ທ່ຽວຊົມດົງລີງດິນແດນເຈົ້າປ່າພະຍາໄພ

- 1111114 - ທ່ຽວຊົມດົງລີງດິນແດນເຈົ້າປ່າພະຍາໄພ
- Untitled design - ທ່ຽວຊົມດົງລີງດິນແດນເຈົ້າປ່າພະຍາໄພ

  ໂດຍ: ຊາຍພະເນຈອນ 

ດົງລີງ ເປັນດົງທີ່ ກວ້າງ ໃຫຍ່ອັນເຕັມໄປດ້ວຍປ່າໄມ້ທີ່ດົກໜາຂຽວງາມອຸ່ມທຸ່ມ ຢູ່ຕະຫຼອດປີ ເຊິ່ງໄດ້ປົກຄຸມ ໄປທົ່ວບໍລິເວນເຂດດັ່ງກ່າວ, ເປັນປ່າດົງດິບທີ່ມີເນື້ອທີ່ ປະມານ 5-6 ເຮັກຕາ ໂດຍມີ ອາຍຸບໍ່ຕໍ່າກວ່າ 500ປີຂຶ້ນໄປ ເຊິ່ງຕັ້ງຢູ່ຕິດກັບເຂດດິນ ແດນບ້ານດົງເມືອງ, ເມືອງ ແກ້ງກອກ, ແຂວງ ສະຫວັນ ນະເຂດ. ທີ່ມາຂອງຊື່ດົງລີງ ກໍຍ້ອນວ່າ ໄດ້ມີລີງເປັນຈໍາ ນວນຫຼາຍພັນໂຕອາໄສຢູ່ ທີ່ດົງແຫ່ງນັ້ນ ເຊິ່ງເປັນເຂດ ຫວງຫ້າມຂອງປະຊາຊົນ ແລະ ອົງການປົກຄອງ ທ້ອງຖິ່ນເຂດນັ້ນ.

 

