ມິງ ຖືກລົງໂທດຫ້າມລົງສະຫນາມ 5 ນັດ ກໍລະນີຢຽບຫົວ ອີບຣາຮີໂມວິດ

ໄທໂຮນ ມິງ ກອງຫລັງ ຂອງ ບອນມັດ ຖືກສະມາຄົມ ບານເຕະອັງກິດ ຫລື ເອຟເອ ລົງ ໂທດຫ້າມລົງສະໜາມ 5 ນັດ ຂໍ້ ຫາຫລິ້ນຮ້າຍແຮງຈາກກໍລະນີ ຢຽບຫົວ ອິບຣາຮິໂມວິດ ໃນເກມ ລີກນັດ ບອນມັດ ບຸກສະເໝີ ແມນ ຢູໄນເຕັດ 1-1 ປະຕູ ໃນວັນເສົາ ຜ່ານມາ.

ກ່ອນໜ້ານີ້ ມິງ ຖືກຕັ້ງຂໍ້ຫາ ຫລິ້ນຮ້າຍແຮງຈາກເຫດການດັ່ງກ່າວ ຂະນະທີ່ ອິບຣາຮິໂມວິດ ເຊິ່ງສັບສອກໃສ່ຄູ່ກໍລະນີເປັນການເອົາຄືນຫລັງຈາກນັ້ນ ກໍຖືກຕັ້ງຂໍ້ດ້ວຍເຊັ່ນກັນ ແຕ່ ອິບຣາ ຮິໂມວິດ ຍອມຮັບຂໍ້ກ່າວຫາພ້ອມຮັບໂທດຫ້າມລົງສະໜາມ 3 ນັດ ຂະນະທີ່ ບອນມັດ ຕັດສິນໃຈຍື່ນອຸທອນດັ່ງ ກ່າວ ແຕ່ບໍ່ເປັນຜົນເຮັດໃຫ້ ມິງ ຕ້ອງຖືກລົງໂທດ ເພີ່ມຈາກ 3 ນັດເປັນ 5 ນັດ ໂດຍລາວເອງຈະໝົດສິດລົງສະໜາມໃນເກມລີກນັດພົບກັບ ເວສແຮມ ຢູໄນເຕັດ, ສະວອນຊີ ຊິຕີ, ເຊົາ ແທມຕັນ, ລິເວີພູລ ແລະ ເຊລຊີ ກ່ອນຈະພົ້ນໂທດກັບມາໃນເກມ ລີກທີ່ຈະບຸກໄປຢາມ ທັອດແນມ ຮັອດສະເປີ ໃນວັນທີ 15 ເມສານີ້.

error: Alert: Content is protected !!