ລາວຫາລືຮ່າງກົດໝາຍວ່າດ້ວຍສໍານັກງານຜູ້ຕາງໜ້າແຫ່ງ ສປປ ລາວ ປະຈໍາຢູ່ຕ່າງປະເທດ

- discussion - ລາວຫາລືຮ່າງກົດໝາຍວ່າດ້ວຍສໍານັກງານຜູ້ຕາງໜ້າແຫ່ງ ສປປ ລາວ ປະຈໍາຢູ່ຕ່າງປະເທດ
- Untitled design - ລາວຫາລືຮ່າງກົດໝາຍວ່າດ້ວຍສໍານັກງານຜູ້ຕາງໜ້າແຫ່ງ ສປປ ລາວ ປະຈໍາຢູ່ຕ່າງປະເທດ

​​ໃນວັນທີ 11 ມິຖຸນານີ້, ກະຊວງຍຸຕິທໍາໄດ້ຈັດກອງປະຊຸມປືກສາຫາລືກ່ຽວກັບຮ່າງກົດໝາຍວ່າດ້ວຍສໍານັກງານຜູ້ຕາງໜ້າແຫ່ງສາທາລະນະລັດ ປະຊາທິປະໄຕ ປະຊາຊົນລາວ ປະຈໍາຢູ່ຕ່າງປະເທດ, ​ໂດຍ​ການເປັນປະທານຂອງ ທ່ານ ເສີມສຸກ ສິມພະວົງ ຮອງລັດຖະມົນຕີກະຊວງຍຸຕິທໍາ ແລະ ທ່ານນາງ ຄໍາເພົາ ເອີນທະວັນ ຮອງລັດຖະມົນຕີກະຊວງການຕ່າງປະເທດ, ພ້ອມດ້ວຍາກສ່ວນກ່ຽວຂ້ອງຕ່າງໆເຂົ້າຮ່ວມ. ເພື່ອກວດຄືນກ່ຽວກັບຂັ້ນຕອນການຮ່າງກົດໝາຍດັ່ງກ່າວ ເປັນຕົ້ນ: ການກໍານົດຫລັກການ, ລະບຽບການ, ມາດຕະຖານກ່ຽວກັບການຄຸ້ມຄອງ, ຕິດຕາມ ແລະ ກວດກາການຈັດຕັ້ງ ແລະ ການເຄື່ອນໄຫວຂອງສໍານັກງານຜູ້ຕາງໜ້າແຫ່ງສາທາລະນະລັດ ປະຊາທິປະໄຕ ປະຊາຊົນລາວປະຈໍາຢູ່ຕ່າງປະເທດ ເພື່ອຮັບປະກັນການປະຕິບັດພາລະບົດບາດ, ສິດ ແລະ ໜ້າທີ່ຂອງສໍານັກງານຜູ້ຕາງໜ້າດັ່ງກ່າວໃຫ້ມີປະສິດທິພາບ,  ແນໃສ່ປະຕິບັດນະໂຍບາຍການຕ່າງປະເທດຂອງ ສປປ ລາວ ແລະ ເຊື່ອມໂຍງກັບພາກພື້ນ ແລະ ສາກົນ, ທັງເປັນການປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ.

ຮ່າງກົດໝາຍດັ່ງກ່າວປະກອບມີ 8 ພາກ, 62 ມາດຕາ ແລະ ພາຍຫລັງກອງປະຊຸມຄັ້ງນີ້, ຄະນະຮັບຜິດຊອບຮ່າງກົດໝາຍຈະໄດ້ນໍາເອົາຄໍາຄິດເຫັນ ຂອງຜູ້ເຂົ້າຮ່ວມມາປັບປຸງດ້ານໃຫ້ມີເນື້ອໃນສົມບູນຄົບຖ້ວນຍິ່ງຂຶ້ນ.

ທ່ານຮອງ​ລັດຖະມົນຕີກະຊວງ​ການ​ຕ່າງປະ​ເທດ ​ໃຫ້​ຮູ້​ວ່າ: ​ໃນ​ຜ່ານມາ, ວຽກງານ​ການ​ຕ່າງປະ​ເທດ​ຂອງລາວ​ໄດ້​ຂະ​ຫາຍ​ຕົວຂຶ້ນເປັນກ້າວໆ ແລະ ສາມາດເຊື່ອມ​ໂຍງ​ພາກພຶ້ນ ​ແລະ ສາກົນ​ຢ່າງ​ເປັນ​ເຈົ້າ​ການ, ນອກ​ນັ້ນ, ບັນດາ​ສຳນັກງານ​ການ​ທູດ​ລາວ​ປະຈຳ​ຕ່າງປະ​ເທດ ກໍ​ໄດ້​ເອົາ​ໃຈ​ໃສ່​ເຄື່ອນ​ໄຫວ​ການ​ທູດການ​ເມືອງ, ການ​ທູດ​ເສດຖະກິດ ​ແລະ ການ​ທູດ​ວັດທະນະທຳ​ຢ່າງ​ຕັ້ງໜ້າ, ອັນ​ໄດ້​ປະກອບສ່ວນ​ສຳຄັນ​ເຂົ້າ​ໃນ​ການ​ສົ່ງ​ເສີມ​ສາຍ​ພົວພັນ​ຮ່ວມ​ມືລະຫວ່າງ ສປປ ລາວກັບ​ຕ່າງປະ​ເທດ, ປັດຈຸບັນ, ສປປ ລາວ ​ໄດ້​ມີ​ສາຍ​ພົວພັນ​ການ​ທູດ​ກັບ 140 ປະ​ເທດ ​ແລະ ມີ​ສຳນັກ​ງານ​ຕາງໜ້າການ​ທູດລວມທັງໝົດ 39 ​ແຫ່ງ, ​ໃນ​ນັ້ນ​ມີ​ສະຖານທູດ 26 ​ແຫ່ງ, ສຳນັກງານ​ຜູ້ຕາງໜ້າ​ຖາວອນ 3 ​ແຫ່ງ, ກົງສຸນ​​ໃຫຍ່ 9 ​ແຫ່ງ ​ແລະ ຫ້ອງການ​ກົງສຸນ 1 ​ແຫ່ງ, ນອກ​ນີ້, ຍັງ​ມີ​ສາຍ​ພົວພັນ​ກັບ​ພັກ​ການ​ເມືອງ​ໃນ​ທົ່ວ​ໂລກ​ເກືອບ 130 ພັກ.

- Wave100S AD to Website 2020 0 - ລາວຫາລືຮ່າງກົດໝາຍວ່າດ້ວຍສໍານັກງານຜູ້ຕາງໜ້າແຫ່ງ ສປປ ລາວ ປະຈໍາຢູ່ຕ່າງປະເທດ
- WhatsApp Image 2020 05 27 at 5 - ລາວຫາລືຮ່າງກົດໝາຍວ່າດ້ວຍສໍານັກງານຜູ້ຕາງໜ້າແຫ່ງ ສປປ ລາວ ປະຈໍາຢູ່ຕ່າງປະເທດ
- WhatsApp Image 2020 05 27 at 5 - ລາວຫາລືຮ່າງກົດໝາຍວ່າດ້ວຍສໍານັກງານຜູ້ຕາງໜ້າແຫ່ງ ສປປ ລາວ ປະຈໍາຢູ່ຕ່າງປະເທດ
error: Alert: ເນື້ອຫາຂ່າວມີລິຂະສິດ !!