ລາວໂທລະຄົມຜູ້ສະໜັບສະໜູນຫລັກທີວີລາວ ໃນການຖ່າຍທອດບານໂລກ 2018

- 35026581 790826334461275 2821215608442454016 n - ລາວໂທລະຄົມຜູ້ສະໜັບສະໜູນຫລັກທີວີລາວ ໃນການຖ່າຍທອດບານໂລກ 2018
- Untitled design - ລາວໂທລະຄົມຜູ້ສະໜັບສະໜູນຫລັກທີວີລາວ ໃນການຖ່າຍທອດບານໂລກ 2018

ໃນວັນ​ທີ​ 7 ມິ​ຖຸ​ນາຜ່ານ​ມາ ທີ່​ໂຮງ​ແຮມ​ແລນ​ມາກ ໄດ້​ມີ​ພິ​ທີ​ຖະ​ແຫລງຂ່າວ​ຜູ້​ໃຫ້​ການ​ສະ​ໜັບ​ສະ​ໜູນ​ຂອງ ທີ​ວີ​ລາວ ທີ່ໄດ້​ຊື້​ລິ​ຂະສິດ​ພາບ​ຖ່າຍ​ທອດ​ສົດ​ບານ​ໂລກ 2018 ແຫ່ງ​ດຽວ​ໃນ ສ​ປ​ປ ລາວ ໂດຍ ທ່ານ ຫົງ​ຄຳ ສຸວັນ​ນ​ະ​ວົງ ປະ​ທານ​ສະຖານີໂທ​ລະ​ພາບ​ທີ​ວີ​ລາວ, ທ່ານ ທັນ​ສະ​ໄໝ ຊາ​ມູນ​​ຕີ ຫົວ​ໜ້າ​ຄະ​ນະ​ພັດ​ທະ​ນາ​ຄຸນນ​ະ​ພາບ​ການ​ບໍ​ລິ​ການ​ຂອງບໍ​ລິ​ສັດ ລາວ​ໂທ​ລະ​ຄົມ ຜູ້​ສະ​ໜັບ​ສະ​ໜູນຫລັກ​ຂອງ ທີ​ວີ​ລາວ ໃນ​ການ​ຖ່າຍ​ທອດ​ສົດ ​ພ້ອມຜູ້​ຕາງ​ໜ້າ​ຜູ້​ສະ​ໜັບ​ສະ​ໜູນ​ເຂົ້າ​ຮ່ວມ​ຢ່າງ​ພ້ອມ​ພຽງ.

ທ່ານ ທັນ​ສະ​ໄໝ ຊາ​ມູນ​ຕີ ໄດ້ກ່າວວ່າ: ລາວ​ໂທ​ລະ​ຄົມ ໃຫ້​ການສະໜັບສະໜູນຫລັກ ທີ​ວີ​ລາວ ໃນ​ການ​ຖ່າຍ​ທອດ​ສົດ​ບານ​ໂລກ 2018. ນອກຈາກນັ້ນ ທີ​ວີ​ລາວ ຍັງມອບ​ລິ​ຂະ​ສິດ​ໃຫ້ ລາວ​ໂທ​ລະ​ຄົມ ​ຖ່າຍ​ທອດ​ສົດ​ຜ່ານ​ມືຖື​​ພຽງ​ຜູ້​ດຽວໃນ​ ສ​ປ​ປ ລາວ ດ້ວຍເຄືອ​ຂ່າຍລາວ​ໂທ​ລະ​ຄົມ ​ແລະ ເພື່ອ​ເປັນ​ການ​ມອບ​ປະ​ສົບ​ການ​ອັນ​ໃໝ່​ທາງ​ດ້ານ​ບໍ​ລິ​ການ​ເສີມ​ຂອງ​ພວກ​ເຮົາ​ໃຫ້​ກັບ​ລູກ​ຄ້າໄດ້​ມີ​ຄວາມ​ມ່ວນ​ຊື່ນ ແລະ ສະ​ດວກ​ສະ​ບາຍ​ຂຶ້ນ ເພື່ອ​ຄວາມ​ສະ​ດວກ ແລະ ວ່ອງ​ໄວ​ຂຶ້ນ​ທາງ ລາວ​ໂທ​ລະ​ຄົມ ໄດ້​ສ້າງ​ແອັບ​ໃໝ່​ (Application) ຂຶ້ນ​ມາ​ຊື່​ວ່າ LTC Play ເຊິ່ງ​ແອັບ​ດັ່ງ​ກ່າວສາ​ມາດ​ຮັບ​ຊົມ TV Online ແລະ ສາ​ມາດ​ເບິ່ງ​ການ​ແຂ່ງ​ຂັນ​ບານ​ໂລກໄດ້​ທຸກໆ​ນັດ ພ້ອ​ມ​ທັງ​ພິ​ທີເປີດ-ປິດການ​ແຂ່ງ​ຂັນ​ໄດ້​ອີກ​ດ້ວຍ ໂດຍ​ສາ​ມາດ​ດາວ​ໂຫລດ​ໄດ້​ທັງ​ລະ​ບົບແອນ​ດຣອຍ (Android ຫລື Google play) ແລະ ໄອ​ໂອ​ເອັ​ສ (IOS ຫລື App Store).

ສຳ​ລັບແອັບ LTC Play ສາ​ມາດ​ດາວ​ໂຫລດ​ໄດ້​ງ່າຍໆ ໂດຍ​ພິ​ມ LTC Play ຜ່ານ Google play ຂອງ​ແອນດ​ຣອຍ  ແລະ  App Store ຂອງ​ໄອ​ໂອ​ເອ​ສ ​ສາ​ມາດ​ເຂົ້າ​ໄປ​ດາວ​ໂຫລດ​ໄດ້​ພຽງ​ແຕ່ 10 ກວ່າ​ແມັກ​ກາ​ໄບ​ເທົ່າ​ນັ້ນ ເຊິ່ງ​ໃນ​ແອັບ​ຈະ​ມີຫລາຍ​ຊ່ອງ​ໃຫ້​ຕິດ​ຕາມ ໂດຍ​ສະ​ເພາະຊ່ອງ​ທີ​ວີ​ລາວມີ​ເຖິງ 2 ຊ່ອງ​ທີ່​ຈະ​ຖ່າຍ​ທອດ​ສົດ​ບານ​ໂລກ 2018 ທັງ​ໝົດ 64 ນັດ (ນັດ​ທຳ​ອິດ​ຈົນ​ເຖິງ​ນັດ​ຊີງ​ຊະ​ນະ​ເລີດ), ເຖິງວ່າ​ຈະ​ມີ​ 2 ຄູ່​ແຂ່ງ​ພ້ອມ​ກັນ, ແຕ່ກໍ​ສາ​ມາດ​ເລືອກ​ເບິ່ງ​ໄດ້​ທັງ​ 2 ຊ່ອງ.

- Wave100S AD to Website 2020 0 - ລາວໂທລະຄົມຜູ້ສະໜັບສະໜູນຫລັກທີວີລາວ ໃນການຖ່າຍທອດບານໂລກ 2018
- WhatsApp Image 2020 05 27 at 5 - ລາວໂທລະຄົມຜູ້ສະໜັບສະໜູນຫລັກທີວີລາວ ໃນການຖ່າຍທອດບານໂລກ 2018
- WhatsApp Image 2020 05 27 at 5 - ລາວໂທລະຄົມຜູ້ສະໜັບສະໜູນຫລັກທີວີລາວ ໃນການຖ່າຍທອດບານໂລກ 2018
error: Alert: ເນື້ອຫາຂ່າວມີລິຂະສິດ !!