ຕຳຫລວດ​ຈຳປາ​ສັກຈັບ​ຜູ້ແອບ​ອ້າງ​ເປັນ​ເຈົ້າໜ້າທີ່ສໍ້​ໂກງ​ຊັບ​ພົນລະ​ເມືອງ

- 831e3d80 dafc 4622 9162 4ee4d58297e0 678x381 - ຕຳຫລວດ​ຈຳປາ​ສັກຈັບ​ຜູ້ແອບ​ອ້າງ​ເປັນ​ເຈົ້າໜ້າທີ່ສໍ້​ໂກງ​ຊັບ​ພົນລະ​ເມືອງ
- Untitled design - ຕຳຫລວດ​ຈຳປາ​ສັກຈັບ​ຜູ້ແອບ​ອ້າງ​ເປັນ​ເຈົ້າໜ້າທີ່ສໍ້​ໂກງ​ຊັບ​ພົນລະ​ເມືອງ

​​ ເມື່ອ​ບໍ່ດົນ​ມານີ້, ​ເຈົ້າໜ້າທີ່ ປກສ ​ແຂວງຈຳປາ​ສັກ ​ໄດ້​ຈັບ​ຕົວນາງ ​ແຖມ ອາຍຸ 58 ປີຢູ່​ບ້ານຂີ້ນາກເມືອງ​ໂຂງ ​ແລະ ທ້າວ ສົມ​ໄຊ ອາຍຸ 45 ປີຢູ່​ບ້ານ ຫ້ວຍ​ເພັກ, ​ເມືອງ​ໂພນ​ທອງ​ແຂວງຈຳປາ​ສັກມາ​ດຳ​ເນີນ​ຄະດີຕາມ​ລະບຽບກົດໝາຍ​ໃນ​ຂໍ້​ຫາ​ແອບ​ອ້າງ​ເປັນ​ເຈົ້າໜ້າທີ່​ເພື່ອ​ສໍ້​ໂກງ​ຊັບ​ຂອງ​ພົນລະ​ເມືອງ.

​ ເຈົ້າໜ້າທີ່ ​ໃຫ້​ຮູ້​ວ່າ: ພາຍຫລັງ​ໄດ້​ມີ​ປະຊາຊົນ​​ແຈ້ງ​ວ່າມີ​ກຸ່ມ​ຄົນ​ບໍ່ດີ​ໄດ້​ແອບ​ອ້າງ​ເປັນ​ເຈົ້າໜ້າທີ່ເພື່ອ​ຕົວະ​ປະຊາຊົນ​ວ່າສາມາດ​ແລ່ນເອົາລູກຫລານ​ເຂົ້າ​ເຮັດ​ວຽກ​ໃນ​ກຳລັງ ປກສ ​ໄດ້, ຊຶ່ງ​ມີ​ຜູ້​ຕົກ​ເປັນ​ເຍື່ອຂອງ​ມິດສາຊີບ​ດັ່ງກ່າວ​ເປັນ​ຈຳນວນຫລາຍ, ຈາກ​ນັ້ນ, ​ເຈົ້າໜ້າທີ່ຈຶ່ງ​ໄດ້​ຮວບ​ຮວມຂໍ້​ມູນ ​ແລະ ສາມາດ​ຕິດຕາມ​ຈັບ​ນັກ​ຕົ້ມ​ຕຸ​ນຕົວ​ອັນຕະລາຍ​ດັ່ງກ່າວມາ​ດຳ​ເນີນ​ຄະດີ​ ແລະ ຜ່ານ​ການ​ສືບສວນ-ສອບ​ສວນຂອງເຈົ້າໜ້າທີ່ພວກເຂົາໄດ້ຮັບສາລະພາບວ່າ: ​ໄດ້​ຮ່ວມ​ກັນ​ເຄື່ອນ​ໄຫວຕົວະ​ປະຊາຊົນ​ວ່າສາມາດ​ແລ່ນ​ເອົາ​ລູກຫລານ​ເຂົ້າ​ເປັນ​ຕຳຫລວດ ຫລື​ ສາມາດ​ແລ່ນ​ເອົາ​ຜູ້​ຕ້ອງ​ຫາ​ອອກ​ຈາກ​ຄ້າຍ​ຄຸມ​ຂັງ​ໄດ້, ​ໂດຍ​ການ​ແອບ​ອ້າງ​ເປັນ​ເຈົ້າໜ້າທີ່ ​ແລະ ຮູ້ຈັກ​ກັບ​ພະນັກງານ​ໄອ​ຍະ​ການ ​ແລະ ສານປະຊາຊົນ ​ເພື່ອ​ສ້າງ​ຄວາມ​ເຊື່ອໝັ້ນ​ໃຫ້​ກັບ​ເຍື່ອ ແລະ ກໍລະນີລ່າ​ສຸດ​ໄດ້​ຕົວະ​ເອົາ​ເງີ​ນຂອງ​ປະຊາຊົນວ່າສາມາດ​ແລ່ນ​ເອົາ​ຍາດ​ພີ່ນ້ອງ​ຜູ້​ຕ້ອງ​ຫາ​ຄ້າ​ຢາ​ເສບ​ຕິດຢູ່​ຄ້າຍ​ຄຸມ​ຂັງ ​ແຂວງຈຳປາ​ສັກ ອອກ​ມາ​​ໄດ້ ​ແລະ ໄດ້ມີ​ຜູ້ຫລົງ​ເຊື່ອ​ຕົກເປັນ​ເຫຍື່ອ​ຂອງ​ທັງສອງ​ມາ​ແລ້ວຫລາຍຄົນ ກ່ອນ​ຖືກ​ເຈົ້າໜ້າທີ່​ຈັບ​ຕົວ​ດຳ​ເນີນ​ຄະດີ.

- Wave100S AD to Website 2020 0 - ຕຳຫລວດ​ຈຳປາ​ສັກຈັບ​ຜູ້ແອບ​ອ້າງ​ເປັນ​ເຈົ້າໜ້າທີ່ສໍ້​ໂກງ​ຊັບ​ພົນລະ​ເມືອງ
- WhatsApp Image 2020 05 27 at 5 - ຕຳຫລວດ​ຈຳປາ​ສັກຈັບ​ຜູ້ແອບ​ອ້າງ​ເປັນ​ເຈົ້າໜ້າທີ່ສໍ້​ໂກງ​ຊັບ​ພົນລະ​ເມືອງ
- WhatsApp Image 2020 05 27 at 5 - ຕຳຫລວດ​ຈຳປາ​ສັກຈັບ​ຜູ້ແອບ​ອ້າງ​ເປັນ​ເຈົ້າໜ້າທີ່ສໍ້​ໂກງ​ຊັບ​ພົນລະ​ເມືອງ
error: Alert: ເນື້ອຫາຂ່າວມີລິຂະສິດ !!