- 8884 - ທ່ຽວຊົມດົງລີງດິນແດນເຈົ້າປ່າພະຍາໄພ

ໄປທ່ຽວຊົມວັງນ້ຳຢ້ຽມໃຫ້ຊື່ນໃຈ

ເຊີນທ່ຽວຊົມ-ນະມັດສະການພະທາດສີໂຄດຕະບອງ

ດົງລີງ ເປັນດິນແດນ ແຫ່ງ ເຈົ້າປ່າພະຍາໄພກໍຄື ດິນແດນຂອງພະຍາລີງນັ້ນ ເອງ ທີ່ໄດ້ມາອາໄສ ແລະ ປົກຄອງບັນດາຝຸງລີງນັບ ເປັນພັນໆໂຕຢູ່ທີ່ແດນດົງ ແຫ່ງນີ້ມາເປັນເວລາຫຼາຍ ຮ້ອຍປີດ້ວຍການສືບທອດ ຕະກຸນຈາກພະຍາລີງມາ ຫຼາຍຍຸກຫຼາຍສະໄໝຈົນສືບທອດມາຮອດປັດຈຸບັນ ແລະ ນັບຕັ້ງແຕ່ເກີດມີປ່າດົງອັນກວ້າງໃຫຍ່ ແລະ ດົກໜາມາຕັ້ງແຕ່ສະໄໝດຶກ ດໍາບັນຮອດປັດຈຸບັນບໍ່ມີຜູ້ ໃດສາມາດກໍານົດໄດ້ຢ່າງ ຈະແຈ້ງວ່າປ່າດົງແຫ່ງນີ້ມີ ອາຍຸມາໄດ້ຈັກປີແລ້ວ ແລະ ບໍ່ມີຜູ້ຄົນໃດກ້າເຂົ້າໄປທ່ຽວໃນປ່າດົງແຫ່ງນີ້ໄດ້ຍ້ອນວ່າຊາວບ້ານເຂດບ້ານດົງເມືອງ ຖືດົງແຫ່ງນີ້ເປັນດົງທີ່ມີ ເຈົ້າ ຖິ່ນເຈົ້າຖານປົກປັກຮັກສາ , ເປັນດົງທີ່ເຄັດ ແລະ ລຶກລັບ. ຕາມຄວາມເຊື່ອປະຊາຊົນ ເຄີຍເລົ່າສູ່ຟັງວ່າ ຖ້າຜູ້ໃດ ຫາກມາລັກເອົາລີງໄປຂ້າ ກິນ ຜູ້ນັ້ນຈະຕ້ອງຕາຍທັນທີ ໂດຍບໍ່ຮູ້ສາເຫດຫຼືບໍ່ ດັ່ງນັ້ນ ຖ້າຫາກມີບຸກຄົນໃດໜຶ່ງ ເຂົ້າ ໄປໃນປ່າດົງລີງແລ້ວເຮັດ ສິ່ງບໍ່ດີກໍຈະມີອັນເປັນໄປ ເຖິງແກ່ຊີວິດຍ້ອນວ່າມີຜີ ສິງຢູ່ໃນຮ່າງຂອງລີງແຕ່ ລະໂຕອັນທີ່ພົ້ນເດັ່ນຈາກ ຂ່າວລືຂອງຊາວບ້ານໄດ້ ເລົ່າສູ່ຟັງວ່າ: ຍັງມີຄົນຕ່າງ ດ້າວຈໍານວນໜຶ່ງໄດ້ມາລັກ ເອົາລີງຈໍານວນຫຼາຍໂຕ ຫວັງສົ່ງໄປຂາຍທີ່ປະເທດ ຫວຽດນາມ ແລະ ໄດ້ລັກ ເຄື່ອນຍ້າຍຈໍານວນລີງໃສ່ ລົດແກ່ອອກໄປ ແຕ່ໄປບໍ່ ຮອດໃສເກີດຫຼົງທາງຫຼົບໄປ ຫຼົບມາຢູ່ບໍລິເວນເຂດດົງອາຖັນແຫ່ງນີ້ ແລະ ສຸດທ້າຍ ກໍໄດ້ກັບຄືນມາສົ່ງລີງທີ່ລັກໄປຄືນສູ່ດົງແຫ່ງນີ້ຄືເກົ່າ. ຍ້ອນເຫດການທີ່ກ່າວມານັ້ນ ຈຶ່ງບໍ່ມີໃຜກ້າເຂົ້າມາທໍາລາຍ ແລະ ລັກເອົາລີງ ໄປຈາກດົງ ແຫ່ງນີ້ໄດ້ອີກ ແລະ ມີແຕ່ຝຸງ ລີງພາກັນອອກມາຕ້ອນຮັບບັນດານັກທ່ອງທ່ຽວທີ່ມາ ທ່ຽວຊົມເພື່ອຂໍອາຫານກິນ ເຊິ່ງລີ່ງແຕ່ລະໂຕເມື່ອໄດ້ ອາຫານ ແລະ ໝາກໄມ້ແລ້ວ ພວກມັນກໍພາກັນກິນແດ່ ທັງອົມເຊື່ອງໄວ້ໃນຜົ້ງແກ້ມ ຂອງມັນຕາມສັນຊາດທະ ຍານຂອງລີງນັ້ນລະ.

- Wave100S AD to Website 2020 0 - ທ່ຽວຊົມດົງລີງດິນແດນເຈົ້າປ່າພະຍາໄພ

ດົງລີງ ເຖິງຈະບໍ່ມີອົງ ການໃດ ແລະ ພາກສ່ວນ ໃດ ມາດູແລເບິ່ງແຍງກໍຕາມ ແຕ່ລີງທຸກໂຕທີ່ອາໄສຢູ່ໃນ ດິນແດນຂອງດົງແຫ່ງນີ້ມີ ຄວາມປອດໄພດີ ໂດຍບໍ່ມີ ໃຜກ້າມາທໍາລາຍ ແລະ ລັກ ເອົາໄປໄດ້ມີແຕ່ເອົາອາຫານ ແລະ ໝາກໄມ້ມາເປັນ ຂອງ ຕ້ອນຂອງຝາກເພື່ອລ້ຽງ ເກືອຝຸງລີງໃຫ້ມີຢູ່ມີກິນບໍ່ ໄດ້ຂາດ. ຍ້ອນວ່າ, ທາງອຳ ນາດການປົກຄອງທ້ອງຖິ່ນ ແລະ ປະຊາຊົນເຂດບ້ານດົງ ເມືອງໄດ້ໃສ່ໃຈດູແລດົງລີງແຫ່ງນີ້ເພື່ອເປັນສົມບັດສ່ວນລວມດ້ວຍການປັກຫຼັກຮົ້ວ ອອ້ມບໍລິເວນດົງແຫ່ງນີ້ໄວ້ ໃຫ້ເປັນຊັດສ່ວນຕ່າງຫາກ ລະຫວ່າງບ້ານດົງເມືອງ ແລະ ດົງລີງ.

