ຕາເວັນອອກກາງສະເໜີໃຫ້ເງິນຊ່ວຍເຫລືອ ຊອກດານີຫລຸດຜ່ອນວິກິດເສດຖະກິດ

- 1528690143719 960x0 - ຕາເວັນອອກກາງສະເໜີໃຫ້ເງິນຊ່ວຍເຫລືອ ຊອກດານີຫລຸດຜ່ອນວິກິດເສດຖະກິດ
- Untitled design - ຕາເວັນອອກກາງສະເໜີໃຫ້ເງິນຊ່ວຍເຫລືອ ຊອກດານີຫລຸດຜ່ອນວິກິດເສດຖະກິດ

ອາຣັບບີ ຊາ​ອຸ​ດິດ, ສະຫະ​ນະຄອນ ​ເອ​ເມຣັດ ອາຣັບ (UAE) ​ແລະ ກູ​ເວດ ສະ​ເໜີ​ໃຫ້​ເງິນ​ຊ່ວຍ​ເຫລືອ​ຊອກ​ດາ​ນີຫລຸດຜ່ອນ​ວິ​ກິດ​ເສດຖະກິດທີ່​​ເຮັດ​ໃຫ້​ຄົນ​ອອກ​ມາ​ຊຸມນຸມ​ປະ​ທ້ວງ​ມາດ​ຕະການ​ຮັດ​ສາຍ​ແອວ​ຂອງ​ລັດຖະບານ.

ສຳນັກ​ຂ່າວ SPA ຂອງ​ທາງ​ການ​ອາຣັບບີ ຊາ​ອຸ​ດິດ ລາຍ​ງານ​ໃນ​ວັນ​ທີ 11 ມິຖຸນາ​ນີ້​ວ່າ: ດ້ວຍ​ສາຍ​ພົວພັນ​ການ​ເປັນ​ພີ່ນ້ອງ​ໃກ້ຊິດ, ສາມ​ປະ​ເທດຄື​ອາຣັບບີ ຊາ​ອຸ​ດິດ, UAE ​ແລະ ກູ​ເວດ ຈຶ່ງ​ຕົກລົງ​ກັນ​ວ່າ​ຈະ​ໃຫ້ການ​ຊ່ວຍ​ເຫລືອ​ທາງ​ເສດຖະກິດ​ແກ່​ຊອກ​ດາ​ນີ​ເປັນ​ມູນ​ຄ່າ 2.500 ລ້ານ​ໂດ​ລາ​ສະຫະລັດ ​ເປັນ​ເງິນ​ຝາກ​ໃນ​ທະນາຄານ​ກາງ​ຊອກ​ດາ​ນີ ​ໂດຍ​ມີ​ທະນາຄານ​ໂລກ​ເຮັດ​ໜ້າ​ທີ່​ຄ້ຳປະກັນ ​ແລະ ​ໃຫ້ການ​ສະໜັບສະໜູນ​ເປັນ​ເວລາ 5 ປີ. ຂະນະ​ທີ່ ສົມ​ເດັດ​ພະຣາຊາ​ທິບໍດີ ອັບ​ດຸນ​ລາ ທີ​ສອງ​ຂອງ​ຊອກ​ດາ​ນີ ກ່າວ​ຂອບ​ໃຈ​ຜູ້ນຳ​ສາມ​ປະ​ເທດ​ໃນ​ກອງ​ປະຊຸມ​ສຸດ​ຍອດ 4 ປະ​ເທດ​ທີ່​ເມືອງ​ເມກ​ກະຂອງ​ອາຣັບບີ ຊາ​ອຸ​ດິດວ່າ: ມາດ​ຕະການ​ການ​ຊ່ວຍ​ເຫລືອ​ນີ້​ຈະ​ຊ່ວຍ​ໃຫ້​ຊອກ​ດາ​ນີ​ເອົາ​ຊະນະ​ວິ​ກິດ​ໄດ້. ກ່ອນ​ໜ້າ​ນີ້ ທ່າ​ນນາງ ​ເຟ​ເດຣິກາ ​ໂມ​ເກຣິນີ ຫົວໜ້າ​ນະ​ໂຍບາຍ​ຕ່າງປະ​ເທດ​ຂອງ​ສະຫະພາບ​ເອີຣົບ (EU) ​ໄດ້​ປະກາດ​ໃນ​ວັນ​ທີ 10 ມິຖຸນາ​ວ່າ: ຈະ​ໃຫ້ການ​ຊ່ວຍ​ເຫລືອ​ຊອກ​ດາ​ນີມູນ​ຄ່າ 20 ລ້ານ​ເອີ​ໂຣ.

