ບຳລຸງໝາກໄຂ່ຫລັງໃຫ້ແຂງແຮງຈາກ 5 ແຫລ່ງອາຫານ

- 021206 2018 - ບຳລຸງໝາກໄຂ່ຫລັງໃຫ້ແຂງແຮງຈາກ 5 ແຫລ່ງອາຫານ
- Untitled design - ບຳລຸງໝາກໄຂ່ຫລັງໃຫ້ແຂງແຮງຈາກ 5 ແຫລ່ງອາຫານ

ການກິນອາຫານຫລາຍໆຢ່າງທີ່ຫລາຍເກີນຄວາມຈຳເປັນ ຈະເຮັດໃຫ້ຮ່າງກາຍຂອງເຮົາໄດ້ຮັບສານອາຫານບາງຊະນິດເກີນ ກ່ວາຄວາມຕ້ອງການ ແລະ ອາດເຮັດໃຫ້ໝາກໄຂ່ຫລັງຕ້ອງເຮັດວຽກໜັກ ແລະ ເສື່ອມໄວໄດ້.

ແຕ່ສຳລັບອາຫານບາງຊະນິດເມື່ອກິນແລ້ວມີສ່ວນຊ່ວຍບຳລຸງໝາກໄຂ່ຫລັງໃຫ້ແຂງແຮງຍິ່ງຂຶ້ນ ເຊັ່ນ: ຜັກກະທຽມ, ຫົວຜັກບົ່ວໃຫຍ່, ຜັກກະລໍ່າ, ປາສົດ ແລະ ໝາກແຄຣນເບີຣີ.

- Wave100S AD to Website 2020 0 - ບຳລຸງໝາກໄຂ່ຫລັງໃຫ້ແຂງແຮງຈາກ 5 ແຫລ່ງອາຫານ
  1. ຜັກກະທຽມ : ຈະມີສານອັລລິຊິນ ເປັນສານຕໍ່ຕ້ານອະນຸມູນອິດສະລະທີ່ດີ, ມີສັບພະຄຸນໃນການຂັດຂວາງເຊື້ອແບັກທີເຣຍ, ເຊື້ອໄວຣັສ ແລະ ເຊື້ອລາ ລວມທັງປ້ອງກັນການເປັນພະຍາດຫົວໃຈ, ພະຍາດຫລອດເລືອດ, ຊ່ວຍຫລຸດຄວາມດັນເລືອດ ສິ່ງສຳຄັນຍັງຊ່ວຍຫລຸດຄວາມສ່ຽງຕໍ່ການເປັນພະຍາດໝາກໄຂ່ຫລັງ ແລະ ການອັກເສບຕ່າງໆ.
  2. ຫົວຜັກບົ່ວໃຫຍ່ : ເປັນອາຫານບຳລຸງສຸຂະພາບສຳລັບຄົນທີ່ມີລະດັບຄຣີເອຕິນິນໃນລະດັບສູງ ຫລື ຜູ້ທີ່ມີບັນຫາເລື່ອງພະຍາດໝາກໄຂ່ຫລັງ ເຊິ່ງໃນຫົວຜັກບົ່ວໃຫຍ່ຈະມີສານທຳມະຊາດ ໂປຣສະຕາແກລນຕິນ ທີ່ມີຄຸນສົມບັດໃນການຫລຸດຄວາມໜຽວຂອງເລືອດ ແລະ ຊ່ວຍຫລຸດຄວາມດັນຂອງເລືອດ ເຊິ່ງຈະເຮັດໃຫ້ຫລຸດອາການພະຍາດໝາກໄຂ່ຫລັງລົງໄດ້.
  3. ຜັກກະລໍ່າ : ຈະມີວິຕາມິນເຊ, ກົດໂຟລິກ, ເສັ້ນໄຍ ແລະ ຍັງມີໂປຕັສຊຽມຕໍ່າ ເຊິ່ງສາມາດກຳຈັດສານພິດບາງຢ່າງອອກຈາກຮ່າງກາຍໄດ້ ເຮັດໃຫ້ຫລຸດພາລະການເຮັດວຽກຂອງໝາກໄຂ່ຫລັງໄດ້ ແລະ ປ້ອງກັນການເກີດພະຍາດຫົວໃຈ ແລະ ພະຍາດຄວາມດັນເລືອດສູງ ເຊິ່ງທັງ 2 ພະຍາດສາມາດກ່່ຽວຂ້ອງກັບການເປັນພະຍາດໝາກໄຂ່ຫລັງໄດ້.
  4. ປາສົດ : ປາແຊວມັອນ, ປາທະເລ ແລະ ປາຊາດີນ ອຸດົມໄປດ້ວຍໂປຣຕິນ ແລະ ໂອເມກ້າ 3 ທີ່ຄົນບໍ່ສາມາດຜະລິດເອງໄດ້ ເຊິ່ງການກິນປາສົດເປັນປະຈຳ ຊ່ວຍຫລຸດຄວາມສ່ຽງເປັນພະຍາດຫົວໃຈ, ຄວາມດັນເລືອດ ແລະ ຄໍເລສເຕີໂຣນສູງໄດ້.
  5. ໝາກແຄຣນເບີຣີ : ໝາກໄມ້ໜ່ວຍນ້ອຍສີແດງທີ່ຈະຊ່ວຍຕື່ມຄວາມເປັນກົດຂອງຍ່ຽວ ແລະ ຫລຸດຄວາມສ່ຽງໃນການເປັນພົກຍ່ຽວອັກເສບໄດ້ນຳ ຫາກທ່ານກິນເປັນປະຈຳ ຫລື ເຮັດນຳ້ປັ່ນໝາກແຄຣນເບີຣີກິນກໍໄດ້.
- WhatsApp Image 2020 05 27 at 5 - ບຳລຸງໝາກໄຂ່ຫລັງໃຫ້ແຂງແຮງຈາກ 5 ແຫລ່ງອາຫານ
- WhatsApp Image 2020 05 27 at 5 - ບຳລຸງໝາກໄຂ່ຫລັງໃຫ້ແຂງແຮງຈາກ 5 ແຫລ່ງອາຫານ
error: Alert: ເນື້ອຫາຂ່າວມີລິຂະສິດ !!