະ​ທີ່​ເຢຍລະ​ມັນ ​ເຊິ່ງຫາ​ກໍ​ຮັບ ມາ​ນູ​ເອລ ນອຍ​ເອີ ຜູ້​ຮັກສາ​ປະຕູ​ທີ່​ຫາຍ​ຈາກ​ອາການ​ບາດ​ເຈັບ​ຕີນ ​ແລະ ພັກ​ຍາວ​ມາ 8 ​ເດືອນ​ກັບ​ມາ​ລົງ​ສະໜາມ​ບານ​ໂລກ​ໄດ້​ທັນ, ​ແຕ່​ຍັງ​ບໍ່​ແນ່​ໃຈ​ວ່າ​ລາວ​ຈະ​ກັບ​ມາ​ເຝົ້າ​ເສົາ​ໄດ້​ສົມບູນ ຫລື ບໍ່ ຫລັງ ​ເຢຍລະ​ມັນ​ ເສຍ​ໃຫ້ ​ອອສ​ເຕຣີຍ 1-2 ​ແລະ ຖື​ເປັນຄວາມ​ປາ​ໄຊ​ໃຫ້​ກັບ ​ອອສ​ເຕຣີຍ ​ເພ່ືອນ​ບ້ານ​ເປັນ​ເທື່ອ​ທຳ​ອິດ​ນັບ​ແຕ່​ປີ 1986 ທີ​ມ​ເຢຍລະ​ມັນ ບໍ່​ມີ ​ເມ​ຊຸ​ຕ ​ໂອ​ຊິ​ລ ລົງ​ຫລິ້ນ​ໃນ​ເກ​ມອຸ່ນ​ເຄື່ອງ​ກັບ ຊາ​ອຸ​ດິອາຣະ​​ເບຍ ທີ​່ຊະນະ​ໄປ 2-1 ​ເພາະ​ຍັງ​ບາດ​ເຈັບ, ​ເຖິງ​ວ່າ ​ເຊ​ໂຣມ ບົວ​ເຕັງ ​ເຊັນ​ເຕີ​ແບັກ​ຈະ​ສາມາດ​ລົງ​ສະໜາມ​ນັດ​ທຳ​ອິດ​ໄດ້​ແລ້ວ​ນັບ​ແຕ່​ມີ​ບັນຫາ​ບາດ​ເຈັບ​ໃນ​ເດືອນ​ເມສາ. ສ່ວນ​ທີ​ມຊາດ​ອາ​ເຈນ​ຕິ​ນາ​ປະສົບ​ບັນຫາ​ນັບ​ແຕ່​ນັດ​ກະ​ຊັບ​ມິດ​ກັບ​ອິດສະ​ລາ​ແອນ​ທີ່​ເລືອກ​ສະໜາມ​ແຂ່ງ​ໃນ​ເຢລູຊາ​ເລັມ ​ເຮັດ​ໃຫ້​ເກີດ​ສຽງ​ປະ​ທ້ວງ​ຈົນ​ຕ້ອງ​ຍົກ​ເລີກ​ການ​ແຂ່ງຂັນ, ສ່ວນ​ໃນ​ເກ​ມອື່ນໆຜ່ານ​ມາ ຍັງ​ເຮັດ​ຄະ​ແນນ​ໄດ້ບໍ່​ດີ ​ແລະ ບໍ່​ສົມ​ຊື່​ຊັ້ນທີ​ມຟ້າ​ຂາວ, ສ່ວນ​ທີ​ມຊາດ​ຝຣັ່ງກໍ​ໄດ້​ຮັບ​ການ​ຄາດ​ຫວັງ​ສູງ​ໃນ​ບານ​ໂລກ​ທີ່ຣັດ​ເຊຍ​ເຊັ່ນ​ກັນ, ​ແຕ່​ໂຄ໊ດດິດິ​ເຍ ​ເດ​ສຊອງ ຍັງ​ມີ​ບັນຫາ​ໃນ​ການ​ງັດ​ເອົາ​ຟອມ​ເກັ່ງ​ຂອງ ປອລ ປ໊ອກບາ ກອງ​ກາງ​ຄ່າ​ຕົວ​ແພງ​ອອກ​ມາ ​ເພື່ອ​ສະ​ແດງ​ຝີ​ຕີນ​ໃຫ້​ໄດ້​ເຕັມທີ່.

- Wave100S AD to Website 2020 0 - ບຣາຊິລ ໄດ້ ເນມາ ມາເສີມທີມແຂງແຮງຂຶ້ນ ແຕ່ຟອມ ເຢຍລະມັນ-ອາເຈນຕິນາ ຍັງບໍ່ຄົງທີ່
-    AD conten website - ບຣາຊິລ ໄດ້ ເນມາ ມາເສີມທີມແຂງແຮງຂຶ້ນ ແຕ່ຟອມ ເຢຍລະມັນ-ອາເຈນຕິນາ ຍັງບໍ່ຄົງທີ່
- lattana banner 1 - ບຣາຊິລ ໄດ້ ເນມາ ມາເສີມທີມແຂງແຮງຂຶ້ນ ແຕ່ຟອມ ເຢຍລະມັນ-ອາເຈນຕິນາ ຍັງບໍ່ຄົງທີ່
- lattana banner - ບຣາຊິລ ໄດ້ ເນມາ ມາເສີມທີມແຂງແຮງຂຶ້ນ ແຕ່ຟອມ ເຢຍລະມັນ-ອາເຈນຕິນາ ຍັງບໍ່ຄົງທີ່
error: Alert: ເນື້ອຫາຂ່າວມີລິຂະສິດ !!