ດົງລີງເປັນດົງທີ່ເຕັມ ໄປດ້ວຍປ່າໄມ້ດົກໜາ ແລະ ທິວທັດທໍາມະຊາດທີ່ສວຍ ສົດງົດງາມໂດຍມີຝຸງລີງ ເປັນຈໍານວນມະຫາສານທີ່ ອາດຈະຂາດເຂີນດ້ານອາ ຫານ-ໝາກໄມ້. ເພາະສະ ນັ້ນ, ເພື່ອເປັນການຊຸກຍູ້- ສົ່ງ ເສີມວຽກງານທ່ອງທ່ຽວໃຫ້ ເຕີບໃຫຍ່ຂະຫຍາຍຕົວຄວນ ອະນຸມັດໃຫ້ພາກສ່ວນໃດ ໜຶ່ງມາສໍາປະທານສະຖານທີ່ແຫ່ງນີ້ໃຫ້ກາຍເປັນແຫຼ່ງທ່ອງທ່ຽວອີກແຫ່ງໜຶ່ງເພື່ອເປັນການອານຸລັກ ແລະ ປົກ ປັກຮັກສາປ່າໄມ້ພ້ອມທັງ ເບິ່ງແຍງດູແລລີງທີ່ຢູ່ໃນ ດົງແຫ່ງນີ້ໃຫ້ຍືນຍົງຄົງຕົວ ແລະ ກາຍເປັນສະຖານທີ່ ທ່ອງທ່ຽວອີກແຫ່ງໃໝ່.

ຖ້າທ່ານໃດ ຕ້ອງການ ໄປທ່ຽວຊົມດົງລີງສາມາດ ໄປໄດ້ທຸກເວລາ ເພາະເສັ້ນ ທາງໄປ-ມາສະດວກສະ ບາຍປູຢາງຈົນຮອດບ້ານ ດົງ ເມືອງ-ດົງລີງ ແລະ ຢ່າ ລືມເມື່ອທ່ານໄປຕ້ອງໄດ້ຊື້ ອາຫານ-ໝາກໄມ້ຕິດໄມ້ຕິດມືໄປນໍາເພື່ອເປັນຂອງຕ້ອນຂອງຝາກໃຫ້ກັບຝຸງລີງ ທັງຫຼາຍ. ເມື່ອທ່ານໄປຮອດ ແຄມທາງຂ້າງດົງລີງແລ້ວ ທ່ານ ບໍ່ຈໍາເປັນຈະເຂົ້າໄປ ທີ່ດົງລີງລໍຖ້າຝຸງລີງຊິອອກ ມາຕ້ອນຮັບທ່ານເອງເພື່ອ ມາຂໍອາຫານ-ໝາກໄມ້ໄວ້ ກິນແກ້ຫິວ ແລະ ໃນຕອນ ນັ້ນ, ທ່ານສາມາດຖ່າຍຮູບ ແລະ ເກັບພາບໄວ້ເປັນທີ່ ລະນຶກ.

- 1111114 - ທ່ຽວຊົມດົງລີງດິນແດນເຈົ້າປ່າພະຍາໄພ

- WhatsApp Image 2020 05 27 at 5 - ທ່ຽວຊົມດົງລີງດິນແດນເຈົ້າປ່າພະຍາໄພ
- WhatsApp Image 2020 05 27 at 5 - ທ່ຽວຊົມດົງລີງດິນແດນເຈົ້າປ່າພະຍາໄພ
error: Alert: ເນື້ອຫາຂ່າວມີລິຂະສິດ !!