- Wave100S AD to Website 2020 0 - ຕາເວັນອອກກາງສະເໜີໃຫ້ເງິນຊ່ວຍເຫລືອ ຊອກດານີຫລຸດຜ່ອນວິກິດເສດຖະກິດ

ຊອກ​ດາ​ນີກຳລັງ​ຫາ​ທາງ​ຈຳກັດ​ໜີ້​ສິນ​ຫລັງ​ຮັບ​ເງິນ​ກູ້ 723 ລ້ານ​ໂດ​ລາ​ສະຫະລັດ ຈາກ​ກອງ​ທຶນ​ການ​ເງິນ​ສາກົນ (IMF) ​ໃນ​ປີ 2016, ມາດ​ຕະການ​ຕັດ​ຫລຸດ​ງົບປະມານ​ຂອງ​ລັດ​ສົ່ງ​ຜົນ​ໃຫ້​ລາຄາ​ສິນຄ້າ​ຈຳ​ເປັນ​ພື້ນຖານ​ປັບ​ຂຶ້ນທົ່ວ​ປະ​ເທດ, ປະຊາຊົນ​ຊຸມນຸມ​ປະ​ທ້ວງ​ບໍ່ພໍ​ໃຈ​ຮ່າງ​ກົດໝາຍ​ພາສີ​ທີ່​ລັດຖະບານ​ສະ​ເໜີ​ຕໍ່​ສະພາ ຈົນ​ນາຍົກລັດຖະມົນຕີ ຮາ​ນີ ອັລມັລກີ ລາ​ອອກ ​ແລະ ລັດຖະບານ​ປະກາດ​ຖອນ​ຮ່າງ​ກົດໝາຍ​ດັ່ງກ່າວ. ຊອກ​ດາ​ນີ​ໂທດ​ວ່າ: ວິ​ກິດ​ເສດຖະກິດ​​ໃນ​ປັດຈຸບັນ​ເປັນ​ຜົນ​ຈາກ​ສະພາບ​ໄຮ້​ສະຖຽນ​ລະ​ພາບ​ໃນ​ພາກພື້ນ ​ແລະ ການ​ແບກ​ຮັບ​ພາລະ​ເບິ່ງ​ແຍງ​ຜູ້​ລີ້​ໄພ​ໜີ​ສົງຄາມ​ຊີຣີ ​ໂດຍ​ບໍ່​ໄດ້​ຮັບ​ການ​ຊ່ວຍ​​ເຫລືອ​ຈາກ​ບັນດາ​ປະ​ເທດ​​ເທົ່າ​ທີ່​ຄວນ.

- WhatsApp Image 2020 05 27 at 5 - ຕາເວັນອອກກາງສະເໜີໃຫ້ເງິນຊ່ວຍເຫລືອ ຊອກດານີຫລຸດຜ່ອນວິກິດເສດຖະກິດ
- WhatsApp Image 2020 05 27 at 5 - ຕາເວັນອອກກາງສະເໜີໃຫ້ເງິນຊ່ວຍເຫລືອ ຊອກດານີຫລຸດຜ່ອນວິກິດເສດຖະກິດ
error: Alert: ເນື້ອຫາຂ່າວມີລິຂະສິດ !!